定期送上世界各地最新、最地道嘅旅遊資訊!

【東京冷門景點】耍廢!Hea玩五大東京近郊景點 (高円寺、奈良井宿、橫濱紅磚倉庫)

去親東京都一定係趕行程?咁你就錯喇,去東京一樣可以耍廢今次小篇就教大家去到東京近郊,hea住玩五大東京冷門景點。快啲襯仲未被遊客攻陷之前去感受嚇啦,話唔定你會愛上呢幾個地方!

 

東京近郊耍廢|東京冷門景點推薦|古著天堂高円寺


@Flickr

高円寺有一條個名好特別嘅商店街,叫「純情商店街」,係一個多嘢買多嘢食嘅地方。無論係餐廳、藥妝店、服裝店、娛樂等通通都有!而古著店亦係呢度嘅其中一個重點,有40-50間日本古著店。如果你係古著迷嘅就更加唔可以錯過呢度喇

 

高円寺

地址:東京都杉並區高円寺(顯示地圖)
交通:乘JR 中央線高円寺站

 

東京近郊耍廢|東京冷門景點推薦| 江戶風味奈良井宿


@Flickr

奈良井宿位於長野縣,係江戶時代連接江戶(以前嘅東京)同京都嘅重要道路。至今仍然保留咗江戶時期當時嘅街景,而且冇擠擁人群,可以自在咁漫步、影相


@Flickr

大街嘅店舖好多都販賣傳統工藝木碗、木梳、木筷、漆器等木製品,做手信一流!

 

奈良井宿

地址:長野県塩尻市奈良井(顯示地圖)交通:JR中央本線奈良井站網址:http://www.naraijuku.com/


 

東京近郊耍廢|東京冷門景點推薦| 橫濱紅磚倉庫


@Flickr

紅磚倉庫前身係日本政府嘅保稅倉庫,依家則被打造成文化商業設施,亦成為橫濱最具代表性的觀光景點之一。紅磚倉庫有分一號同二號館。一號館用作文化活動中心,例如展覽、表演活動等;而二號館就用作商業用途,有雜貨商店、咖啡店、餐廳等,真係可以比大家hea足最少半日呀。

 

紅磚倉庫

地址:神奈川県横浜市中區新港1-1 (顯示地圖)
交通:JR市營地鐵櫻木町站或關內站,步行均約15分鐘
營業時間:一號館10:00 – 19:00 ;二號館11:00 – 20:00 (餐廳營業時間因店鋪而異)
網址:http://www.yokohama-akarenga.jp/

 

👉即刻Click入嚟睇下Top 10東京酒店住宿優惠!

 

東京近郊耍廢|東京冷門景點推薦| 地下神殿琦玉縣地下排水通道


@首都圏外郭放水路官網

琦玉縣地下排水通道係用嚟排放颱風季節嘅洪水,總長6.3公里,隧道深五十米,有好多廣告同電影嚟呢度取景,點睇都好似一座「地下神殿」呀。雖然交通唔太方便,但係只要踏足過呢座地下神殿,你就會覺得就算幾唔方便都值得!想要參觀,就記得要事先申請喇。

 

地下神殿琦玉縣地下排水通道

地址:〒344-0111埼玉縣春日部市上金崎720 (顯示地圖)
交通:從淺草搭乘東武鐵道伊勢崎線(快速車)至春日部站,轉乘野田線(普通車)至南櫻井站下車,從北口搭乘循環巴士至「莊和排水機場‧龍Q館」站下車。

 

東京近郊耍廢|東京冷門景點推薦| 漫步神樂坂


@Flickr

去到新宿都唔一定係人來人往同埋得大型商場。係新宿區嘅神樂坂比人感覺好似小京都。
@Flickr
日間好清靜,沿路都係鋪滿石磚嘅小路,路旁係古老建築、和食餐廳、糖果屋,仲有寺廟,漫步神樂坂完全可以感受到傳統日本風情!

 

神樂坂

地址:東京都新宿區神樂坂(顯示地圖)
交通:搭乘東京地下鐵東西線至神樂坂站;或搭乘JR至飯田橋站;或搭乘都營地下鐵大江戶線至牛込神樂坂站

 

東京近郊住宿推介| 考山世界淺草日式旅館及青年旅舍

考山世界淺草日式旅館及青年旅舍, 東京, 豪華標準客房, 日式床墊, 客房
考山世界淺草日式旅館及青年旅舍前身係愛情旅館,經過裝修之後變成現時嘅特色主題旅館,總會搵到啱心水嘅主題房。其中有趣嘅係,部分房間依然保留咗玻璃透明Jacuzzi、鏡牆、氣氛照明系統等。

 

考山世界淺草日式旅館及青年旅捨
地址:東京都台東區西淺草3-15-1 (顯示地圖)
星級|★★☆☆☆
位置|★★☆☆☆
設施|★★★☆☆
環境|★★★★☆
價格|查看價格


東京近郊住宿推介| 行燈日式旅館

行燈日式旅館, 東京, 大堂閒坐區

行燈日式旅館曾經獲得日本建築學會獎,第一個具有設計感嘅日式旅館。房間都係榻榻米和式客房,房間唔大,但十分乾淨。不過留意返,浴室係共用嘅,如果想獨享按摩浴缸,記得要早啲預約!

行燈日式旅館, 東京, SPA

另外,旅館會舉辦各式嘅體驗活動,例如和服試穿、插花等,比你體驗日本文化。

 

行燈日式旅館
地址:東京都台東區日本堤2-34-10 (顯示地圖)
星級|★★☆☆☆
位置|★★★☆☆
設施|★★★☆☆
環境|★★★★☆
價格|查看價格



Hotels.com 酒店優惠