定期送上世界各地最新、最地道嘅旅遊資訊!

【窮遊柬埔寨攻略】4000蚊玩盡暹粒景點行程攻略-吳哥窟、Pub Street!

平平哋想去旅行飛返轉?除咗台灣泰國越南,或者留意呢排有冇廉價機票之外,其實仲有一個又平又近之選柬埔寨暹粒!柬埔寨暹粒擁有得天獨厚嘅地理位置,而且文化氣息濃厚,絕對係你深度旅遊嘅首選。想知有咩暹粒景點值得去?事不宜遲,即刻為你送上柬埔寨暹粒攻略!

 

柬埔寨暹粒自由行攻略:必去暹粒景點吳哥窟

柬埔寨暹粒自由行,當然唔可以錯過馳名中外嘅吳哥窟啦!吳哥窟位於暹粒市嘅北面,係一個充滿神秘色彩嘅歷史遺蹟,更加喺1992年被聯合國教科文組織(UNESCO)列為世界文化遺產,亦是被國家地理雜誌評為「人生必去的50個景點之一」。吳哥窟原始的名字是Vrah Vishnulok,意思為「毗濕奴的神殿」,要深入體會重現失落千年的吳哥古城,遊走於古味盎然、宏偉壯麗嘅建築群同浮雕之間,小編建議用3日時間探索吳哥窟!

 

吳哥窟遊玩路線簡介

整體嚟講,遊覽吳哥窟嘅路線可以分為三條,分別係小圈、大圈同外圈。吳哥窟係一個非常適合深度遊嘅地方,與其走馬看花,不如慢慢細心感受一景一物,一日玩一個圈係最舒服嘅玩法!你可以出發前報名參加當地一日團,費用相當低廉(小圈約16美金/大圈約20美金/外圈約70美金),玩曬三個圈都唔洗港幣1千蚊,非常抵玩!

 

柬埔寨暹粒自由行攻略第一站:吳哥窟小圈一日遊

塔普倫寺@Flickr

小圈路線嘅路程比較短,景點比較集中同近。小圈嘅景點包括:小吳哥、巴揚寺、鬥象台、塔普倫寺、空中宮殿等等,當中最引人入勝嘅賣點,就係喺小吳哥睇堪稱全球最靚嘅日出!橙黃色嘅日光灑落喺古色古香嘅古蹟之上,美不勝收!

 

柬埔寨暹粒自由行攻略第二站:吳哥窟大圈一日遊

變身塔@Flickr

大圈重點行程包括:荳蔻寺、皇家浴池、變身塔、寶劍塔同巴肯山等,皇家浴池係一個人工浴池,以前係祭典時淋浴嘅場所,而變身塔以前係國王死後舉行火葬儀式嘅寺廟,去到記得朝聖經過多年依然屹立不倒嘅石獅子,佢就好似變身塔嘅守護神一樣。最後記得去巴肯山睇埋日落,呢度睇到嘅景色絕對唔會比小吳哥嘅日出遜色!

 

柬埔寨暹粒自由行攻略第三站:吳哥窟外圈一日遊

女皇宮@Flickr

外圈係3條路線之中路程最長,所需時間亦相對較長。外圈景點包括:女皇宮、崩密列同羅洛斯遺址,女皇宮最吸引嘅地方,就係入面嘅浮雕,不但做工精緻,而且栩栩如生,不禁令人讚嘆古時工匠精細嘅工藝!而崩密列就係一座小吳哥窟式建築,雖然而家已經被叢林所包圍,中心位置嘅中央塔亦已經崩塌,但呢度就好似一座荒廢咗嘅後宮花園一樣,頹坦敗瓦之中反而隱約透出一份失落古文明嘅神秘感。

 

🏨Top 10平價暹粒酒店住宿推介HK$349起 *安心價格保證*
[錫禪 SPA 渡假屋HK$349起,絲綢吳哥精品酒店HK$540起,博瑞吳哥度假村HK$1,035起]

 

柬埔寨暹粒自由行攻略第四站:臨別暹粒前到Pub Street狂歡

Pub Street@Flickr

Pub Street,又稱酒吧街或洋人街,係最廣受遊客歡迎嘅暹粒聚腳地。形形式式嘅酒吧林立喺約長100公尺嘅Pub Street之上,入夜之後多間酒吧員工、老闆會企喺門口招徠客人,播住節拍強勁、充滿異國風情嘅音樂,令人不知不覺陶醉當中。柬埔寨暹粒自由行最後一站當然唔可以錯過Pub Street,過一個五光十色嘅晚上啦!

 

柬埔寨暹粒自由行攻略:旅遊小貼士

最後小編為你送上柬埔寨暹粒旅遊小貼士,去旅行最重要玩得開心又放心,睇埋以下幾個小貼士就萬無一失啦!

1. 柬埔寨暹粒天氣非常炎熱又乾燥,記得做足防曬措施,先好同陽光玩遊戲啊!
2. 雖然暹粒天氣炎熱,但去吳哥窟嗰幾日會出入廟宇地方,為尊重返當地文化,褲或裙嘅長度要過膝頭,亦都唔好著無袖或吊帶嘅衫!
3. 雖然柬埔寨嘅古蹟並未受到非常完善嘅保護,但參觀嘅時候記得唔好擅自觸摸文物或浮雕,以免造成損傷或破壞!
4. 暹粒市內交通主要係出租車、Tuk Tuk車同埋單車,一般路程唔太遙遠都建議選擇Tuk Tuk車,不過記得上車之前問定價錢,傾好價錢先好上車出發!

 

柬埔寨暹粒自由行攻略|暹粒酒店推薦|暹粒金廟酒店

位於暹粒中心區嘅暹粒金廟酒店絕對係你窮遊柬埔寨嘅住宿首選!酒店位置雖然位處暹粒市中心,但勝在旺中帶靜,夜晚唔會比人聲車聲嘈親,最重要係價錢非常實惠,最低價$535起!

➡暹粒金廟酒店(Golden Temple Hotel agoda) ⬅
地址:7 Makara road, or Angkor High School road, 暹粒, 17000, 柬埔寨     HK$535起

 

Hotels.com 酒店優惠
睇到呢度,喺咪想即刻book酒店去柬埔寨暹粒玩呢?食同玩嘅洗費大概二千蚊港紙就搞掂,而住方面,點樣先可以用至抵價錢book暹粒酒店?上Hotels.com攞我哋最新嘅優惠代碼啦!只需要click入去呢個網站 https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍暹粒酒店優惠同埋精選暹粒酒店神秘優惠價,快啲上Hotels.com用至抵價錢訂房啦!