定期送上世界各地最新、最地道嘅旅遊資訊!

【2019旅行好去處】紐西蘭皇后鎮自由行景點推薦 + 5大必玩合家歡活動!

2019旅行好去處|紐西蘭皇后鎮自由行

當你諗緊2019旅行好去處,不妨諗吓去紐西蘭皇后鎮自由行啦!紐西蘭擁有極美自然環境,戶外活動多不勝數,雖然皇后鎮唔大,但每年就吸引到成千上萬嘅遊客嚟渡假。除咗可以享受一吓大自然嘅風光,仲可以參加唔同嘅戶外活動。

 

📖延伸閱讀:【奧克蘭景點大曬冷!】快閃3日2夜奧克蘭必去行程懶人包!

 

2019旅行好去處|紐西蘭皇后鎮景點行程 | 米爾福德峽灣BBQ巴士一日遊 (Milford Sound BBQ Bus)

米爾福德峽灣 (Milford Sound) 係被譽為「世界八大奇跡之一」嘅冰河地形,而通往米爾福德峽灣嘅公路風景絕美,坐巴士去就可以將沿路風光盡收眼底。一邊欣賞世界奇景,一邊嘆專人準備嘅紐西蘭風味BBQ,呢個程仲可以坐船遊覽米爾福德峽灣,有機會睇到海豚、企鵝同海豹𠻹!

 

米爾福德峽灣 (Milford Sound) 
參考費用:皇后鎮出發 成人$180-220NZD/小童$90-110NZD (14歲以下)
網址:https://bbqbus.co.nz/

 

2019旅行好去處|紐西蘭皇后鎮景點行程 | 小型滑坡橇 (Skyline Luge Queenstown)
@skyline.co.nz

小型滑坡橇嘅玩法係玩家坐喺滑坡橇上,然後由高處順住跑道滑落山。玩家可以自行操控滑坡橇速度同方向。跑道有分初級版同進階版,5歲以上嘅小朋友都可以玩!除此之外,Skyline Queenstown仲有得坐登山纜車 (Skyline Gondola),大家可以喺玩滑坡橇之前,坐纜車飽覽一吓皇后鎮全景同瓦卡蒂普湖 (Lake Wakatipu) 嘅景色!

 

小型滑坡橇 (Skyline Luge Queenstown)
參考費用:登山纜車 + 滑坡橇2次 成人$49NZD/小童$37NZD (14歲以下)
網址:https://www.skyline.co.nz/en/queenstown/

 

2019旅行好去處|紐西蘭皇后鎮景點行程 | 蒂阿瑙螢火蟲洞 (Te Anau Glowworm Caves)


@nzstatic.com

蒂阿瑙螢火蟲洞 (Te Anau Glowworm Caves) 係位於蒂阿瑙湖畔嘅一個巨大岩洞,岩洞一直延伸到數十公里外嘅米爾福德峽灣 (Milford Sound) 之下,只係坐特製嘅小船先可以直達洞穴嘅深處,亦即係螢火蟲所在之處。旅程當中你會穿過陰暗水道、激流旋渦、地下瀑布,然後去到伸手不見五指嘅螢火蟲洞穴範圍,見到成千上萬,有如繁星嘅藍光螢火蟲,帶比你獨一無二,永世難忘嘅視覺感受!

 

蒂阿瑙螢火蟲洞 (Te Anau Glowworm Caves)
參考費用:成人$83NZD/小童$22NZD (14歲以下)
網址:https://www.realjourneys.co.nz/

 

2019旅行好去處|紐西蘭皇后鎮景點行程 | 百年蒸汽船厄恩斯勞號遊湖 (TSS Earnslaw Vintage Steamship Cruises)


@nzstatic.com

厄恩斯勞號 (TSS Earnslaw)係同「鐵達尼號」同年開始運作,超過一百年歷史嘅蒸汽船。呢艘船仲係南半球唯一一艘仍然以燃煤運作嘅蒸汽船!雖然歷經過百年風浪,但蒸汽船無論外內都保持得好完整!厄恩斯勞號曾經出現於多部電影當中不得止,就連伊莉莎白女王同菲利普王子都坐過!所以嚟到皇后鎮,一定要坐吓呢艘百年蒸汽船遊覽瓦卡蒂普湖 (Lake Wakatipu)

 

百年蒸汽船厄恩斯勞號遊湖 (TSS Earnslaw Vintage Steamship Cruises)
參考費用:厄恩斯勞號遊湖之旅 成人$65NZD/小童$22 (14歲以下)
網址:https://www.realjourneys.co.nz/

 

2019旅行好去處|紐西蘭皇后鎮景點行程 | 騎馬遊魔戒拍攝場景 (Dart Stables – Horse Riding)@everythingnewzealand.com

電影《魔戒》有好多場景都喺紐西蘭拍攝,所以唔少旅客嚟到紐西蘭都會親臨《魔戒》取景地Dart River,感受吓電影入面壯麗嘅景色。大家可以一邊騎馬穿越樹林,走過河道,一邊欣賞絕美景色!小朋友只要年滿5歲就可以參加喇!有信心嘅朋友,仲可以喺教練指導下試吓騎馬奔跑,感覺就好似自己化身成為電影中嘅角色,絕對係畢生難忘嘅體驗!

 

騎馬遊魔戒拍攝場景 (Dart Stables – Horse Riding)
參考費用:成人$200NZD/小童$190NZD (14歲以下)
網址:https://www.everythingqueenstown.com/horse-riding-dart-stables-28/#

 

2019旅行好去處|紐西蘭皇后鎮住宿推薦里斯豪華公寓酒店


@therees.co.nz

嚟到以自然環境絕美出名嘅皇后鎮,一於pamper吓自己同屋企人,入住坐擁一流景觀嘅里斯豪華公寓酒店。呢度建築設計風格獨特,大廳嘅壁爐非常之有vintage感覺,每一個房間都可以睇到超靚景色!


@therees.co.nz

 

里斯豪華公寓酒店
地址:377 Frankton Road, 皇后鎮, 9300, 紐西蘭 (顯示地圖)
星級 | ★★★★★  
位置 | ★★★★☆  
設施 | ★★★★★  
環境 | ★★★★★
價格 | 查看價格

 

2019旅行好去處|紐西蘭皇后鎮住宿推薦 | 皇后鎮美景酒店

皇后鎮美景酒店位於皇后鎮,要去皇后鎮嘅購物中心或藝術中心等都好近,只需要大約行5分鐘嘅路程就去到,地理位置非常理想!酒店裝修非常時尚,白色外牆俾人一種簡約嘅感覺!

而房間內採用咗好多木系同土色系嘅傢俱,加上每個房間都擁有一個落地大玻璃,如果係住高層嘅,仲可以享受埋個湖景,整體感覺好relax!而且房內仲有個大廚房,除咗出街食飯之外,仲可以買餸返酒店煮𠻹!

 

皇后鎮美景酒店
地址:27 Stanley Street, 皇后鎮, 紐西蘭 (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆
價格 | 查看價格

 

2019旅行好去處|紐西蘭皇后鎮住宿推薦 | 乳品私人豪華酒店

乳品私人豪華酒店位於皇后鎮市中心,唔需要太擔心交通唔方便嘅問題!一到埗酒店,酒店就會送上一杯sparkling wine作為welcom drink,令你有一種賓至如歸嘅感覺!

酒店房內嘅物品同設施都好足夠,當中有包括免費WiFi、免費報紙、免費本地電話通話等等,如果要book餐廳或者local tour,有得打本地電話真係方便好多!另外,部份房間仲有個露台,得閒無事都可以坐喺露台望住皇后鎮嘅景色chill吓啦!

 

乳品私人豪華酒店
地址:10 Isle Street, 皇后鎮, 紐西蘭 (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆
價格 | 查看價格

 

2019旅行好去處|紐西蘭皇后鎮住宿推薦 | 海濱酒店

海濱酒店地理位置好優越,一出酒店,過條馬路就到市中心,無論去搵食餐廳定購物中心都好方便!

酒店房比同區嚟講都較大,基本都有600呎起!房間入面有個好大嘅廚房,煮食爐具非常充足,而且仲有洗碗碟機𠻹,鐘意去旅行煮飯仔嘅朋友超適合住呢間酒店呀!酒店仲有個大露台,日頭望到湖景,夜晚仲可以睇埋星星𠻹,超寫意呀!

 

海濱酒店
地址:109 Beach Street, 皇后鎮, 紐西蘭 (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆
價格 | 查看價格

 

📖延伸閱讀:【紐西蘭遊記】奧克蘭自駕遊攻略!必去奧克蘭景點、美食懶人包!
📖延伸閱讀:【紐西蘭自由行】紐西蘭旅遊必去之五大必玩極限運動!
📖延伸閱讀:【紐西蘭自由行】紐西蘭南島租車自駕景點攻略 (連紐西蘭必買推薦)
📖延伸閱讀:【紐西蘭自駕遊】3個最大機會睇到紐西蘭極光嘅景點+紐西蘭手信之選+極光追蹤手機App推介

 

Hotels.com 酒店優惠