定期送上世界各地最新、最地道嘅旅遊資訊!

【Hotels.com大使推介】日本東京親子遊行程懶人包(附親子景點、酒店推薦)

 

東京咁大,除咗Disneyland Resort,仲有好多啱哂一家大細去嘅地方!Hotels.com大使就為大家準備咗東京親子遊行程懶人包,帶你玩盡東京!

 

第一日|晴空塔周邊一日遊

第一站|墨田水族館

@Flickr

位於東京晴空塔入面嘅墨田水族館,係一個都市型水族館。爲咗可以俾遊客近距離同海洋生物互動,所以館內設置咗三個實驗角。喺實驗角呢度除咗可以睇到飼養員嘅工作情形,同埋飼養設備等,仲可以同飼養員交流下,係一個好特別嘅體驗嚟㗎!

@Flickr

除咗魚類,呢度仲有水母、珊瑚礁、花園鰻、烏龜等生物。館內仲有一個可以近距離欣賞企鵝同海狗嘅水槽,可以同佢哋互動,又有得睇,又有得學野,啱哂同小朋友嚟呀!

@Flickr

館內仲有一個「東京大水槽」,係參考世界遺產-小笠原海洋世界而建嘅,入面有過百種海洋生物。望住個大水槽,睇住啲魚遊嚟遊去,真係睇極都唔會悶呀!

 

東京親子遊|墨田水族館

地址:東京都墨田区押上1-1-2 東京ソラマチ5F/6F
交通:東武晴空塔線 東京晴空塔站
開放時間:09:00 – 21:00(最後入場時間為 20:00)全年無休 ※會因季節而有所調整
入場費用:成人 ¥2,050;高中生 ¥1,500;中小學生 ¥1,000日圓;兒童(3歲以上)¥600

 

第二站|兒童溫泉

@abic.com.tw

第二站-兒童溫泉同樣都係位於晴空塔入面。雖然佢個名有溫泉呢兩個字,但係呢度唔係真正嘅溫泉,而係一個有足足88000個波波嘅波波池。兒童溫泉嘅波波池入面有滑梯、波波噴泉、彈床、攀石區等等,絕對係小朋友嘅天堂!

 

東京親子遊|兒童溫泉

地址:東京都墨田区押上1-1-2 東京ソラマチ5F
交通:東武晴空塔線 東京晴空塔站
開放時間:10:00 – 21:00(最後入場時間為 20:00)
入場費用:首一小時 8歲以下 ¥1080 (每延長30分鐘加 ¥600)、9歲以上 ¥540(每延長30分鐘加 ¥300)
官網:http://www.aeonfantasy.co.jp/kodomoku/

 

第三站|夜遊東京晴空塔

@Flickr

玩完一輪、食完野,又係時候去下一個景點啦!一場嚟到,緊係要睇下東京嘅夜景啦!東京晴空塔係堪稱世界上最高嘅電波塔,有成634米咁高,仲高過日本新三大夜景嘅長崎縣「稻佐山」(333米),絕對係日本數一數二嘅夜景名勝!

@Flickr

企喺東京晴空塔上面可以360度咁望到東京嘅夜景,無論大人定細路都一定會睇到眼定定,但係記得要預先買飛呀!

 

東京親子遊|東京晴空塔

地址:東京都墨田区押上1-1-2
交通:東武晴空塔線 東京晴空塔站
開放時間:10:00 – 21:00
入場費用:
天望甲板 350樓:
成人 ¥2,060;12至17歲 ¥1,540;6至11歲 ¥930;6至11歲 ¥620;3歲以下免費
天望回廊 450樓:
成人 ¥1,030;12至17歲 ¥820;6至11歲 ¥510;6至11歲 ¥310;3歲以下免費
官網:http://www.tokyo-skytree.jp/cn_t/

 

第二日|橫濱市一日遊

第一站|橫濱日清杯麵博物館(合味道紀念館)

@cupnoodles-museum.jp

嚟到日本呢個杯麵王國,點可以唔去參觀杯麵博物館呢? 喺橫濱日清杯麵博物館(合味道紀念館)除咗有介紹杯麵嘅歷史、展示之前製作杯麵嘅過程,仲有好多互動活動同遊戲。

@cupnoodles-museum.jp

好似喺雞湯拉麵工廠,大家可以親手整雞湯即食麵,由揉麵、抻麵、蒸麵到調味,成個過程都可以親身參與。整完仲可以帶個製成品番屋企,有得玩又有得食,大人細路都一定會鐘意!雞湯拉麵工廠嘅製作過程大約90分鐘,每日只係得8節,而且場場都爆滿,所以大家記得要提前三個月上網或電話預約參加呀!

@cupnoodles-museum.jp

玩完之後可以去NOODLES BAZAAR 麵條街度食番碗麵醫肚。呢度有超過八個國家嘅特色麵食,全部都各有特色,大家可以喺度享受世界各地的麵食文化。

 

東京親子遊|橫濱日清杯麵博物館(合味道紀念館)

地址:橫濱市中區新港2-3-4
交通:乘搭港灣未來線到港灣未來站,步行約8分鐘
開放時間:10:00 – 18:00 (最後入場時間為 17:00)(星期二休息)
入場費用:成人 ¥ 500;高中生或以下 免費
其他服務設施費用:
雞湯拉麵工廠: 中學生以上 ¥ 500;小學生 ¥ 300
我的合味道工廠:1份 ¥ 300
合味道遊樂區:每30分鐘 ¥ 300
官網:https://www.cupnoodles-museum.jp/zh-tw/

 

第二站|橫濱太空世界

@Flickr

橫濱太空世界係一個占地20,500尺嘅都市遊樂園。呢到分為三大園區,分別係神奇娛樂遊樂區Wonder Amuse Zone,布拉諾街道遊樂區Burano Street Zone同兒童遊樂區Kids’ Carnival Zone,一共有39項遊戲設施。除咗有刺激嘅遊戲設施外,呢度仲有好多俾小朋友玩嘅設施,好似鏡子迷宮,冰雪世界,3D影院等。橫濱太空世界仲有一個高112.5米嘅摩天輪,坐上去可以睇到成個橫濱市嘅景色,無論係日景定夜景都一樣咁靚,係呢度其中一個必玩嘅設施!橫濱太空世界係唔洗入場費嘅,而係單次收費,想玩邊樣先俾錢,啱哂帶小朋友嚟玩。

 

東京親子遊|橫濱太空世界

地址:橫濱市中區新港2-8-1
交通:乘搭港灣未來線到港灣未來站,步行2分鐘
營業時間:11:00-19:00(隨季節或假日營業時間會有所不同,請參閱官網公告)
官網:http://cosmoworld.jp/

 

第三日|台場一日遊

第一站|台場樂高樂園

@Flickr

台場樂高樂園除咗可以玩LEGO,仲可以參觀LEGO積木嘅製造工廠、玩射擊遊戲同4D劇場等,仲有好多由lego切成嘅東京街景,大人定細路都可以盡情體驗呢啲充滿創意嘅遊樂設施,玩足大半日都得呀!

 

東京親子遊|台場樂高樂園

地址:135-0091東京都港區台場1-6-1
交通:乘搭百合海鷗線 禦台場海濱公園站 / 臨海線 東京TELEPORT站
營業時間:星期一至五 10:00 – 20:00;星期六、日及公眾假期 10:00 – 21:00(隨季節或假日營業時間會有所不同,請參閱官網公告)
入場費用:星期一至五 ¥ 1,850;星期六、日及公眾假期 ¥ 2,000;下午四點後入場 不分平假日¥ 1,600;3歲以下免費
官網:https://tokyo.legolanddiscoverycenter.jp/

 

第二站|日本科學未來館

@Flickr

到咗旅程嘅最後一站,就帶大家去一個又有得玩,又有得學野嘅地方-日本科學未來館日本科學未來館以科學嘅角度去同大家分釋而加世界上發生嘅事,亦透過唔同嘅展覽同埋實驗教室等嘅活動,將唔同嘅科學技術以一個簡單易明又有趣嘅方式教授俾大家。過程好互動,小朋友都唔會悶親㗎!

 

東京親子遊|日本科學未來館

地址:東京都江東區青海2-3-6
交通:乘搭百合海鷗線 船科學館站 / 電信中心站,步行5分鐘;臨海線 東京TELEPORT站,步行15分鐘
營業時間:10:00 – 17:00(最後入場時間為 16:30)(星期二休息)
入場費用:成人 ¥620;18歲以下  ¥210;6歲以下 免費
官網:http://www.miraikan.jst.go.jp/en/

 

東京親子遊住宿推介|品川王子大酒店

@酒店官網

品川王子大酒店嘅地理位置好方便,電車汐留站B1出口就可以直接到酒店門口,啱哂帶住小朋友嘅家庭。酒店附近都有超市同藥妝店,如果冇時間shopping嘅話,直接喺酒店附近補貨就得,夠哂方便!

@酒店官網

 

➡品川王子大酒店 ⬅

 

Hotels.com 酒店優惠

睇到呢度,係咪想即刻book機票去東京呢?點樣先可以用至抵價錢book酒店?上Hotels.com 攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!