定期送上世界各地最新、最地道嘅旅遊資訊!

【日本秘境溫泉絕密公開】日本四國溫泉+懷石料理推介,一泊兩食套餐大比併

日本人皮膚又白又滑,除咗化妝技術高超之外,又點少得日本溫泉嘅美肌功效!趁住依家凍冰冰,去日本玩下雪,順便浸埋溫泉啦!

 

日本秘境四國溫泉推介|道後溫泉

@matsuyama-sightseeing.com

四國中最多人識嘅一定係呢間道後溫泉,因為千與千尋入面既油屋就係以呢度爲原型!除咗呢個原因,道後溫泉本身都係當地好出名嘅溫泉嚟㗎!因為泉水有美容同治療嘅功效,鹼性嘅泉水聽聞特別適合亞洲人肌膚,所以好多人都慕名而去!

 

道後溫泉
地址:愛媛県松山市道後湯之町6-8 (顯示地圖)

 

日本秘境四國溫泉推介|祖谷溫泉

@tabigakuto

有日本三大秘湯之稱嘅祖谷溫泉一都係一定要去嘅。其中最吸引人嘅當然係佢嘅地理位置,溫泉係溪谷底部,成個溫泉區同大自然融為一體,而且要浸溫泉重要搭纜車先去到,超有神秘感。唔同季節去有完全不同嘅感覺同風景。

 

祖谷溫泉
地址:徳島県三好市西祖谷山村善徳33-1 (顯示地圖)

 

日本秘境溫泉酒店推介|大和屋本店旅館

大和屋本店旅館係一間十分傳統嘅溫泉旅館,其中有4間房仲有獨立露天風呂,最適合情侶、夫妻二人世界。距離道後溫泉都只係6分鐘路程。最特別嘅係酒店入面有一個能劇舞台「千寿殿」,嫌棄淨係可以浸溫泉嘅朋友,可以去參加能劇體驗,玩吓啲樂器,了解吓能劇嘅歷史。

呢間酒店提供瀨戶內海特色的懷石料理,好彩嘅話仲可以一邊睇能劇一邊食添。一泊兩食大約15,000円,共11道菜嘅懷石料理,材料根據季節變更。

 

大和屋本店旅館
地址:JPN松山Dogoyunomachi 20-8 (顯示地圖)

 

日本秘境溫泉酒店推介|伊亞奧森酒店

伊亞奧森酒店係一間非常有傳統特色嘅日式旅館,獨享不斷變化嘅季節山景,呢度嘅房間全部都係設有榻榻米嘅日式客房。呢度嘅天然溫泉浴池景色可以話係超靚!浸完仲可以使用酒店提供嘅免費單車出去兜吓風𠻹!

酒店亦都提供懷石料理,係5款不同菜單裡面,最受歡迎嘅係阿波特選會席,可以一次過試晒阿波牛肉、烤鹿肉、香魚生魚片等當地特色料理。價格約38,490円。

 

伊亞奧森酒店
地址:德島縣三好市池田町松尾松本367-28 (顯示地圖)

 

Hotels.com酒店優惠