定期送上世界各地最新、最地道嘅旅遊資訊!

【獨遊大阪行程2018】一個人去大阪可以點玩?一個人大阪自由行攻略!

想知一個人去大阪可以點玩?即刻睇睇最新嘅一個人大阪自由行2018攻略!最潮最新嘅獨遊大阪三日兩夜行程即刻為你送上!

獨遊大阪第一日:大阪市中心一日遊

@Flickr

初初到埗,不如嚟個大阪市中心一日遊,周圍行吓,感受一吓大阪市嘅一景一物啦!

 

第一站:Biotop Corner Stand


@leonglynnie

Biotop Corner Stand係堪稱全大阪最靚嘅Cafe,因為呢度走小清新路線,入到去就好似去咗叢林一樣,有好多盆栽做裝飾,感覺好舒服。Biotop並唔係一間普通嘅Cafe,除咗餐飲,仲有賣家居用品、化妝品、服飾,四樓仲有一間花園餐廳添!

 

Biotop Corner Stand
地址:大阪府大阪市西區南堀江1-16-1(顯示地圖
營業時間:09:00 – 23:00

第二站:難波八阪神社


@dandaaaaaaaaan

去到日本,當然要去參拜下神社,祈求風調雨順、心想事成啦!難波八阪神社係大阪其中一間歷史最悠久嘅神社,雖然確實嘅興建年份已經無從考究,但自1069年開始已經有記載。神社入口有個高12公尺、寬11公尺嘅巨型獅子頭,非常吸晴!最後記得買返個御守帶返屋企,聽講八阪神社祈求「金運」同「必勝運」係最靈驗㗎!

 

難波八阪神社
地址:大阪市浪速區元町2-9-19(顯示地圖
開放時間:全年無休

 

第三站:滝見小路

 

 

@hiroaki_kawabata

滝見小路梅田空中庭園展望台附近嘅一條懷舊美食街,呢度仿照昭和時期嘅街道而建,古舊嘅招牌、海報、電話同郵箱等等隨處可見,獨自行走喺咁有昭和時代feel嘅地方,感覺直頭好係時光倒流咁呀!

 

滝見小路
地址:阪府大阪市北區大淀中1-1-88(顯示地圖

 

第四站:梅田空中庭園展望台


@ckvd007

獨遊大阪第一日嘅最後一個行程,不如就去樓高173尺嘅梅田藍天大廈,欣賞大阪市璀璨奪目嘅夜景啦!成個大阪市嘅景色都可以盡收眼底,睇住萬家燈火亮起嘅景象,今晚一定會發個好夢!

 

梅田藍天大廈
地址:大阪北區大淀中1-1-88 梅田藍天大廈 (顯示地圖)
開放時間:10:00 – 22:30

 

🏨Top 10大阪梅田酒店住宿推介HK$96起 *安心價格保證*
[太洋商務賓館 HK$96起,日精商務酒店 HK$319起,薩拉薩日本橋酒店 HK$418起]

獨遊大阪第二日:大阪歷史遊

@Flickr

獨遊大阪第二日,一於了解吓大阪嘅歷史文化,唔好講咁多,即刻跟住Hotels.com大使出發啦!

第一站:參觀大阪城


@megzylegs

可能你已經去過大阪幾次,但典型香港人嘅行程都係食、買、玩!今次獨遊大阪其實係認識大阪文化嘅好機會,所以第一站不如去大阪地標—大阪城參觀!大阪城係日本三大名城之一,1583年已經建成,絕對係感受歷史文化氣息嘅好地方。行經大阪城公園,率先嚟到大阪城正門前嘅日式庭園,呢度景色非常優美,每逢櫻花季,仲會開滿櫻花,去到邊都係一大片粉紅花海,好壯觀㗎!入到大阪城,就一定要參觀天守閣!天守閣展出咗好多以前大阪珍貴嘅歷史資料,一個人靜靜哋行,感受吓古代日本人嘅生活風貌。

 

大阪城
地址:大阪市中央區大阪城1番1號 (顯示地圖)
開放時間:09:00 – 17:00

 

第二站:午餐—麵屋丈六


@meeetaaalllll__53

嚟到日本又點可以唔食返碗正宗嘅日式拉麵呢!大阪出名嘅拉麵店有好多間,而麵屋丈六係大阪數一數二嘅拉麵店,招牌醬油拉麵更被選為2016年全日本第十二名必食嘅拉麵,來頭絕對唔野少!呢款醬油拉麵總共用咗三款秘製醬料去炮製,味道濃郁,而且每一啖都好似食到唔同醬料所帶出嘅味道,相當有層次感。麵條方面亦都相當有水準,麵爽又彈牙,冇得彈!

 

麵屋丈六
地址:大阪府大阪市中央區難波千日前6-16 (顯示地圖)
營業時間:11:30 – 15:00,18:00 – 21:00(逢星期三休息)

 

第三站:大阪生活今昔館 嚟個和服體驗


@marisa_griff

食完拉麵就繼續展開接下嚟嘅行程,去到日本,當然要感受下著和服嘅感覺啦!唔好以為一個人去大阪就唔可以著和服,反而係獨遊先可以肆無忌憚咁瘋狂擺pose影相!而大阪生活今昔館入面可以租和服同浴衣,入面仲有仿照光戶時代嘅佈景,唔洗出去神寺都可以影到靚相!

 

大阪生活今昔館
地址:大阪市北區天神橋6-4-20 8F (顯示地圖)
開放時間:10:00 – 17:00(星期二、每月第三個星期一休息)

 

第四站:壽司放題!すしてつ 周防町店


@jyobanni1

如果你問Hotels.com大使,獨遊大阪有咩平靚正嘅野食推介,作為一隻識食嘅狗仔,一定毫不猶豫答你—壽~司!一個人食唔到太多野,而壽司每一款份量小小,眼闊肚窄都唔怕!而呢間壽司店係壽司放題,唔好以為放題質素一定比較差,呢度嘅壽司司傅係正統江戶前壽司職人出身!

 

すしてつ 周防町店
地址:大阪府大阪市中央区東心斎橋1-15-15 コンフォートホテル 1F (顯示地圖)
營業時間:星期一至六-午餐12:00 – 14:00,晚餐17:00 – 23:30、星期日及假期:12:00 – 2300

 

🏨Top 10大阪附近酒店住宿推介HK$427起 *安心價格保證* 
[米恩酒店 HK$444起,大阪麗嘉皇家酒店 HK$465起,難波大國町里士滿酒店 HK$741起]

 

獨遊大阪第三日:玩盡大阪環球影城

@Flickr

去到獨遊大阪嘅第三日,今日行程主要集中喺環球影城周邊。

第一站:大阪環球影城

千其唔好覺得獨遊大阪就要避開人多擠迫嘅地方!一個人去大阪,就緊係唔可以錯過環球影城呢個重點行程!今年4月21日Minions Park隆重開幕,係繼哈利波特園區之後,另一個令人興奮又期待嘅園區!

 

好文推薦:【USJ攻略】免 Express pass 玩盡日本大阪環球影城攻略

 

大阪環球影城
地址:大阪市此花區櫻島2-1-33 (顯示地圖)
開放時間:08:30 – 21:00

 

第二站:天保山摩天輪


@h.y_19931222 

離開環球影城相信已經夜幕低垂,出發去食晚餐之前,可以去USJ隔離嘅天保山摩天輪,嚟個「天荒地老流連在摩天輪…」!獨遊大阪坐摩天輪,絕對唔會孤獨,反而係一個人的浪漫!

 

天保山摩天輪
地址:大阪市港區海岸通1-1-10 (顯示地圖)
開放時間:10:00 – 22:00

第三站:蟹道樂


@camilleeecay

去過大阪,相信你都會對一間有好大隻蟹喺個招牌度嘅餐廳有印象,冇錯,獨遊大阪第三日嘅最後一站就係去蟹道樂食蟹!你可以根據自己喜好選擇唔同嘅Dinner Set,壽喜鍋、壽司,甚至蟹宴都有,玩完一日記得食返餐勁嘅!

 

蟹道樂
地址:大阪府大阪市中央區道頓堀1-6-18 (顯示地圖)
營業時間:11:00 – 23:00

 

🏨Top 10大阪環球影城附近酒店住宿推介HK$507起 *安心價格保證* 
[京阪環球塔酒店 HK$760起,環球影城港口酒店 HK$979起,日本環球影城®園前飯店 HK$1,111起]

獨遊大阪第四日:最後衝刺之瘋狂購物

 

話咁快獨遊大阪四日三夜嘅行程就快結束,玩咗兩日係咪差咁啲野呢?冇錯!就係大血拚!最後一日嘅行程當然係最後衝刺,瘋狂購物啦!

 

第一站:心齋橋筋商店街

@Flickr

嚟大阪玩冇理由唔去心齋橋嘅!各式各樣嘅服裝店、藥妝店、鞋店等等,應有盡有,包你買到手軟,到時記住帶定多幾個環保袋啊!


@raylau1680 

經過記得同グリコglico固力果跑跑人影返張相!佢已經成為咗大阪最有標誌性嘅代表「人物」,冇同佢影過相就好似冇去過大阪一樣!

 

心齋橋筋商店街
地址:大阪市中央區心齋橋筋 2-1-24 (顯示地圖)

 

第二站:大創百圓百貨

雖然香港都有12蚊店,但日本嘅100YEN店貨品種類五花八門,上至家用品,下至電子用品,你諗得到嘅都有得買!最重要係價錢實惠,緊係要盡情掃貨啦!

 

大創百圓百貨
地址:大阪府大阪市中央區南船場3丁目10番3號 (顯示地圖)
營業時間:10:00 – 21:00

 

第三站:大阪最後一餐 食大阪燒—美津の


@monwtk

喺大阪嘅最後一餐就食大阪燒啦!而美津の就係大阪出哂名嘅大阪燒名店,招牌必食之選「美津の燒」,有超過六種以上嘅材料,足料又大件,真係啖啖都咁滋味!

 

美津の
地址:大阪府大阪市中央区道頓堀1-4-15 (顯示地圖)
營業時間:11:00 – 22:00

第四站:Rinku Premium Outlets

@rinkupremiumoutlets 

唔好以為出發去機場,離開咗大阪市中心就代表今次成個行程完滿結束,咪住!Rinku Premium Outlets就喺關西機場附近,入面各大品牌都有得買到!緊係要把握時間,作戰到最後一刻啦!

 

Rinku Premium Outlets
地址:泉佐野市Rinku 往來南 3-28 (顯示地圖)
開放時間:10:00 – 20:00

 

🏨Top 10大阪難波酒店住宿推介HK$104起 *安心價格保證*
[新今宮酒店 HK$151起,大手前 LiVEMAX 酒店 HK$487起, 大阪蒙特利格拉斯米爾酒店 HK$737起]

 

 

Hotels.com 酒店優惠

睇到呢度,係咪想即刻book機票展開獨遊大阪行程呢?點樣先可以用至抵價錢book酒店?上Hotels.com 攞我哋最新嘅優惠代碼啦!只需要click入去呢個網站 http://bit.ly/2Am0g3U再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!