定期送上世界各地最新、最地道嘅旅遊資訊!

【京都賞櫻2019】六大京都櫻花景點懶人包 (最新日本櫻花花期)

踏入2019,小編相信你已經安排緊今年去京都賞櫻,所以小編不但為你準備咗京都櫻花景點推薦,仲有京都櫻花嘅住宿推介。除此之外,當然亦有日本櫻花花期。一於睇住Blogshotels.com安排行程啦!
📖延伸閱讀:【大阪去京都行程推薦】京都必買、必遊、必食行程攻略!

 

京都櫻花景點放送|醍醐寺 (Daigoji Temple)

@flickr

王鶴嘅《尋找櫻花》當中有一句「如果京都賞櫻只能看一個寺院,就看醍醐寺」。由呢一句就奠定醍醐寺喺京都睇櫻花「第一寺」嘅地位!每一年櫻花季節,醍醐寺必定人潮湧湧,想一暏櫻花盛開嘅絕景!醍醐寺主要分為「三寶院」、「靈寶館」,同「伽藍」三區,入每一區都要買飛¥600日元。而最靚同最有名嘅櫻花樹都位於呢幾個園區,所以小編建議大家可以買套票¥1500日元,入哂三個園區。

 

@flickr

醍醐寺主要嘅櫻花品種係吉野同枝垂櫻,大家仲可以睇到有過百年以上嘅枝垂櫻,非常壯觀。

 

醍醐寺
地址:京都市伏見区醍醐東大路町22 (顯示地圖)
交通:乘坐京都市地下鐵,東西線「醍醐站」,出站大概行15分鐘。

 

京都櫻花景點放送|平野神社 (Hirano-Jinja Shrine)


@flickr


@flickr 

平野神社係成個京都花期最長嘅地點,呢到四百幾棵櫻花,有成五十種品種,所以櫻花由三月中開始陸續開花,直至四月中,整整有一個月都可以睇到盛開嘅櫻花!平野神社每年4月10日舉行嘅櫻花祭更加係京都歷數最悠久嘅櫻花祭,茂盛櫻花、熱鬧小攤檔、神橋、花車同武士隊伍,熱鬧到不得了,大家一定唔可以錯過呀!

 

平野神社
地址:京都市北區平野宮本町1番地 (顯示地圖)
交通:由京都JR站坐市巴士205或50號,「衣笠校前站」落車,行1-2分鐘。

 

 

京都櫻花景點放送|哲學之道 (Tetsugaku-no-michi)


@flickr

@flickr

哲學之道係由南禪寺一直到銀閣寺之間的琵琶湖疏水道,全程大概有兩公里,因為哲學家西田幾太郎經常喺呢到散步沉思而得名。哲學之道兩旁種滿吉野櫻,加上小橋流水,仲有散落在水道上嘅粉紅花瓣,成個畫面詩情畫意到不得了,包你影到大量呃like靚相!如果幸運嘅話,仲可以一暏櫻花吹雪嘅絕景!

哲學之道
地址:京都市左京區浄土寺石橋-若王子橋 (顯示地圖)
交通:由京都JR站坐市巴士100號,「銀閣寺道站」落車,行1-2分鐘。

 

京都櫻花景點放送|半木之道 (Nakaragi Path)

@flickr

@flickr

「半木之道」位於京都府立植物園旁,北大路橋到北山大橋之間,一條延綿0.8公里嘅步道。沿路怖滿浪漫紅枝垂櫻,而垂落嚟嘅櫻枝用支架撐著,形成咗一條「櫻花隧道」!行過嘅時候就好似比櫻花包圍!而且半木之道人潮較少,大家可以好好享受櫻花美景!

 

半木之道
地址:京都府京都市左京區下鴨上川原町旁 (顯示地圖)
交通:乘坐京都市營地下鐵,烏丸線「北山駅」落車,3號出口,沿北山通路向植物園行10-15分鐘。

 

京都櫻花景點放送|山科疏水 (Yamashina Canal)


@emi.love.aloha


@flickr

山科疏水係位於山科嘅琵琶湖疏水道,呢到最大特色就係櫻花同油菜花田交織嘅景致。雖然呢到算唔上係最出名嘅賞櫻地點,但就係小編嘅私心推介!山科疏水唔單止有浪漫粉紅色櫻花,黃澄澄嘅油菜花田同琵琶湖水,令整個畫面充滿生氣!沿住水道漫步,有種莫名嘅舒心感覺!大家仲可以坐觀光船,一邊遊船河,一邊欣賞美景!

 

山科疏水
地址:京都市山科區御陵界隈 (顯示地圖)
交通:乘坐京都市營地下鐵,東西線「山科駅」落車,行大概10分鐘。

 

京都櫻花景點放送|鴨川 (Kamo River)

@flickr

@flickr

鴨川可以稱得上係本地人最愛嘅賞櫻地點,每年櫻花期,佢地都會一家大細咁嚟到鴨川,坐喺櫻花樹下一邊野餐,一邊賞櫻。鴨川分為上、中,下游,每一個位置都充滿連綿不絕嘅櫻花樹,而且各有風貌。小編覺得鴨川三角洲(即係賀茂川同高野川交界)係賞花最佳位置,仲係著名景點鴨川跳烏龜嘅所在地,絕對唔可以錯過!

 

鴨川三角洲
地址: 602-0033 京都府京都上京區, 今出川通 (顯示地圖)
交通:乘坐京板電車,京板本線「山町柳」站落車,行大概1-2分鐘。

 

京都櫻花景點放送|日本櫻花花期

出發睇櫻花前一定要掌握好櫻花花期!根據日本氣象株式會社Weather News,同Weather Map預測,今年京都開花期係26/3-31/3,而滿開期就係3/4-6/4。雖然每年開花期唔一樣,但賞櫻地點開花同滿開嘅順序每年都差唔多,大家可以參考以下順序,方便安排賞花行程:

第一段:

醍醐寺及高瀨川。

第二段:

清水寺、半木之道、鴨川、背割堤、哲學之道、 山科疏水、蹴上傾斜鐵道,及平野神社。

第三段:

仁和寺、龍安寺及堀川八重櫻。

 

京都櫻花景點放送|京都賞櫻住宿推介|KSK 莫賽克町屋酒店 (Mosaic Machiya KSK)

KSK 莫賽克町屋酒店 (Mosaic Machiya KSK)

KSK 莫賽克町屋酒店雖然細細地,但好多唔同國藉嘅旅客去京都賞櫻都會順道喺呢間咁濃厚日式氣氛嘅地方住返晚。離開正門一路靠左行,然後右轉到御前通直到遇上十字路口,轉左後一路直行到平野神社,沿途會經過天神川上方小橋,全程約十分鐘。

KSK 莫賽克町屋酒店 (Mosaic Machiya KSK)_2

兩層樓嘅大屋共5間客房,所有客房圴需共用公共浴室。客房空間寬敞,房間係全日式風格,好有風味㗎!

 

KSK 莫賽克町屋酒店 (Mosaic Machiya KSK)
地址:702 Shinsei-cho, Kamigyo-ku, Kyoto, Japan, 602-8381 (顯示地圖)
星級 | ★★★☆☆
位置 | ★★★☆☆
設施 | ★★★☆☆
環境 | ★★★☆☆
價格 | 查看價格

 

京都櫻花景點放送|京都賞櫻住宿推介|京都平安之森酒店 (Hotel Heian No Mori Kyoto)

京都平安之森酒店 (Hotel Heian No Mori Kyoto)

京都平安之森酒店嘅外觀用色鮮明易認。酒店靠近不同神社及賞櫻景點,絕對旅客們嘅不二之選。由酒店出發步行6分鐘係京都市動物園,10分鐘就係哲學之道,方便至極!

京都平安之森酒店 (Hotel Heian No Mori Kyoto)_2京都平安之森酒店 (Hotel Heian No Mori Kyoto)_3

京都平安之森酒店嘅客房都以和風為主,而公共設施更提供水療浴池,單車租借服務等等。

 

京都平安之森酒店 (Hotel Heian No Mori Kyoto)
地址:51 Okazaki Higashi Tenno-cho, Sakyo-ku, 606-8332 (顯示地圖)
星級 | ★★★★★
位置 | ★★★★☆
設施 | ★★★★★
環境 | ★★★★☆
價格 | 查看價格

 

京都櫻花景點放送|京都賞櫻住宿推介|京都山科三樂酒店 (Kyoto Yamashina Hotel Sanraku)

京都山科三樂酒店 (Kyoto Yamashina Hotel Sanraku)

京都山科三樂酒店附近雖然冇超多景點,但勝在近郊區!沿住府道方向嘅舊東海道一路行,直到見到左邊係諸羽神社一の鳥居就轉左入小街,直到先橫過京阪電氣鐵道,後橫過東海道本線下嘅小隧道。穿過小隧道後沿住直路走到安朱橋前,你就開始會見到櫻花樹。小編提議先上安朱橋上欣賞吓兩旁風景先再決定想行疏水嘅左邊定右邊。

京都山科三樂酒店 (Kyoto Yamashina Hotel Sanraku)_2

酒店內亦有提供公共浴池,大家不妨賞完櫻返嚟浸吓溫泉沿放鬆吓。

 

京都山科三樂酒店 (Kyoto Yamashina Hotel Sanraku)
地址:23, Anshu Sajikicho, Yamashina-ku, 607-8012 (顯示地圖)
星級 | ★★★★★
位置 | ★★★☆☆
設施 | ★★★★★
環境 | ★★★★☆
價格 | 查看價格

 

京都櫻花景點放送|京都賞櫻住宿推介|HOTEL MYSTAYS 京都四條 (Hotel MyStays Kyoto-Shijo)

HOTEL MYSTAYS 京都四條 (Hotel MyStays Kyoto-Shijo)
@hotels.com

每年賞櫻季節,酒店住宿都比平日貴一倍,而Hotel Mystays絕對係平靚正,CP值整高嘅酒店之選!呢到位於京都市中心,無論係去阪神電車,市營巴士站定係地下鐵都係10分鐘內到達,非常方便!


@hotels.com
房間寛敞舒服,裝修簡潔柔和,而且設備齊全!

 

HOTEL MYSTAYS 京都四條 (Hotel MyStays Kyoto-Shijo)
地址:JPN京都Shijo Dori, Shimogyo52 Kasaboko-cho, Aburakoji Higashi Iru (顯示地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★☆☆
價格 | 查看價格  

 

京都櫻花景點附近住宿|京都溫泉鳩屋瑞鳳閣酒店


@hotels.com

呢間酒店位置方便,由京都車站行去都只係4分鐘。而且充滿舒服溫馨嘅和洋式風格,無論係情侶浪漫之旅,定係一大家細親子之旅都好適合入住!


@hotels.com
最正嘅係有京都唯一天然溫泉大眾湯,仲唔快啲訂房?

 

京都溫泉鳩屋瑞鳳閣酒店 (Kyoto Hot Spring Hatoya Zuihokaku Hotel)
地址:JPN京都Minamifudoudou802 Nishi-no-toin shio-koji Sagaru (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格  

 

📖延伸閱讀:【京都嵐山一日遊】必去京都景點、必去嵐山景點攻略!(嵐山竹林、嵐山小火車)
📖延伸閱讀:【日本秘境溫泉絕密公開】日本四國溫泉+懷石料理推介,一泊兩食套餐大比併
📖延伸閱讀:【慢遊京都秘境】京都租和服浴衣指南大全:夢館、夢京都、岡本、染匠
📖延伸閱讀:【京都自由行】春日京都和服攝影,秘密景點大公開!(連京都櫻花必買手信)

 

 

Hotels.com酒店優惠Hotels.com酒店優惠