定期送上世界各地最新、最地道嘅旅遊資訊!

【曼谷周邊好去處】曼谷近郊考艾、大城景點遊玩連交通攻略

講起泰國自由行,大家一定會諗起曼谷嘅大皇宮、玉佛寺、夜市等等嘅熱門指定景點。但其實曼谷近郊有好多好玩嘅城市,今次小編同大家分享曼谷自由行必去嘅近郊城鎮,仲教埋你點樣最快去到!想去多幾個近郊城市嘅可以即日來回,果想悠閒慢遊嘅亦都可以住返幾日,想知就要繼續睇落去啦!

 

考艾 (Khao Yai)泰文嘅意思係 “大山”,世界知名嘅「大山音樂節」每年就喺考艾舉辦,活動期間往往吸引超過10萬人參與!由於考艾嘅景點位置相對較遠,如果時間有限,小編會推介你去小意大利 (Palio Khaoyai) 同附近嘅考艾國家公園,啱曬浪漫主義同崇尚自然嘅你!

 

曼谷近郊好去處 | 考艾小意大利 (Palio Khaoyai)


@Zaw_zawly


@Zaw_zawly

去到考艾又點可以錯過小意大利嘅美景呢!呢個意大利主題廣場內到處都係希臘神話同歐洲風格嘅雕塑、商店、cafe、精品店,令人好有置身歐洲嘅feel,加上泰國知名電影都曾經喺度取景,所以無論係本地人或遊客都好鐘意嚟影相留念。

 

考艾小意大利
地址:146/1 Moo.4, Thanarath Road Moo-si, Sub-District, Pakchong District, Thailand (顯示地圖)
營業時間: 09:00 – 19:00(星期日至四);08:30 – 20:00(星期五、六)

 

曼谷近郊好去處 | 考艾國家公園 (Khao Yai National Park)


@Flickr


@Flickr

考艾國家公園係泰國最古老和第 3 大嘅天然國家公園,亦係野生動物保護區。公園佔地 2,168 平方公里 (837平方英哩),你可以徒步、乘坐電單車或租汽車探索呢個環境優美、遠離喧囂嘅公園。要親近大自然又點少得觀賞氣魄雄偉嘅瀑布、壯觀嘅亞洲象、嘮叨嘅獼猴同埋各種鳥類及植物。沿遊客中心附近嘅大路可搵到小型咖啡店和食檔,按照自己嘅節奏遊覽公園,感受大自然嘅鳥語花香。

 

考艾國家公園
地址:Hin Tung, Mueang Nakhon Nayok District 26000 (顯示地圖)
營業時間:06:00 – 18:00 (星期一至日)
門票價格: 400 泰銖

 

曼谷近郊好去處 | 大城瑪哈泰寺  (Wat Mahathat)

大城 (Ayutthaya) 係泰國大城府的首府,坐落於湄南河谷。呢個歷史悠久嘅古城,具有藝術氣息,吸引大批遊客前來,很適合親子一日遊。


@Flickr

矗立於大城阿育塔亞中心點嘅瑪哈泰寺係所有旅客必訪嘅知名景點,黎瑪哈泰寺必定要親眼目睹一個奇觀,亦係瑪哈泰寺嘅指標景點,正是當年緬甸軍戰爭中未被波及嘅「樹中佛陀」。

 

瑪哈泰寺
地址:Tha Wa Su Kri, Phra Nakhon Si Ayutthaya District, 大城 13000泰 (顯示地圖)
營業時間:08:00 – 18:00
門票價格:  30 泰銖

 

曼谷近郊好去處 | 大城水上市場 (Ayutthaya Floating Market)


@Flickr

大城水上市場是泰國眾多水上市場之一,係一個結合了大象學校、餐廳及水上人家的觀光地方。購票後搭船繞一圈可以看到水上人家嘅日常及周圍嘅商店,船程約10分鐘。河道兩旁種植著椰樹和楊柳,綠化了整個水上市場。遊完船河,仲可以去對面嘅大象學校騎騎大象添!

 

大城水上市場
地址:Phai Ling, Phra Nakhon Si Ayutthaya District Phra Nakhon Si Ayutthaya 13000 (顯示地圖)
營業時間:10:00 – 21:00

 

曼谷近郊好去處 | 考艾交通攻略
考艾位於曼谷東北方向,最靠近考艾嘅城鎮係巴衝(Pak Chong),你要先到巴衝,然後再找搵交通工具前往景點、酒店。大巴士係前往考艾最快方法,車程大約2.5~3小時。 先前往Bangkok Bus Terminal Chatuchak 3樓49號窗口(Ratchasima Tour)購買搭前往巴衝的車票,票價146泰銖,然後去Mo Chit 2 巴士北站搭前往巴衝嘅車。

 

曼谷近郊好去處 | 大城交通攻略
大城可以話係出走曼谷最容易嘅一個地方,距離唔遠,交通選擇又多。除咗搭小巴士之外,火車亦係一個唔錯嘅選擇,最平嘅票價都只係15泰銖!只要唔係假日,出發當天到火車站購票都無問題。

 

曼谷近郊考艾住宿| 凱瑞瑪雅高爾夫渡假村 (Kirimaya Golf Resort & Spa)


凱瑞瑪雅高爾夫渡假村 (Kirimaya Golf Resort & Spa) 位於考艾國家公園
離市中心不遠開幕至今廣受好評。住宿位置優越附近仲有唔少市區內嘅熱門景點,但係又唔會太嘈,係CP值好高嘅一間酒店!

 

凱瑞瑪雅高爾夫渡假村 (Kirimaya Golf Resort & Spa)
地址:THA白莊Khao Yai National Park1/3 Moo 6, Thanarat Road, Moo-Si 3077 5769 (顯示地圖)
星級 | ★★★★★
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

曼谷近郊大城住宿|薩拉阿瑜陀耶酒店 (Sala Ayutthaya)

薩拉阿瑜陀耶酒店 (Sala Ayutthaya) 位於大城府中心,呢間精品酒店提供室外游泳池和帶免費無線網絡連接的時尚住宿。餐廳享有河景,設有室內和室外用餐區,喜歡陽光嘅情侶們可以不防考慮一下。

 

薩拉阿瑜陀耶酒店 (Sala Ayutthaya)
地址:THA大城9/2 Moo 4, U-Thong Road, Pratu Chai, 3077 5769 (顯示地圖)
星級 | ★★★★★
位置 | ★★★★★  
設施 | ★★★★☆  
環境 | ★★★★☆  
價格 | 查看價格 

 

 

Hotels.com酒店優惠