定期送上世界各地最新、最地道嘅旅遊資訊!

【曼谷新酒店】超抵住!編輯嚴選6間曼谷無邊際泳池酒店!

泰國酒店先睇泳池是常識吧,要數2019年最人氣嘅曼谷無邊際泳池就一定非以下幾間曼谷新酒店莫屬!作為坐擁陽光與海灘嘅旅遊勝地,一個靚靚泳池可以話係基本,嘆埋水天一色嘅超靚景係bonus,最正就係以超抵價錢嘆盡星級酒店。出發之前,先睇以下嘅6間超誠實曼谷酒店推介,掌握最新嘅曼谷酒店訂房行情

 

曼谷新酒店推薦No.1 | AVANI 河畔曼谷酒店

AVANI 河畔曼谷酒店
@c.k.travels

開業接近兩年嘅AVANI 河畔曼谷酒店,坐擁無得輸靚河景,地理位置無得頂,性價比極高。喺頂樓嘅無邊際泳池可以將湄公河景色盡收眼底,享受城市嘅一分寧靜。而且IG打卡構圖一流,有曼谷城市景觀襯托,仲望到摩天輪等城市地標,喺眾多infinity pool中脫穎而出!

最重要!最重要!最重要嘅係AVANI 河畔曼谷酒店價錢超值,每晚房價需約$750港元左右,人均唔駛$400就可以有五星級酒店享受,正!

AVANI 河畔曼谷酒店_2
@ayapaaan0120

泳池整體環境也不錯!香港人出遊最怕同人迫!AVANI 河畔曼谷酒店另一個優點係房間數目貴精不貴多,酒店亦有指引列出只接待成人(小編就未試過有小朋友同行,所以家庭客可能要問清楚酒店),所以出入唔怕喧鬧。

游池、gym房、spa、餐廳等設施都唔多人使用,氣氛環境都好寧靜。另外,無邊際泳池亦遠離酒吧及餐廳用餐地方,私隱度唔錯。

AVANI 河畔曼谷酒店_2
@cielo_axxul

不過對比傳統五星級豪華酒店,客房略嫌有少少細,房間格局望落比較似假日酒店,扣咗少少分,勝在觀景窗勁大,空間感即刻返哂嚟!一望出去以為自己瞓喺河邊咁!始終酒店地理位置處於極優嘅湄公河河畔,光線十足。而且樓下有齊24小時便利店,亦有免費接駁船來往鄰近地鐵站,都算相當方便。

 

AVANI 河畔曼谷酒店
地址:THA曼谷257 Charoennakorn Road, Thonburi(顯示地圖
星級 | ★★★★★  
位置 | ★★★★★  
設施 | ★★★☆☆  
環境 | ★★★★☆
價格 | 查看價格

 

📖延伸閱讀:【曼谷旅遊攻略】曼谷火車夜市 + 考山路夜市行程攻略連必食推薦!
📖延伸閱讀:【曼谷按摩】淨係識去曼谷let’s Relax?Top 5高CP值曼谷Spa推薦!

 

曼谷新酒店推薦No.2 | 曼谷 137 柱公寓酒店

 曼谷 137 柱公寓酒店@137pillarsbangkok

係嘅3面無際嘅infinity pool啊!曼谷 137 柱公寓酒店嘅無邊際泳池最能夠表達究竟咩係「水天一色」,泳池同藍天融為一體。而且泳池設計好特別,一個泳池有3面無邊際景觀,打卡構圖都可以有好多變化。

曼谷 137 柱公寓酒店_2

曼谷137 柱公寓酒店一大建築特色係採用咗雲石,泳池旁邊係一間Marble Bar,迎合哂「大理石」網紅風嘅打卡熱潮,令到呢度嘅infinity pool人氣爆燈,天氣好嘅時候真係藍到呢~

曼谷 137 柱公寓酒店_3
@kristinacrown

大理石風勁受歡迎,泳池另一邊亦係靚到暈。美中不足嘅係,曼谷 137 柱公寓酒店位置距離地鐵站比較遠,始終去外地旅行交通方便屬首要考量(加上喺泰國行步路都熱過人),所以大家都要考慮下接唔接受到呢點不足。酒店方面設有接駁車來往市區景點,幾得意嘅係佢哋嘅接駁車竟然係「倫敦的士」,令人有置身於歐洲嘅感覺。

 

曼谷 137 柱公寓酒店
地址:THA曼谷257 Charoennakorn Road, Thonburi(顯示地圖
星級 | ★★★★★  
位置 | ★★★☆☆  
設施 | ★★★★★  
環境 | ★★★★☆
價格 | 查看價格

 

📖延伸閱讀:【清邁自由行】Top 8 全新開業清邁酒店推介 (三大必試清邁SPA)
📖延伸閱讀:【泰梳乎】嚴選布吉住宿 – Top 5 布吉Pool villa酒店!

 

曼谷新酒店推薦No.3  | 曼谷大倉新頤酒店

曼谷大倉新頤酒店
@kkkatwong

曼谷大倉新頤酒店嘅位置相當好,無邊際泳池飽覽曼谷摩天大廈景色,遠睇以為水淹摩天大廈,好有電影感!而且泳池設計好貼心,打卡時唔會被塊若隱若現嘅玻璃擋住風景。

曼谷大倉新頤酒店_2

酒店房間採用日式設計,以和風木系色調為主調,令人感覺舒服。酒店鄰近多間大型購物商場好似Central World等等。

 

曼谷大倉新頤酒店
地址:THA曼谷57 Wireless RoadPark Venture Ecoplex(顯示地圖
星級 | ★★★★★  
位置 | ★★★★★  
設施 | ★★★☆☆  
環境 | ★★★☆☆
價格 | 查看價格

 

📖延伸閱讀:【曼谷海鮮特集】Central World美食推薦大全 (兼食大熱曼谷龍蝦麵)
📖延伸閱讀:【必買泰國手信】Top 8曼谷Big C必買手信零食之選!

 

曼谷新酒店推薦No.4   | 曼谷索菲特酒店

曼谷索菲特酒店
@wanderlust.nl

曼谷索菲特酒店嘅無邊際泳池喺當地勁出名,因為毗鄰當地人最愛嘅倫批尼公園!面對綠油油嘅城市林景游水特別養眼。

曼谷索菲特酒店_2
@onlywon_611

索曼谷索菲特酒店設計非常獨特,以大自然及中國五行為設計概念,房間有落地大玻璃可以遠眺曼谷市以及無敵園林。酒店地理位置非常優越,鄰近地鐵站。

 

索曼谷索菲特酒店
地址:THA曼谷Bangrak2 North Sathorn Road(顯示地圖
星級 | ★★★★★  
位置 | ★★★★☆  
設施 | ★★★★☆  
環境 | ★★★★★
價格 | 查看價格  

 

📖延伸閱讀:【曼谷cafe推介】帶你遊盡曼谷文青隱世打卡cafe!
📖延伸閱讀:【泰好玩】潮人推介-泰國曼谷五大必去高空酒吧!

 

曼谷新酒店推薦No.5 | 曼谷柏悅酒店 (Park Hyatt Bangkok)

曼谷柏悅酒店 (Park Hyatt Bangkok)
@watsaman_nakub_b

城市感infinity pool!曼谷柏悅酒店都係近一兩年開幕,係屬於Hyatt凱悅旗下嘅曼谷新酒店,樓高36層,無邊際泳池設於酒店高層,同附近大樓距離就近咗少少,泳池環境方面比較失色,而且範圍一眼望哂,不過因為位置夠高,壓迫感唔算太大,仍可以俯瞰曼谷市景。

曼谷柏悅酒店 (Park Hyatt Bangkok)_2
@vasinmahaphon
化妝間、浴室區景觀會唔會太正!

住開唔同地方嘅Hyatt都知道,Hyatt系嘅新酒店即使係一般客房,設計都絕對唔刻板,有齊浴室、衣帽間、化妝間貫通全間房,極具空間感,正宗五星級享受,而且裝潢以實木和雲石等材質為主,色調和諧好舒服!

曼谷柏悅酒店 (Park Hyatt Bangkok)_3

酒店外觀設計都好型!酒店內外設計都使用咗簡約流線元素,係靚嘅。酒店最大優點在於鄰近暹邏帕拉貢商場同埋水門市場,絕對方便購物狂,血拼完之後嘆係池邊嘅長凳上面曬太陽,一絕也!

Park Hyatt Bangkok各方面服務都俾足100分,比起香港嘅Hyatt仍然仲平成三分之一至三分之二㗎!一場去到曼谷,唔係唔試下吖嘛?

 

曼谷柏悅酒店
地址:THA曼谷88 Wireless Road, Lumpini, Pathumwan(顯示地圖
星級 | ★★★★★  
位置 | ★★★★☆  
設施 | ★★★★☆  
環境 | ★★★☆☆
價格 | 查看價格  

 

📖延伸閱讀:【泰好玩】五大潮人必去曼谷夜市 – 考山路、火車夜市拉差達 !
📖延伸閱讀:【泰國Perfect Go】曼谷自由行攻略 Day 1- 水上市場,JJ GREEN!

 

曼谷新酒店推薦No.6 | 沙吞伊斯汀大酒店

沙吞伊斯汀大酒店
@mek_sumek

沙吞伊斯汀大酒店行典雅高尚風格,雖然同附近大廈距離比較近,但佢地嘅無邊際泳池亦花咗好多心思佈置。

沙吞伊斯汀大酒店_2
@weiwei_8111

酒店pool side bar氣氛一流,唔會悶親,務求為客人帶來一個與別不同嘅體驗!

沙吞伊斯汀大酒店_3

沙吞伊斯汀大酒店房間以城市景為主,地理位置相當方便,位處Surasak地鐵站樓上,離著名嘅購物天堂Siam同埋河濱夜市只係幾個地鐵站之隔,交通超級便利。

 

沙吞伊斯汀大酒店
地址:THA曼谷57 Wireless RoadPark Venture Ecoplex(顯示地圖
星級 | ★★★★★  
位置 | ★★★★☆  
設施 | ★★★★☆  
環境 | ★★★☆☆
價格 | 查看價格

 

📖延伸閱讀:【曼谷夜景】潮人推介曼谷酒吧-泰國曼谷五大必去高空酒吧!
📖延伸閱讀:【泰國Perfect Go】曼谷自由行攻略 Day 3 -泰式按摩,夜遊曼谷!
📖延伸閱讀:【曼谷美食推薦】曼谷必去夜市 — 河濱夜市攻略2019 (必食Item逐個數)
📖延伸閱讀:【芭堤雅自由行】嚴選芭堤雅美食 — 浪漫靚景芭堤雅懸崖餐廳、海邊餐廳推薦!

 

Hotels.com酒店優惠Hotels.com酒店優惠