定期送上世界各地最新、最地道嘅旅遊資訊!

【濟州島自駕遊Blog】4日3夜濟州島自駕遊行程攻略!

去到濟州旅行,自駕遊就最啱啦。因為濟州啲路寬啲,車又比首爾、釜山少,對於自駕遊初哥嚟講比較易掌握。今次就等小編幫你計劃濟州島自駕遊行程!一於用盡4日3夜玩轉濟州!

📖延伸閱讀:
【韓國手信】韓國超市必買零食Top10推介
📖延伸閱讀:【韓國紅葉預測2018】五大人氣首爾紅葉景點連秋遊首爾住宿推介!


濟州島自駕遊|濟州4日3夜行程攻略|第一日

香港飛濟州要三個鐘,喺機場租完車、去完酒店check in都冇咗半日,所以去行下街就最啱啦!位於新濟州市新城區嘅蓮洞時尚步行街,又叫寶健路(蓮洞7路)。呢到係濟州大學生最鐘意去嘅地方,因為呢度聚集咗唔同嘅細商鋪同特色餐廳,仲有唔少酒吧同居酒屋。烤濟州黑毛豬、烤五花肉、帝王蟹、生魚片、辣炒年糕等等全部都有,同成班Fds喺到吹吓水、食吓野,正呀!不過要注意,大部分店鋪都係下晝先開,如果太早嚟,可能就要摸門釘啦!


@Hanchao

寶健路
地址:Yeon-dong, Jeju, Jeju Island, South Korea


濟州島自駕遊|濟州4日3夜行程攻略|第二日

嚟到濟州,除咗要食黑毛豬等之外,緊係要食海鮮啦!位於寶健路嘅「最棒」主推帝王蟹,呢到嘅帝王蟹勁鮮甜,連小編平時唔食蟹都忍唔住口!除咗帝王蟹,仲有龍蝦、鮑魚等等,全部都好新鮮㗎!好多韓國明星都會嚟食,鐘意食蟹嘅朋友一定要嚟試呀!


@Hanchao

最棒
地址:濟州特別自治道濟州市蓮洞273-18
營業時間:12:00-24:00


食完早餐就去第一個景點-
濟州泰迪熊博物館。顧名思義,呢個博物館展示好多來自世界各地嘅限量版泰迪熊同埋唔同造型嘅泰迪熊,好似野生動物、水中植物、花同鳥類等等,全部都好得意㗎!呢到度唔只淨係有得睇,仲可以帶佢哋返屋企𠻹 !

@Taseum官網

濟州泰迪熊博物館
地址:濟州特別自治道濟州市涯月邑和平路2159 (涯月邑)
開放時間:08:30-19:00
門票:成人₩10,500;學生(12至18歲) ₩9,000;兒童(3至11歲) ₩8,000
官網:http://teseum.net/teseum_jeju/


濟州琉璃之城
係韓國首個以玻璃為主題嘅博物館同公園。琉璃之城有6間主題館,展示250幾件嘅玻璃作品,除咗有世界首創嘅琉璃迷宮、世界最大嘅玻璃球、鑽石戒指,仲有玻璃石牆、鏡湖等等,全部都係打卡位,影相吸like就最啱啦!你哋仲可以喺琉璃之城本館親自體驗整玻璃球、氣球、玻璃杯等等,有得睇又有得玩,正呀!


@ Jeju Glass Castle官網


@ Jeju Glass Castle官網


濟州琉璃之城
地址:濟州特別自治道濟州市翰京面綠茶盆栽路462 (翰京面)
開放時間:09:00-19:00
體驗時間:09:00-17:30
門票:成人₩11,000;學生(12至18歲) ₩9,000;兒童(3至11歲) ₩8,000
官網:http://www.jejuglasscastle.com/index.php

📖延伸閱讀:【濟州自駕遊】濟州景點推薦 (無邊海景GD cafe, 濟州神話世界)
📖延伸閱讀:【釜山自由行】韓國釜山必食、必玩、必去景點!


濟州島自駕遊|濟州4日3夜行程攻略|第三日

城山日出峰係世上最大嘅海岸火山口,亦係睇日出日落嘅最佳地點!呢度一直高居「濟州十景」嘅第一位,加埋個無敵大海景,真係靚到暈呀!同Honey喺到影相,仲唔閃到爆?

@Visit Jeju

城山日出峰
地址:濟州道西歸浦市城山邑城山裏114
門票:成人₩2,000,學生(7至18歲)₩1,000,6歲以下兒童,老年人免費
開放時間:冬季05:00-20 :00;夏季04:00-21:00


去完睇日出就出發去
牛島啦!牛島係濟州島東部嘅離島,因為形狀好似一隻牛,所以叫做牛島

@Visit Jeju

牛島有韓國唯一一個珊瑚沙海水浴場,呢到嘅海水好清,沙都好幼,喺到Hea嚇吹嚇海風,勁Chill呀!

@Visit Jeju

除咗珊瑚沙海水浴場,仲有晝間明月,東岸鯨窟,前浦望島,地頭青莎,後海石壁,西濱白沙,天津觀山夜航漁帆,呢八大牛島景點等住你去睇㗎!

牛島
地址:韓國濟州島牛島2515

 

濟州島自駕遊|濟州4日3夜行程攻略|第四日

濟州除咗橙,綠茶都好出名㗎!嚟到濟州緊係要去吓O’SULLOC雪綠茶博物館同埋Innisfree Jeju House 啦!O’SULLOC雪綠茶博物館Innisfree House 都係用同一個綠茶園嘅茶葉去生產佢哋各自嘅商品,所以喺O’SULLOC雪綠茶博物館後面就係Innisfree Jeju House ,可以一次過去哂2個景點!一去到O’SULLOC雪綠茶博物館出面就有一大片綠茶園,亦係李敏鎬同允兒拍Innisfree廣告嘅地方,所以去到記得企喺綠茶園入面影相打卡呀!

@Innisfree官網

入到去博物館,就有唔同關於茶嘅展覽,好似唔同嘅茶具,點解採茶等等。博物館入面仲有得買O’SULLOC嘅產品,好似大熱嘅抹茶牛奶醬、各類茶包等等,買嚟做手信就啱哂啦!除咗有得買,仲有得食各種O’SULLOC嘅綠茶甜品𠻹!

行完博物館,就去Innisfree Jeju House 啦!Innisfree Jeju House 係一個體驗館X餐廳X商店嘅地方。喺到可以DIY天然手工皂,品嚐使用濟州新鮮有機食材嘅餐點,仲可以喺到買濟州島限定嘅Innisfree產品,有得食有得玩又有得買,一次過滿足哂個願望呀!

O’SULLOC雪綠茶博物館&Innisfree Jeju House
地址:濟州特別自治道西歸浦市安德面神話歷史路15號
開放時間:09:00-18:00
門票:免費
官網:http://www.osulloc. com/kr/zh/museum/map


📖延伸閱讀:
首爾一個人吃飯也不怕!獨遊首爾必收藏之美食餐廳推薦
📖延伸閱讀:【韓國自由行】仲去首爾近郊?大邱一日遊景點連行程攻略!

 

濟州島自駕遊|濟州島酒店推介|濟州杭蒂歐克藝術之家酒店

呢間酒店好近沙灘,只需要3分鐘路程就到,而且沙灘嘅海水好藍,夠哂乾淨清澈,坐喺沙灘度睇日出日落就最正啦!

濟州杭蒂歐克藝術之家酒店
地址:504, Johamhaean-ro, Jocheon-eup, 濟州, Jeju Island, 63333, 南韓 (顯示地圖)
星級 | ★★★★☆
位置 | ★★★☆☆
設施 | ★★★☆☆
環境 | ★★★★☆
價格 | 查看價格


濟州島自駕遊|濟州島
酒店推介濟州格萊德酒店 (Maison Glad Jeju)

呢間酒店嘅房間好大好舒服,仲好近連洞鬧區,附近都有超市同汗蒸幕,行完街去relax嚇都得!喺酒店入面仲有兩個游泳池同賭場,一定唔怕悶啦!

濟州格萊德酒店
地址:80, Noyeon-ro, 濟州, Jeju Island, 690-723, 南韓 (顯示地圖)
星級 | ★★★★☆
位置 | ★★★☆☆
設施 | ★★★☆☆
環境 | ★★★★☆
價格 | 查看價格


濟州島自駕遊|濟州島
酒店推介濟州肯辛頓酒店


@Facebook

有咩好得過居高臨下咁望風景?就係你可以邊浸水邊睇海景喇!呢間位於西歸浦嘅酒店,除咗喺地吓有個大泳池之外,喺天台仲有個無邊際泳池同埋按摩池,等住客可以盡享悠閒渡假體驗。酒店以高格調風格為主,以黑色作為主色再加雲石嘅櫃枱,非常型格!酒店仲非常貼心,設有兒童遊玩專區同有穿梭車免費機場接送住客,非常適合一家大細嚟玩。


@Kensington Jeju Hotel Facebook

酒店房藍白色相襯,令人一行入房就感覺去咗渡假區咁,好有藍天與白雲嘅感覺。酒店鄰近天帝高爾夫俱樂部同濟州泰迪熊博物館等等景點,去邊玩都好方便。

濟州肯辛頓酒店
地址:60 Jungmungwangwang-ro72beon-gil, Saekdal-dong, Seogwipo, Jeju-do, 韓國 (顯示地圖)
星級 | ★★★★★
位置 | ★★★★☆
設施 | ★★★☆☆
環境 | ★★★★★
價格 | 查看價格

 

濟州島自駕遊|濟州島酒店推介|濟洲新羅大酒店


@The Shilla Official Website

濟洲新羅大酒店係一應俱全而又簡約嘅渡假酒店。酒店以白色為主,唔需要七彩嘅顏色去吸睛,而係用各式各樣嘅設施留住客人嘅心,等住客足不出戶就可以完美享受假期。酒店除咗有室外泳池之外,仲有遊戲室、SPA、健身室、兒童戶內戶外遊樂區等等,設施節目非常之多。更加特別嘅係,酒店有帳篷野餐燒烤區,有高私隱度之餘,亦適合想同屋企人或者朋友圍內玩嘅住客,非常貼心。

@The Shilla Official Website

無論酒店大堂定係酒店房都係米白色為主,畀人一種舒服自然、簡單就是美嘅感覺,亦都突出附近嘅山境同海景。

濟洲新羅大酒店
地址:75 Jungmungwangwang-ro72beon-gil, Saekdal-dong, Seogwipo, Jeju-do, 韓國 (顯示地圖)
星級 | ★★★★★
位置 | ★★★★☆
設施 | ★★★★★
環境 | ★★★★☆
價格 | 查看價格

 

濟州島自駕遊|濟州島酒店推介|西亞斯酒店及渡假村

@seaeshotel

呢間酒店就好似villa咁,畀人一樣好chill嘅感覺。成間酒店嘅設計都係以木同藤為主,加上酒店極近海灘,隨時去玩水都唔成問題。


@seaeshotel

酒店房設計時尚簡約,亦有個露天陽台畀你睇山景同海景,感受自然氣息。酒店房款式好多,如果訂浪漫別墅嘅話,會有自己嘅小浸浴池;酒店亦有傳純韓式房間,等你喺玩代風格下面感受韓國文化,夠哂特別!

西亞斯酒店及渡假村
地址:2563-1 Jungmun-dong, Seogwipo, Jeju-do, 韓國 (顯示地圖)
星級 | ★★★★★
位置 | ★★★★☆
設施 | ★★★☆☆
環境 | ★★★★☆
價格 | 查看價格

 

📖延伸閱讀:【首爾購物】四大首爾必行地下街!江南,永登浦,蠶室,高速巴士站!
📖延伸閱讀:【首爾文青一日遊】首爾影相好去處!(附文青打卡必去首爾Cafe之選)
📖延伸閱讀:【汗蒸幕特輯】三大必試韓國首爾汗蒸幕推薦!連常見問題Q&A
📖延伸閱讀: 【Hea遊韓國】5大首爾弘大、梨泰院呃Like靚cafe!
📖延伸閱讀:【Hotels.com大使推介】韓國扮靚團!首爾行程攻略—影韓國証件相、韓服體驗


Hotels.com酒店優惠