定期送上世界各地最新、最地道嘅旅遊資訊!

【黃金海岸沙灘】澳洲黃金海岸美食、景點、自駕遊手冊大全 (連黃金海岸餐廳推薦)

去到澳洲黃金海岸沙灘除咗影相打卡,仲可以坐低嘆返個靚Brunch,享受吓陽光與海灘,今次就等小編為你帶嚟黃金海岸美食餐廳推薦,同埋黃金海岸自駕遊嘅小貼士,仲教你上Hotels.com下載最新訂房優惠代碼,用至抵價錢book酒店!即刻上Blogshotels.com睇啦!

 

黃金海岸沙灘|必去黃金海岸自駕遊景點|滑浪者天堂 Surfers Paradise

嚟到黃金海岸第一站一定要去位於黃金海岸中心地區嘅滑浪者天堂滑浪者天堂嘅沙灘係成個黃金海岸最出名嘅沙灘,除咗巨浪吸引到唔少滑浪者慕名而來之外,呢到水清沙幼,特色商店同酒吧林立,無論係當地人定旅客,都會愛上呢度悠閑嘅感覺!

溫暖嘅陽光,柔軟幼細嘅沙,涼浸浸嘅海水,一望無際嘅海岸線,加多杯特色凍飲!淨係喺到曬下日光浴,聽下海浪聲,就已經感受到點解呢到叫「天堂」啦!

 

黃金海岸沙灘|必去黃金海岸景點|滑浪者天堂夜市 Surfers Paradise Beachfront Markets

@migoldcoast.com.au

每次去旅行,小編最鐘意行特色市集,而滑浪者天堂Beachfront Markets絕對可以列入為小編Top 10最愛市集之一。每逢星期三,五,日嘅下晝3點至晚上8點,滑浪者天堂沙灘旁邊嘅公路上,都擺滿哂唔同嘅特色攤擋,有小食、藝術品、飾物、手信同服飾等等,包羅萬有。仲有好多街頭表演者,非常熱鬧,真係令人流連忘返呀!

 

黃金海岸沙灘|必去黃金海岸自駕遊景點|卡費爾大道 Cavill Ave

除咗陽光與海灘,滑浪者天堂最有名嘅購物中心Cavill Ave都係唔可以錯過嘅地方!Cavill Ave聚集咗好多餐廳,商店同酒吧。無論係日頭定夜晚,呢度都非常熱鬧,人來人往。小編每次嚟黃金海岸都一定會行下Cavill Ave,行極都唔厭!

位於海邊嘅購物中心,當然唔少得賣泳衣同游泳用品嘅商店。呢度嘅泳衣咩牌子,咩款色都有,包你一定買到心頭好!
唔知大家去過香港嘅「信不信由你博物館」未呢?Cavill Ave呢度都有一間「信不信由你博物館」,小編就無入過去,但好多去過嘅朋友都話非常之特別,值得探訪一下!呢度仲有好多唔同嘅雪糕店,除咗Mövenpick專門店之外,仲有好多特色嘅意大利雪糕店,一路行街一路嘆雪糕,chill到不得了!

 

📖延伸閱讀:【澳洲自由行】大堡礁潛水自由行攻略連酒店推薦!


黃金海岸沙灘|必玩黃金海岸行程|Aquaduck

滑浪者天堂周邊有好多賣旅遊套票嘅小店,無論係水上活動定係主題公園嘅門票,都好容易買到。而眾多嘅活動當中,小編就覺得Aquaduck最值得一試喇!

Aquaduck係一架水陸兩通嘅車,外形就好似一隻大水鴨咁,既可以喺陸上行走,又可以落水變身觀光船。

 Aquaduck行程先會帶大家由陸上出發,沿住海濱沙灘行,去到內海碼頭落水。沿途除左欣賞到滑浪者天堂嘅景色,仲會帶你參觀豪華遊艇俱樂部同埋兩岸嘅豪宅。最正嘅係,船上嘅小朋友都有機會可以親自駕駛Aquaduck,真係大人細路都啱玩!

船長話呢一間豪宅原來係屬於成龍㗎!

咁啱小編坐嘅Aquaduck一個小朋友都冇,所以船長問有冇人想試揸船,小編就即刻衝上前要試下。原來係海上揸船係咁過癮!無拘無束,短短幾分鐘做船長嘅經驗,已經非常難忘!

 

📖延伸閱讀:【澳洲自由行】Top 5 澳洲跳傘地點連套餐價格懶人包及常見問題

 

黃金海岸沙灘|必食黃金海岸餐廳|Hurricane’s Grill and Bar

@hurricanesgrillandbar.com.au

小編推介大家一定要試下Hurricane’s Grill and Bar,呢間專食烤肉嘅餐廳,佢哋嘅牛肉全部都係嚟自塔斯曼尼亞嘅農場,肉質非常頂級,大家嚟到不妨都試下呢度最受歡迎嘅牛助骨。

@hurricanesgrillandbar.com.au

除咗牛助骨外,其他肉類都非常之美味,如果想樣樣都試下,烤肉拼盤就啱哂你!提提大家,呢度嘅食物份量非常之大,叫幾個唔同嘅菜色,同屋企人或者朋友share就唔怕食唔哂啦!


Hurricane’s Grill and Bar
地址:Soul, Level 1, 4-14 The Esplanade, Surfers Paradise, Gold Coast, QLD 4217
電話:07 5503 5500
網址:https://www.hurricanesgrillandbar.com.au/surfers-paradise/

 

📖延伸閱讀:悉尼自由行—3日2夜品味咖啡文化之旅!

 

黃金海岸沙灘|必食黃金海岸餐廳|The Fish House

到澳洲當然要食吓海鮮啦!The Fish House位於Burleigh Heads海灘旁,係當地一間好出名嘅餐廳,亦係澳洲米芝蓮推介餐廳之一。


@thefishhouse

餐廳主打南歐風味海鮮,採用咗紐西蘭同澳洲當地嘅魚鮮食材入饌。除咗魚鮮類之外,仲有其他貝類菜式都大受當地人同遊客歡迎!用餐嘅時候,仲可以欣賞到窗外嘅海灘美景,真係夠晒寫意!

 

The Fish House
地址:50 Goodwin Terrace, Burleigh Heads QLD 4220, Australia
電話:07 5535 7725
網址:http://thefishhouse.com.au/

 

📖延伸閱讀:【澳洲自由行】Top 3 澳洲墨爾本必去人氣Cafe!

 

黃金海岸沙灘|黃金海岸住宿推介|辣椒靈魂滑浪者天堂酒店

滑浪者天堂沙灘沿岸最吸睛嘅建築物一定係辣椒靈魂滑浪者天堂酒店。呢間酒店有77層樓高,大部分嘅房間都座擁無敵海景㗎!

而且係公寓式嘅設計,設備非常齊全,仲有埋廚房,好方便。房間又大又乾淨都不在話下,酒店仲有好多設施,有Spa、游泳池同健身房。而且位置極之便利,位於最旺嘅Cavill Ave,無論係想行街,定去海灘,都只係步行幾分鐘就到。酒店周圍有好多餐廳,仲有大型超市,真係無可挑剔!

 

辣椒靈魂滑浪者天堂酒店
地址:8 The Esplanade, 滑浪者天堂, QLD, 4217, 澳洲  (顯示地圖)
星級 | ★★★★☆  
位置 | ★★★★★
設施 | ★★★★☆  
環境 | ★★★☆☆  
價格 | 查看價格  

 

黃金海岸沙灘|黃金海岸住宿推介|黃金海岸寬灘安凡尼服務式公寓

呢間服務式公寓位於伯德海灘附近,行過去伯德海灘購物中心都只係7分鐘嘅路程。公寓附近仲有電車同巴士站,就算唔揸車都好方便。

酒店房入面設施都好充足,最基本嘅房間都有配備微波爐同簡單煮食用具,而且仲有露台,非常舒適。

 

黃金海岸寬灘安凡尼服務式公寓
地址:Broadbeach2663 Gold Coast Highway, Austria (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格  

 

黃金海岸沙灘|黃金海岸住宿推介|島嶼黃金海岸酒店

島嶼黃金海岸酒店非常近衝浪者天堂海灘,行過去都只需要5分鐘就到。酒店房內嘅擺設同風格都特別。

酒店走嘅係簡約、自然風格,房內以木製傢俱擺設為主,配上黑同白裝潢,仲有少許植物做裝飾,好有度假feel呀!

 

島嶼黃金海岸酒店
地址:3128 Surfers Paradise Blvd, Austria (顯示地圖)
星級 | ★★★★☆  
位置 | ★★★★★
設施 | ★★★★☆  
環境 | ★★★★☆  
價格 | 查看價格  

 

📖延伸閱讀:【去澳洲行山】艾爾斯岩 (烏魯魯Uluru) 玩法行程大解構!
📖延伸閱讀:【珀斯自由行】西澳自駕遊必睇!珀斯景點交通攻略大全 (連影相APP推薦)
📖延伸閱讀:【澳洲Pho越南河粉天書】悉尼美食特集!Cabramatta區必食越南餐廳指南
📖延伸閱讀:【塔斯曼尼亞自駕遊】當地人推薦!尋找最好食嘅塔斯曼尼亞生蠔!(塔斯曼尼亞租車攻略)

 

Hotels.com 酒店優惠