定期送上世界各地最新、最地道嘅旅遊資訊!

【濟州自駕遊】濟州景點推薦 (無邊海景GD cafe, 濟州神話世界)

韓國除咗首爾之外,濟州近年都係旅人嘅熱門出遊地點。濟州風景宜人,加上純樸嘅氛圍,真係好適合去chill下渡下假!而濟州其實非常適合自駕遊。今次小篇會教大家自己開車遊濟州景點,朝聖濟州神話世界同GD Cafe!

 

 

濟州自駕遊景點推薦 | 濟州神話世界

Image may contain: 1 person, sitting and outdoor@濟州神話世界-香港 Facebook

Image may contain: 1 person, smiling, cloud, sky and outdoor@濟州神話世界-香港 Facebook

濟州神話世界佔地250萬平方公尺,2017年逐步開幕,係韓國最大嘅一站式綜合度假區。而呢個綜合度假區仲係由G-Dragon做代言,集合咗主題樂園、度假酒店、服務公寓、購物中心、美食街、大型會展中心於一身,簡直係應有盡有!

 

濟州神話世界

地址:濟州特別自治道西歸浦市安德面神話歷史路304支路38號 63522 (顯示地圖)
電話:+82 64 908 8888
網址:http://www.shinhwaworld.com/?url_lang=zh_TW

 

 

濟州自駕遊景點推薦 | GD Café – Untitled 2017

GD 入伍前最後公開活動 親自參與設計的濟州島 Café 本週開業@popbee

去得濟州神話世界就不得不同大家介紹返由G-Dragon親自設計嘅Untitled 2017 Café !建築外觀由玻璃打造,以黑白灰色調為主,設計現代同時尚兼具。另外,Cafe仲有好多GD設計嘅products可以買,韓迷真係又多一個朝聖嘅地方!

 

Untitled 2017

地址:濟州特別自治道西歸浦市安德面神話歷史路304支路38號 63522 (顯示地圖)

 

濟州自駕遊景點推薦 | 雪綠茶博物館


@Flickr


@Flickr

雪綠茶博物館係以綠茶為主題嘅博物館。博物館入面,除咗有茶道相關嘅歷史資料之外,仲分享咗茶生長過程同飲茶嘅好處。現場仲有小賣部,無論係有關綠茶嘅飲、食、護膚嘅產品都可以搵到,可以嚟深入了解有關韓國傳統茶文化之餘,shopping買手信一流!

 

雪綠茶博物館

地址:濟州道西歸浦市安德面西廣里 1235-3 (顯示地圖)
營業時間:9:00am – 6:00pm
電話:81-64-794-5312
網址:http://www.osulloc.com/

 

 

濟州自駕遊景點推薦 | innisfree濟州小屋


@Flickr


@Flickr


@Flickr

雪綠茶博物館旁邊有間innisfree濟州小屋,Innisfree嘅美妝品係用濟州島嘅純天然材料製成。innisfree濟州小屋係一間複合式店,有DIY Workshop、有cafe 同販賣區。另外,係雪綠茶博物館同innisfree濟州小屋對出,有一個好大嘅綠茶園,環境好靚!嚟食完嘢,買完嘢就去影相打卡啦!

 

innisfree濟州小屋

地址:濟州特別自治道西歸浦市安德面神話歷史路425 (顯示地圖)
營業時間:9:00am – 6:00pm

 

濟州自駕遊 | 租車注意事項


@Flickr

濟州啲路好寬闊,車都比較少,所以去濟州自駕遊都好合適。好多間租車公司都可以係機場入境大堂2號GATE旁邊搵到。提前預約就可以快啲攞到車,同埋記得要book架有英文GPS嘅車呀。另外,濟州係用左軚,香港朋友要有定心理準備。

 

📖延伸閱讀:【坐首爾凌晨機】仲喺仁川機場過夜?Top 10 仁川機場酒店大評比!

 

濟州自駕遊 | 濟州市住宿推薦 | 濟州海洋套房酒店

濟州海洋套房飯店, 濟州

濟州海洋套房酒店距離機場同濟州港只係8分鐘嘅路程。酒店鄰近濟州大海,海景房嘅風景簡直係一絕!酒店地理位置亦好好,附近有便利店,地下商店街等等,買嘢食嘢好就腳。而且重點係酒店有提供免費泊車位,fit晒!

濟州海洋套房飯店, 濟州, 標準雙人房, 海景, 客房

濟州海洋套房酒店

地址:74, Tapdonghaean-ro, Jeju-si (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆
價格 | 查看價格

 

濟州自駕遊 | 西歸浦住宿推薦 | 哈拉崗酒店

哈拉崗酒店位於西歸浦,酒店建築設計充滿住韓國傳統風格。呢間特色嘅酒店,房間數目並唔多,得10間房。如果想嚟體驗下,就記得早啲book喇!另外,酒店有提供免費泊車位㗎!

 

哈拉崗酒店

地址:6, Jeongbangyeon-ro Seogwipo (顯示地圖)
星級 | ★★★☆☆  
位置 | ★★★★☆
設施 | ★★★☆☆  
環境 | ★★★★☆
價格 | 查看價格

 

Hotels.com酒店優惠