定期送上世界各地最新、最地道嘅旅遊資訊!

【日本airbnb下架】編輯推薦五大高CP值東京平酒店!(連東京住宿方便選區指南)

遊日注意!日本民泊法正式上路,日本Airbnb已經將仲未正式註冊嘅民宿,全數下架!旅遊旺季去日本玩,搵房怕難上加難?小編今次就同大家分享東京住宿方便選區指南,教埋你用至抵價錢book高CP值嘅東京平酒店,慳番啲錢去玩!

 

 

東京住宿方便選區指南 | 日本airbnb下架


@bunnytokyo

日本係今年6月中開始實施新嘅民宿管理法《民泊法》,Airbnb因應新法大規模移除係網站上未有經營許可嘅日本民宿。由原來6萬幾間民宿,依家得返1萬幾間,有成8成民宿下架,而且新法規定營業時間一年內最多唔可以超過180日,唔同地區對民宿經營亦有唔同嘅額外限制,例如新宿、中野區只可以係星期六日營業。

 

 

東京住宿方便選區指南 | 東京平酒店推薦

東京範圍好大,住宿選擇又多,如果初遊東京諗住邊都幾頭痛。不過記得每次揀酒店,最好就根據自己嘅需求,搵相對符合條件嘅地區。例如係想搵交通方便、周邊多餐廳藥房嘅地區,定就返行程搵市區或者近郊嘅地區呢?不過如果行程以東京市中心,交通方便為主,可以考慮下多餐廳商場藥房嘅新宿、池袋,想體驗到寺廟、賞花、去美術館就可以考慮下上野同淺草喇!

 

東京平酒店推薦 | 隆斯達城市酒店 (City Hotel Lonestar Shinjuku)

隆斯達城市酒店, 東京, 標準雙人房, 非吸煙房, 客房

新宿有好多巴士同鐵路網絡都會覆蓋到,加上新宿周邊配套超好,所以呢一區嘅房價一啲都唔平。小編介紹嘅呢間酒店位置方便,距離新宿三丁目駅同新宿伊勢丹都係幾分鐘路程,去JR新宿駅都只係10分鐘,方便到一個點!仲要包埋早餐,同區嚟講,都好少有咁抵!

 

隆斯達城市酒店 (City Hotel Lonestar Shinjuku)
地址:Shinjuku-ku2-12-12, Shinjuku, Tokyo, Japan (顯示地圖)
星級 | ★★★☆☆  
位置 | ★★★★☆  
設施 | ★★★☆☆   
環境 | ★★★☆☆
價格 | 查看價格

 

📖延伸閱讀:【東京冷門景點】耍廢!Hea玩五大東京近郊景點 (高円寺、奈良井宿、橫濱紅磚倉庫)

 

東京平酒店推薦 | 東新宿燦路都大酒店 (Hotel Sunroute Higashi Shinjuku)

東新宿燦路都大酒店, 東京, 標準雙床房, 2 張單人床, 非吸煙房, 客房

呢間酒店同樣位於新宿區,酒店旁邊就已經係東新宿駅出入口,去JR新宿駅都係15分鐘路程,想去埋歌舞技町食飯飲杯嘢都係行十幾分鐘!雖然酒店房唔太大,不過房內設備尚算齊備,地理交通位置一流,物超所值啦!

 

東新宿燦路都大酒店 (Hotel Sunroute Higashi Shinjuku)
地址:7-27-9 Shinjuku Shinjuku-ku, Tokyo, Japan (顯示地圖)
星級 | ★★★☆☆  
位置 | ★★★★☆  
設施 | ★★★☆☆   
環境 | ★★★☆☆
價格 | 查看價格

 

📖延伸閱讀:【血拚東京—東京市集篇】東京跳蚤市場特集

 

東京平酒店推薦 | 池袋東急Stay酒店 (Tokyu Stay Ikebukuro)

池袋東急Stay酒店位於池袋,比起新宿,池袋相對地冇咁多人,而且住宿都比較平,所以唔少人都會揀池袋嘅酒店。酒店距離地鐵站好近,少於10分鐘路程。房間細細但有驚喜,驚喜在於佢房內有微波爐同洗衣機!

 

池袋東急 Stay 酒店 (Tokyu Stay Ikebukuro)
地址:2-12-2 Toshima, Ikebukuro, Tokyo, Japan (顯示地圖)
星級 | ★★★☆☆  
位置 | ★★★★☆  
設施 | ★★★★☆   
環境 | ★★★☆☆
價格 | 查看價格

 

📖延伸閱讀:【血拚東京—日本購物篇】日本露營用品購買攻略連山系小物推薦

東京平酒店推薦 | 上野御徒町相鐵士多啤梨客棧 (Sotetsu Fresa Inn Ueno-Okachimachi)

上野御徒町相鐵士多啤梨客棧, 東京, 客房, 非吸煙房 (Twin), 客房

上野嘅住宿比新宿池袋嘅都平,如果搵上野住宿可以考慮呢間酒店,位置非常方便,無論坐METRO、JR 或者Skyliner,都係幾分鐘路程就到。另外,酒店好近上野公園、阿美橫丁,附近仲有好多餐廳同便利店,無論玩同食都好方便呀!

 

上野御徒町相鐵士多啤梨客棧 (Sotetsu Fresa Inn Ueno-Okachimachi)
地址:Ueno 1-20-8, Taito-ku, Tokyo, Japan (顯示地圖)
星級 | ★★★☆☆  
位置 | ★★★★☆  
設施 | ★★★☆☆   
環境 | ★★★★☆
價格 | 查看價格

 

📖延伸閱讀:東京近郊溫泉之旅:箱根溫泉酒店推薦

 

東京平酒店推薦 | 淺草法華俱樂部酒店 (Hotel Hokke Club Asakusa)

淺草法華俱樂部酒店離地鐵走大概5至10分鐘就到。附近有好多商店、居酒屋,仲有開到凌晨12點嘅超市,而且又近雷門淺草寺,位置十分不錯。大堂亦有免費護膚品,浴鹽等提供,非常貼心。另外,早餐驚喜地有質素㖭呀!

 

淺草法華俱樂部酒店 (Hotel Hokke Club Asakusa)
地址:Ueno 1-20-8, Taito-ku, Tokyo, Japan (顯示地圖)
星級 | ★★★☆☆  
位置 | ★★★☆☆  
設施 | ★★★☆☆   
環境 | ★★★★☆
價格 | 查看價格

 

 

Hotels.com酒店優惠