定期送上世界各地最新、最地道嘅旅遊資訊!

【聖誕旅行好去處】五大必遊歐洲聖誕市集

 

早前介紹咗八個聖誕旅行好去處,今次小編帶大家深入歐洲,一齊探索下五個最好玩嘅歐洲聖誕市集!歐洲聖誕氣氛比香港更加濃厚,加上天氣寒冷,仲有可能落雪,成個feel變得好浪漫,一生人點都要試下喺歐洲過一次聖誕!再行埋聖誕市集,飽嚐當地聖誕美食,今個聖誕,不如就飛返轉歐洲,過個不一樣的聖誕節啦!

 

最古老的法國聖誕市集:史特拉斯堡聖誕市集

@Marché de Noël de Strasbourg Facebook

法國貴為浪漫之都,喺聖誕節咁浪漫嘅節日去簡直一流!而喺距離首都巴黎兩個鐘車程嘅史特拉斯堡(Strasbourg),就有一個堪稱法國最古老嘅聖誕市集。呢個聖誕市集由十五世紀已經開始,今年會有300多個攤檔分佈喺十一個地點,琳瑯滿目嘅商品令人花多眼亂,包括工藝品、地道美食同傳統阿爾薩斯聖誕裝飾品。

 

史特拉斯堡聖誕市集
日期:2017年11月24日-2017年12月24日
開放時間:11月24日 14:00 21:00;11月25日至12月23日 11:00 20:00;12月24日 11:00-18:00

 

🏨Top 10平史特拉斯堡酒店住宿推介HK$425起 *安心價格保證*
[斯特拉斯堡南熱斯波爾桑民宿酒店 HK$441起,斯塔伯格小法蘭西阿德吉奧阿克瑟斯公寓酒店 HK$500起]

 

最浪漫的歐洲聖誕市集:布拉格聖誕市集

@Flickr

作為歐洲另一個浪漫之都嘅布拉格,每年舉行嘅聖誕市集亦都相當有規模!每年布拉格聖誕市集會喺唔同地點舉行﹐最大型同最多人去嘅係舊城廣場(Old Town Square)溫徹拉斯廣場(Wenceslas Square),屆時每個攤位會以色彩繽紛嘅聖誕燈飾同飾物作裝飾,每當夜幕低垂,燈飾喺黑夜中閃爍,加上歡樂嘅聖誕歌曲作襯托,身在其中好容易就被歡樂嘅氣氛所感染!到時記得飲返杯地道嘅捷克熱紅酒應下景!(未滿18歲人士請勿飲酒!)

 

布拉格聖誕市集
日期:2017年12月2日-2018年1月6日
開放時間:10:00-22:00

 

🏨Top 10平布拉格酒店住宿推介HK$114起 *安心價格保證*
[蘇菲的青年旅舍 HK$114起,卡爾頓酒店 HK$624起,4 間藝術套房酒店 HK$1,261起]

 

德國海港聖誕市集:漢堡聖誕市集

@Flickr

德國過聖誕,除咗可以去比較多人去嘅慕尼黑聖誕市集或者柏林聖誕市集,其實都可以去比較少遊客嘅漢堡(Hamburg)聖誕市集。漢堡距離首都柏林大概2個鐘,位於易北河嘅出海口,係僅次於柏林、德國第二大城市。漢堡聖誕市集多達十二個,小編特別推薦去靠近內阿爾斯特湖(Anleger Jungfernstieg)嘅市集,行完市集仲可以睇埋湖景,一舉兩得!

 

漢堡聖誕市集
日期:11月27日-12月30日
開放時間:11:00-21:00
*因應不同地點有不同的開放日期和時間,詳情可參考官網

 

🏨Top 10平漢堡酒店住宿推介HK$653起 *安心價格保證*
[阿倫斯堡公園酒店 HK$653起,漢堡皇冠假日酒店 HK$776起,漢堡海伯利昂酒店 HK$1,158起]

 

《平安夜》發源地:奧地利薩爾茲堡聖誕市集


@Salzburg Official Page

提起聖誕歌,相信好多人都會諗起《Jingle bell》同埋《平安夜》。而薩爾茲堡(Salzburg)除咗係莫札特嘅故鄉之外,更加係《平安夜》嘅創作發源地!呢個聖誕市集充滿音樂氣息,聖誕節期間,聖誕音樂會會喺各地輪流上演,聖誕氣氛喺各地漫延開去!

 

奧地利薩爾茲堡聖誕市集
日期:2017年11月23日至2017年12月26日
開放時間:星期一至四 10:00-20:30;星期五 10:00-21:00;星期六及公眾假期 09:00-21:00;星期日 09:00-20:30

 

🏨Top 10平薩爾茲堡酒店住宿推介HK$743起 *安心價格保證*
[底格斯伯格浪漫酒店 HK$743起,薩爾茨堡中央新門酒店 HK$1,066起,布魯諾爾公園酒店 HK$1,271起]

 

英國古老聖誕市集:巴斯聖誕市集

@Bath Christmas Market Facebook Page

位於倫敦西面嘅巴斯(Bath)係英國一個古城,亦都係英國唯一一個列入世界文化遺產嘅城市。巴斯最出名嘅景點係羅馬浴場,展示古羅馬時期浴場嘅風貌。而巴斯聖誕市集每年會喺巴斯教堂同羅馬浴場旁面舉行,市集有超過200個攤檔,攤檔佈置成為一個個小木屋,而呢個市集嘅特別之處係當中超過80%嘅商店係嚟自西南部嘅本地商店,售賣地道嘅手工藝品同食品,去到記得支持一下。

 

巴斯聖誕市集
日期:2017年11月23日至2017年12月10日
時間:星期一至三 10:00-19:00、星期四至六 10:00-20:30、星期日 10:00-18:00

 

🏨Top 10平巴斯酒店住宿推介HK$122起 *安心價格保證*
[YHA 巴斯青年旅舍 HK$122起,蘭斯多恩格魯夫酒店 HK$1,107起,艾爾靈頓酒店 HK$1,130起]

 

Hotels.com 酒店優惠
睇到呢度,係咪想即刻book酒店去歐洲呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!