定期送上世界各地最新、最地道嘅旅遊資訊!

【東京近郊好去處】鎌倉一日遊行程交通攻略!連必去鎌倉景點精選!

嚟到東京點可以錯過鎌倉呢個海濱旅勝地!鎌倉離東京只有一個鐘車程,有「小京都」之稱,坐擁大量名勝古蹟,今次小編就為大家送上位於東京近郊嘅鎌倉景點攻略,帶大家快閃鎌倉一日遊,輕鬆漫遊呢個風景優美嘅城市!

 

東京近郊|鎌倉一日遊|鎌倉景點推介|江之島

@Flickr

江之島位於鐮倉市區西南側「湘南」岸邊,係面積僅約 0.4 平方公里嘅陸連島。江之島地區有寺院同神社可以朝聖、品嘗美食、漫遊古老商店街、享受海上活動等等,係一個一年四季都一家大細去嘅觀光勝地!

 

江之島
地址:神奈川縣藤澤市片瀨海岸1丁目(顯示地圖)
交通方式:搭乘江之島電鐵在江之島站下車

 

 

東京近郊|鎌倉一日遊|鎌倉景點推介|鎌倉高校前站


@Flickr

江之電沿線鎌倉高校前站廣受海外遊客歡迎,係人氣動畫「灌籃高手」拍攝景點,天藍海闊,波光粼粼,吸引左唔少遊客黎打卡就係為左捕捉記憶中經典一幕!

 

鎌倉高校前站
地址:神奈川県鎌倉市腰越1丁目1(顯示地圖)
營業時間:24小時開放
交通方式:從藤澤站搭江之電到鎌倉高校前站

 

東京近郊|鎌倉一日遊|鎌倉景點|Walk大町百貨公司


@Instagram

Walk大町係一間小型百貨公司,有烏龍麵店,二手書店,雜貨店等8間商店。Walk大町百貨公司係重新將古民家改新建築物,地板用石子造成,好有歐洲街道感覺,喜歡異國風情嘅你又點可以錯過呢

 

Walk大町百貨公司
地址:神奈川縣鎌倉市大町1-1-12 WALK大町(顯示地圖)
營業時間:10:00 – 18:00
交通方式:鐮倉站歩行約10分鐘

 

東京近郊|鎌倉一日遊|鎌倉景點推薦|若宮大路

@Flickr

鎌倉車站東口出黎往鶴岡八幡宮方向嘅大街,就係若宮大路,除左有賣手工藝品、紀念品嘅商店,仲有好多特色小食檔㗎!有鎌倉特有煎餅、吻仔魚丼等等,包你食到樂而忘返!沿路兩旁種咗大約一千棵櫻花樹,等你可以一邊享受美食,一邊欣賞美景,啱晒喜歡悠閒散步你!

 

若宮大路
地址:神奈川県鎌倉市雪ノ下2-1-31 (顯示地圖)
營業時間:24小時開放
交通方式:鐮倉站歩行約12分鐘

 

📖延伸閱讀:【東京海鮮之旅】仲去東京築地?三大新興東京魚市場連回本必食推薦!

 

東京近郊|鎌倉一日遊|鎌倉景點推薦|鶴岡八幡宮

@Flickr

鶴岡八幡宮係鎌倉必遊景點,亦係日本三大八幡宮之一,於1063年建造,係鎮守關東地區神靈,日本居民更認為鶴岡八幡宮係國家守護神。熱愛日本文化你一定唔可以錯過鶴岡八幡宮呀!

 

鶴岡八幡宮
地址:神奈川縣鎌倉市雪之下2-1-31 (顯示地圖)
營業時間:
4月至9月 5:00 – 21:00
10月至3月 6:00 – 21:00
交通方式:從鎌倉站步行約10分鐘

 

東京近郊|鎌倉一日遊|鎌倉住宿推薦|由比濱海水浴場酒店

该住宿照片相册

由比濱海水浴場酒店位於神奈川縣,喺酒店步行1分鐘就可以到達海灘,住宿位置優越。每年11 月底會舉行燈光展、5 月中擁有美麗繡球花景觀,氣氛悠閒,非常適合放鬆身心。

 

由比濱海水浴場酒店
地址:JPN鐮倉4-4-6 Yuigahama (顯示地圖)
星級 | ★★★☆☆
位置 | ★★★★☆
設施 | ★★★☆☆  
環境 | ★★★☆☆  
價格 | 查看價格

 

東京近郊|鎌倉一日遊|鎌倉住宿推薦|鎌倉王子大酒店

鎌倉王子大酒店, 鐮倉, 鳥瞰

鎌倉王子大酒店坐落於鎌倉嘅中心地帶, 附近仲有唔少熱門景點, 係遊覽鎌倉嘅最佳住宿選擇!酒店設有室外游泳池、Spa、按摩服務等多種娛樂設施,為你提供一站式服務。

鎌倉王子大酒店, 鐮倉, 標準雙床房, 客房

鎌倉王子大酒店
地址:JPN鐮倉1-2-18 Shichirigahama-higashi (顯示地圖)
星級 | ★★★★☆
位置 | ★★★★☆
設施 | ★★★★★  
環境 | ★★★★☆  
價格 | 查看價格

 

 

Hotels.com酒店優惠