定期送上世界各地最新、最地道嘅旅遊資訊!

【東京行程懶人包】Top 3東京築地市場必食拉麵店連住宿推薦!

去到日本,緊係要食返碗暖笠笠又夠哂地道嘅拉麵喇!今次小編為你介紹日本最大、最出名嘅魚市場 – 築地市場入面三間必食嘅拉麵店,等你喪食魚生之餘,順便可以嘆返碗拉麵暖肚!

 

東京必食築地拉麵店推薦|濃厚鶏そば 築地とり食堂


@zzzzz_chan

首先推介嘅呢間「濃厚雞そば 築地雞食堂」,雖然築地係專食海鮮水產,但係呢間人氣築地拉麵店嘅濃滑雞湯底,真係唔試唔得!店入面主打嘅「濃厚雞そば」拉麵盛惠800YEN,據聞係將成隻雞放入煲煮到淋哂,變成含有大量骨膠原嘅雞白湯,再加上由小魚乾烹調而成嘅湯汁,香濃暖胃,女仔一定要試啊!

 

濃厚鶏そば 築地とり食堂

地址:東京都中央區築地6-4-8 城野大廈 1F/2F (顯示地圖)
交通:「築地」站步行約5分鐘即可到達
營業時間:11:00 – 15:00 / 17:00 – 24:00(定休日為星期日)
網址https://www.facebook.com/tokyofriedchicken

 

東京必食築地拉麵店推薦|海老そば專門店 築地 えび金

Image may contain: food
@Facebook

提到築地市場拉麵店,唔少日本人都一定會推薦呢間「海老そば專門店 築地 蝦子金」,鎮店之寶「えびそば」(海老拉麵)每一碗都用咗五十隻甜蝦熬製而定,湯底鮮甜濃郁,而且自家製麵條都係加入了蝦子粉末,正宗「蝦子麵」,價格只係780YEN,仲有出產麵餅裝,俾你拎返香港做手信!

 

海老そば專門店 築地 えび金

地址:東京都中央區築地6-23-5 (顯示地圖)
交通:「築地市場」站A1出口或「築地」站1出口,步行約5分鐘即可到達
營業時間:
星期一至五:10:00 – 15:00 / 18:00 – 21:00
星期六:6:00 – 15:00(定休日為星期日)
網址http://ebikin.com

 

東京必食築地拉麵店推薦|生粋博多らぁめん ふくちゃん 築地総本店

@kavampire

最後一間必食築地拉麵店推介就係「生粋博多拉麵FUKU CHAN」,齋聽店名就知道係主打博多豚骨拉麵,係日本超有名氣!而位於築地市場嘅本店更加廣受歡迎,王牌拉麵「FUKU CHAN 拉麵」係一碗簡單而不平凡嘅正宗博多豚骨湯底拉麵,價格盛惠680YEN,好抵食啊!

 

生粋博多らぁめん ふくちゃん 築地総本店

地址:東京都中央區築地6-9-5 (顯示地圖)
交通:「築地市場」站步行約6分鐘即可到達
營業時間:11:00 – 23:00(年中無休)

 

東京行程住宿推介|築地班商務酒店

築地班商務酒店非常鄰近築地魚市場,離築地車站只需5分鐘,想行去銀座亦都只係10分鐘步程,交通好方便。而且最平嘅房價大概只需港幣750蚊,客房面積有15平方米,性價比超高!

 

築地班商務酒店
地址:JPN東京3-17-10 Tsukiji, Chuo-ku (顯示地圖)

 

東京行程住宿推介|東急 Stay 築地座酒店
東急 Stay 築地座酒店, 東京, Twin room B 26sqm bed width122cm , 客房

東急 Stay 築地座酒店一出就係築地場外市場,想日日去東京築地市場食早餐嘆水產就最啱你喇!而客房面積有成17平方米,有齊微波爐、洗衣、乾衣機嘅設備,行10-15分鐘就到銀座,仲包免費WI-FI,夠哂方便!

 

東急 Stay 築地座酒店
地址:JPN東京Tsukiji 4-11-5, Chuo-ku (顯示地圖)

 

東京行程住宿推介|東銀座京急 EX Inn

東銀座京急 EX Inn, 東京, 客房

東銀座京急 EX Inn夠新夠型,過條馬路就到築地市場,距離築地站同東銀座站都好近,而且由成田機場仲有特快直達,食玩住都照顧哂!

 

東銀座京急 EX Inn
地址:JPN東京2-15-15 Tsukiji, Chuo-ku (顯示地圖)

 

Hotels.com酒店優惠