定期送上世界各地最新、最地道嘅旅遊資訊!

【澳洲悉尼自由行】悉尼景點行程攻略-攀登悉尼港灣大橋!

繼上回介紹完塔斯曼尼亞南極光時間、季節攻略。今個星期就同大家去悉尼,一齊攀登悉尼港灣大橋!逢星期一為你送上一篇澳洲自由行攻略,萬勿錯過!Bookmark定Hotels.com部落格就唔怕錯過啦!

澳洲自由行攻略傳送門:【塔斯曼尼亞遊記】追蹤美絕粉紅塔斯曼尼亞南極光!南極光時間、季節攻略!


悉尼港灣大橋係世界上第一條開放畀公眾攀登嘅鋼鐵拱橋。由1998年開始,吸引來自世界各地嘅旅客慕名而來,專程嚟攀登悉尼大橋,而且仲成為全世界最受歡迎嘅旅遊項目之一,《Lonely Planet》更加將佢列為世上十大最令人興奮同激動嘅體驗之一。嚟到澳洲,就絕對唔可以錯過征服悉尼港灣大橋呢個世界級地標嘅機會喇!

@Sydney.com.au

 

攀登悉尼港灣大橋行程攻略

攀登悉尼港灣大橋主要有三個唔同嘅行程-1) Bridgeclimb Sampler 2) Bridgeclimb 3) Bridgeclimb Express。每一個行程都有唔同嘅時長同路線,大家可以因應自己嘅能力同需求去選擇適合嘅行程。

1. Bridgeclimb Sampler


@bridgeclimb.com

Bridgeclimb Sampler主要為一啲唔想花太多時間喺同一個景點、體力未必咁好,又或者有少少畏高嘅旅客而度身設計。行程由靠近悉尼歌劇院一邊嘅內拱橋開始,一路行到上去橋嘅半腰位置,然後橫跨大橋到靠近達令港嘅一邊,領隊會喺呢個位置幫大家影相,最後就一路望住達令港嘅景色,一路行返落去攀登基地。

攀登悉尼大橋之小貼士:
基於安全理由,大家係唔可以帶任何隨身物品攀橋,所以全團入面只有領隊手上有相機幫大家影相。而每一個行程都有特定嘅影相位置,所以大家喺選擇行程嘅時候,可以考慮埋影相位置啱唔啱你心水先報名!

 

Bridgeclimb Sampler影相位:

@bridgeclimb.com

@bridgeclimb.com

 

Bridgeclimb Sampler
行程時長:1.5小時
行程路線:由橋嘅內拱出發至半腰處
行程時間:每日白天時段
價錢:
星期一至五:成人$163AUD /小童$138AUD  (8歲以上);
星期六及日:成人$183AUD /小童$153AUD  

 

🏨Top10悉尼Sydney人氣酒店推介HK$1002起 *安心價格保證*
[格雷斯酒店HK$1002起, 悉尼弗雷澤套房酒店酒店HK$1058起, 悉尼阿莫拉吉姆森酒店HK$1131起]


2. Bridgeclimb


@bridgeclimb.com

Bridgeclimb最適合追求刺激嘅旅客,領隊先會帶大家攀登四條樓梯去到橋嘅外拱,每一條樓梯都非常狹窄,每次只容納到一個人行,不過咁就唔洗怕成團人擁埋一齊,阻擋住視線啦!攀登到外拱橋上之後,就一路向住橋嘅最頂點進發。沿途除咗可以欣賞美景,仲可以感受到腳下因為車輛穿梭大橋帶嚟嘅震動,非常之過癮!當見到澳洲國旗嘅時候,就代表你已經到達最高點喇!喺橋嘅最高點上面,可以360度將成個悉尼市盡收眼底,壯觀嘅景色,真係令人畢生難忘!

 

Bridgeclimb影相位

@bridgeclimb.com


@bridgeclimb.com

@bridgeclimb.com

 

Bridgeclimb
行程時長:3.5小時
行程路線:由橋嘅外拱出發至外拱最高點
行程時間:每日白天、黃昏及夜晚時段,日出時段有季節性限制,詳情需要留意官網
價錢:唔同時段價錢都會唔同,記得book嘅時候要睇清楚啊!
星期一至五:成人$258-363AUD /小童$178-253AUD  (8歲以上);
星期六及日:成人$273-383AUD /小童$193-273AUD  

 

3. Bridgeclimb Express  


@bridgeclimb.com

Bridgeclimb Express係以最快速嘅路線,帶大家直達橋嘅最高點。行程由內拱橋開始,一路行到去內拱橋嘅頂點,然後就會攀登一條樓梯,到達外拱橋最高點!呢個行程除咗係為想慳時間嘅旅客而設之外,亦都非常適合對悉尼大橋嘅建築設計有興趣嘅旅客。行內拱橋就可以近距離欣賞到悉尼港灣大橋令人歎為觀止嘅內部結構,領隊仲會同大家講解悉尼大橋嘅歷史同工程。呢個行程畀大家了解到悉尼大橋嘅建築設計之餘,仲可以享受登頂嘅喜悅同刺激!


Bridgeclimb Express 影相位

@bridgeclimb.com

@bridgeclimb.com

@bridgeclimb.com

 

Bridgeclimb Express
行程時長:2.25小時
行程路線:由橋嘅內拱出發至外拱最高點
行程時間:每日白天時段
價錢:
星期一至五:成人$298AUD /小童$198AUD  (8歲以上);
星期六及日:成人$3133AUD /小童$213AUD  

 

悉尼住宿推介

悉尼港一號碼頭萬豪傲途格精選酒店 (Pier One Sydney Harbour, Marriott Autograph Collection)

悉尼港一號碼頭萬豪傲途格精選酒店位於悉尼大橋隔離,除咗可以盡情飽覽悉尼港灣、悉尼大橋同悉尼歌劇院嘅美景之外,鄰近仲有多個特色景點,去環形碼頭只需步行8分鐘,悉尼歌劇院步行20分鐘,悉尼博物館都只係步行18分鐘,夠哂方便!而最特別嘅地方,係酒店以呼應悉尼大橋同悉尼港灣做主題,所有房間嘅裝飾都富有航海特色!大家仲可以喺酒店嘅浮橋上欣賞景色!真係勁chill啊!

悉尼港一號碼頭萬豪傲途格精選酒店

地址:11 Hickson Road, Walsh Bay, 多維斯角, NSW, 2000, 澳洲         HK$1,604起

 

Hotels.com 酒店優惠

睇到呢度,喺咪想即刻book酒店嚟個驚險刺激嘅攀登悉尼大橋之旅呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!