定期送上世界各地最新、最地道嘅旅遊資訊!

【日本冬日限定美景】走進白色童話世界!日本白川鄉合掌村交通、酒店攻略

如果你問小編冬天去日本有咩推介,小編一定毫不猶豫答你岐阜縣嘅白川鄉。冬天去白川鄉,可以見到冬日限定美景,四周圍白茫茫一片,好似入咗銀白色嘅童話世界一樣,非常夢幻!而白川鄉點燈更加係每年嘅盛事,喺冰天雪地上,一間間三角形嘅木屋仔亮起橙黃色嘅燈火,雖然場面唔算壯觀,但令人感覺溫馨,幸福感油然而生~今次就等小編帶大家走入日本白川鄉呢個白色童話世界啦!

 

日本白川鄉合掌村

@Flickr

要講日本白川鄉最大嘅賣點,就一定係合掌造合掌造係指白川鄉入面一個個三角形嘅木屋,遠睇就好似雙手合十再做個三角形一樣,所以有合掌造之稱,亦喺1995年被聯合國教科文組織列入為世界文化遺產。白川鄉嘅合掌造已經有好多年歷史,13世紀發生源平合戰,平氐家族為咗禦寒同埋避開追兵而喺深山起咗呢類屋仔,有禦寒嘅功效。不過現時白川鄉合掌村嘅合掌造,多數都係江戶時代中後期興建嘅。

 

唔好以為合掌造嘅建造年代久遠,就一定係危樓,其實合掌造非常堅固,無論風吹雨打都冇事!每逢冬天,白川鄉都會刮起大風雪,積雪甚至高過一個人,而合掌造依然屹立不倒,証明古人嘅建築技藝遠超我哋想像!最神奇嘅係,興建合掌造嘅過程中係冇用過一口釘,屋頂只係以茅草同檜木建成!

 

 

日本白川鄉必去打卡位一:城山天守閣展望台


@hina.cheung.yuen

去到日本白川鄉,就一定要登上天守閣展望台,喺高處俯瞰成個合掌村嘅自然景色。合掌村總共有113幢合掌造,雖然唔可以用「震撼」去形容眼前所睇到嘅景象,但望住一個個三角形嘅合掌造,加上四處綠油油一片,冇任何高樓大廈或現代化建築,有種返咗去古代嘅感覺。

 

交通:合掌村荻町內有接駁巴士直接抵達

 

日本白川鄉必去打卡位二:和田家


@takuyat516 

見到外表奇特嘅合掌造,係咪好好奇入面到底係點呢?喺白川鄉有兩個最出名嘅合掌造,分別係和田家神田家,由於兩個都要收費,小編覺得可以二選一,因為入面睇嘅野都係大同小異,而小編會比較推薦和田家,因為和田家算得上係白川鄉入面最大嘅合掌造,而且喺白川鄉入面,佢係唯一一幢被指定為國家重要文化財產嘅建築。


@nakabukuro

和田家由1790年開始擔任崗哨官員,算得上當時嘅達官貴人,地位顯赫。佢哋嘅合掌造建於江戶時代中期,而家一樓同二樓都開放畀遊客參觀,一樓展出咗和田家嘅生活面貌,包括居室、寝室、客房等等,而二樓係蠶繭室,入面有好多以前遺留落嚟嘅設備。上到二樓記得留意屋頂嘅構造,上文提及,起屋頂嘅過程係冇用過一口釘,只係用繩綁㗎咋!

 

和田家
入場費:¥300
開放時間:09:00 – 17:00

 

🏨Top10日本白川鄉合掌村附近人氣酒店住宿推介HK$191起 *安心價格保證*
[芳根飯美館酒店 HK$427櫻池克爾花園酒店 HK$499,礪波皇家酒店 HK$635]

 

2018日本白川鄉點燈

@private.travel.y

點燈係白川鄉嘅盛事,每年世界各地嘅遊客蜂擁而至,場面就好似新年行維園年宵一樣咁墟冚!2018年白川鄉點燈日子已經公布咗,今年縮短得返四日,而且因為以往點燈空前盛況,場面有少少混亂,所以嚟緊將會實施人流管制,每次只會放900人入展望台。漫天飄雪,望住一間間合掌造喺白茫茫一片嘅雪地上亮起一盞盞溫暖嘅黃燈。 此情此境,真係超級浪漫!由於每年特登去白川鄉睇點燈嘅遊客非常之多,如果想去,就要儘早安排行程!

 

白川鄉點燈

日子:
第一回:1/21 (日)
第二回:1/28 (日)
第三回:2/4 (日)
第四回:2/12 (一)
時間:17:30 – 19:30

 

日本白川鄉交通資訊

一般去白川鄉都係由名古屋出發,你可以選擇搭濃飛巴士或者岐阜巴士。岐阜巴士由名古屋嘅名鐵巴士中心開出,可以唔洗轉車直達白川鄉,車程大概三個鐘,詳情可上岐阜巴士官網查看。濃飛巴士班次就比較頻密,不過需要轉一次車。首先要由名鐵巴士中心上車,去到高山濃飛巴士中心,再轉乘「高山—白川鄉・金澤線」或者「高山—白川鄉・富山線」,喺白川鄉站落車,車程同樣大概三個鐘,詳情可參考濃飛巴士官網

 

車費(只供參考,詳情以官網為準)
岐阜巴士—單程 ¥3,900,來回 ¥7,000
濃飛巴士—名古屋至高山:單程 ¥2,980,來回 ¥5,140
高山至白川鄉:單程 ¥2,740,來回 ¥4,420

 

日本白川鄉附近住宿推薦
五箇山莊(Gokasanso)

@mickey_chiu211 

五箇山位於白川鄉後面,四周被群山環繞,江戶時期係日本鹽硝火藥原料嘅重要產地。五箇山莊附近有下呂溫泉,冬天去就最啱喇!五箇山莊環境清幽,人煙稀少,唔會有嘈雜嘅人聲同車聲,有隱世旅館嘅感覺,而且距離白川鄉只有兩公里,交通都尚算方便。

 

五箇山莊
地址:333-1 Tamukai, 南礪, Toyama, 939-1913, 日本 HK$902起

 

Hotels.com 酒店優惠

睇到呢度,喺咪想即刻book酒店去日本白川鄉呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站http://bit.ly/2huyVo6copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!