定期送上世界各地最新、最地道嘅旅遊資訊!

【波蘭自由行】從維利奇卡鹽礦、奥斯威辛集中營探索東歐歷史!

大部分人講到歐洲,諗到嘅都會係意大利、法國、芬蘭等西北歐熱門旅遊國家,但係其實東歐國家都一樣吸引人。今次小編就帶大家帶大家去盡波蘭必去景點透過呢啲景點去了解東歐嘅歷史,一齊嚟個歷史深度遊啦!

 

波蘭自由行|奥斯威辛集中營


@Auschwitz Memorial Facebook

波蘭係第二次世界大戰之後,受到極大嘅創傷,所以好多建築都係係二戰之後重建嘅。相比起意大利咁嘅歷史大國,你可能會比較難搵到歷史悠久嘅建築物!今次嚟到,波蘭嘅朋友就話想了解佢地嘅歷史,就一定要去奥斯威辛集中營咁話!


@Auschwitz Memorial Facebook

對好多年青一代嚟講,二戰好似離自己好遠,但係其實小編朋友嘅婆婆就親身經歷過二戰時期。聽當地人講,其實好多老一輩嘅老友記,都曾經入過集中營,又或者流亡到德國等其他國家。


@Auschwitz Memorial Facebook

@Auschwitz Memorial Facebook

奥斯威辛集中營嘅規模之大非筆墨能夠形容,一棟棟又長又大嘅建築物,好難想像曾經呢度入面,監禁過幾多嘅人。去奥斯威辛集中營建議join導覽,因為你會聽到好多故事同歷史。入面用咗最純粹嘅方法,勾畫出最震撼人心嘅歷史畫面。長長嘅走廊,由頭到尾放滿咗堆到上天花板嘅頭髮、女人嘅皮鞋、寫滿名字嘅行李箱等等。呢都係所有曾經入過奥斯威辛集中營嘅人留下嘅冰山一角。同行嘅人有啲會睇到喊,聽個導覽講,有唔少人會睇到嘔就知個震撼程度去到邊!

 

波蘭自由行|奥斯威辛集中營

地址:Więźniów Oświęcimia 20, 32-603 Oświęcim, Poland
開放時間:
07:30 – 14:00 十二月
07:30 – 15:00 一、十一月
07:30 – 16:00 二月
07:30 – 17:00 三、十月
07:30 – 18:00 四、五、九月
07:30 – 19:00 六至八月 (關閉時間前90分鐘停止入場)
網址:auschwitz.org

 

波蘭自由行|維利奇卡鹽礦

@Flickr

維利奇卡鹽礦係波蘭嘅世界文化遺產之一,距離克拉科夫只需20-30分鐘車程!維利奇卡鹽礦十三世紀開始採挖,唔好以為已經荒廢咗好耐,其實呢度係2016年先停止採挖㗎!維利奇卡鹽礦深入地底327米深,要落到去要行一條好長嘅樓梯,不過唔使驚要行番上嚟,上嚟有電梯搭嘅。

@Flickr

鹽,曾經係波蘭嘅主要經濟基礎,而維利奇卡鹽礦係其中規模最大嘅一個鹽礦。下面唔止得採挖嘅鹽礦,入面就好似一個小城市一樣,教堂、房間、地下湖都有!

@Flickr

聖金加教堂嘅宏偉絕對唔比地面嘅大教堂遜色,仲好有特色添!

 

波蘭自由行|維利奇卡鹽礦

地址:Daniłowicza 10, 32-020 Wieliczka, Poland
網址:https://www.wieliczka-saltmine.com

 

住宿推介|威尼斯廣場住宅市場公寓

威尼斯廣場住宅市場公寓喺中央集市廣場附近,超方便,一落街咩都有,行街、餐廳、超市都係附近!有啲房仲可以望到個廣場𠻹!

 

🏨威尼斯廣場住宅市場公寓

地址:Rynek Glowny 11, 克拉科夫, Lesser Poland, 31-042, 波蘭

 

住宿推介|克拉科夫斯坦米莎斯托普洛酒店

该住宿照片相册

克拉科夫斯坦米莎斯托普洛酒店喺火車站旁邊,方便去各個景點!而且裝修好靚,酒店好新淨!大部分房間都可以望到克拉科夫嘅大街!

 

🏨克拉科夫斯坦米莎斯托普洛酒店

地址:ul. Ogrodowa 10, 克拉科夫, Lesser Poland, 31-155, 波蘭

 

Hotels.com 酒店優惠

睇到呢度,喺咪想即刻book酒店去波蘭呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!