定期送上世界各地最新、最地道嘅旅遊資訊!

【Hotels.com大使推介】日本名古屋3日2夜行程懶人包!

日本中部嘅名古屋,係位於大阪同東京之間,無論去邊度都咁方便!自從今年四月LEGOLAND JAPAN喺名古屋開幕之後,越嚟越多新景點開幕,淨係留喺名古屋幾日都一樣有好多地方行街shopping!今次我哋Hotels.com大使就為大家準備咗名古屋3日2夜行程懶人包,帶你玩盡名古屋!即刻Click入名古屋3日2夜行程懶人包睇,跟住行程嚟玩,就算今日買機票聽日去都冇問題啦!

 

第一日:玩盡LEGOLAND

@Flickr

相信無論大人定細路都鐘意玩LEGO,所以第一站就緊係要去LEGOLAND JAPAN朝聖啦!LEGOLAND JAPAN喺今年四月先開幕,係日本唯一一個樂高樂園。LEGOLAND JAPAN位於金城埠頭站,落車之後行一段小路就到樂園入口,交通相當方便!樂園分成七大園區,有積木生產工場「FACTORY」、科學探索園地「Bricktopia」、考古迷城「Adventure」、歐洲中世紀王國「Knight’s Kingdon」、海盜海岸「Pirate Shores」、LEGO模擬城市「LEGO City」同LEGO模型展示場「Miniland」!另外,亦有唔同嘅機動遊戲同互動活動,場內仲有由LEGO積木砌出嘅各個日本著名地標,咁多野玩,玩足大半日都得呀!

@yuko3431

由LEGO砌成嘅名古屋城,好逼真啊!

 

LEGOLAND JAPAN
地址:愛知縣名古屋市港區金城埠頭2丁目2番地1 (顯示地圖)
營業時間:10:00 – 18:00
入場費:
兒童(3-12歲):¥5,300 (含稅)
成人(13歲以上):¥6,900 (含稅)

 


Maker’s Pier

@Flickr

Maker’s Pier就喺LEGOLAND JAPAN隔離,行五分鐘就到,去完樂園之後行下就fit哂啦!Maker’s Pier有超過六十間商店,呢度有好多出名嘅餐廳,好似海鮮燒烤老店奥山安蔵商店、富士山55沾麵等,一定有間啱你口味!玩方面,呢度有個VR鬼屋體驗館「台場怪奇學校 名古屋校」,啱哂鐘意刺激嘅朋友,仲有唔少舖頭提供workshop畀你整玻璃、蠟燭等,玩完LEGOLAND都有地方食野休息,唔怕悶啦!

 

Maker’s Pier
地址:愛知県名古屋市港区金城ふ頭二丁目7-1 (顯示地圖)
營業時間:09:00 – 21:00

 

🏨Top 10日本樂高樂園附近酒店住宿推介HK$369起 *安心價格保證* 
[太陽鐘商務酒店 HK$369起, 東海城市酒店 HK$476起, 廣船日式旅館 HK$494起]

 

第二日:名古屋歷史遊

@Flickr

名古屋歷史悠久,亦係誕生日本三英傑-織田信長、豐臣秀吉、德川家康三位偉大武將嘅地方。所以嚟到名古屋,就緊係要去下名古屋城,睇下呢度嘅歷史!名古屋城由德川家康建造,亦係名古屋嘅象徵。而名古屋城又叫做金鯱城,因為城堡嘅屋頂鑲有兩條金鯱,傳說中金鯱係被視為防火嘅符咒,同時亦係用嚟彰顯德川家嘅權力同財勢,所以去到嘅時候記得去睇下屋頂嘅金鯱喇!

 

名古屋城
地址:名古屋市中区本丸1-1 (顯示地圖)
營業時間:09:00 – 16:30 (天守閣至16:00)
入場費:高中生以上:¥500;中學生以下:免費

 

午餐 – 鰻木屋

@shinjinchen

講到名古屋必食,一定係「鰻魚三食」(ひつまぶし)!所謂「三食」,係指先吃鰻魚丼嘅原味(一食),再加紫菜、蔥同芥辣入鰻魚飯(二食),最後加入茶,做成茶漬飯(三食)。而喺名古屋最出名食「鰻魚三食」嘅,就係鰻木屋喇!

 

鰻木屋喺江戶時代就開業,係名古屋嘅著名老店。鰻木屋堅持只採用國產鰻魚,生宰之後直接放到備長炭上面燒。鰻魚啲皮燒到好脆,但係入面嘅肉仲係好嫩,而且呢度嘅醬汁唔鹹唔膩,就咁配白飯食都勁好食,鰻魚愛好者一定要嚟試下!不過﹐餐廳每日只開3.5個鐘,想食午餐嘅話就要喺12:30前嚟到等位喇。

 

鰻木屋
地址:愛知縣名古屋市東區東外堀町 11 (顯示地圖)
營業時間:11:00 – 13:30,17:30 – 18:30 (星期日休息)

 

 

TOYOTA博物館

@Flickr


愛知縣係豐田汽車嘅發源地,Hotels.com大使就推薦大家去位於名古屋近郊嘅TOYOTA博物館TOYOTA博物館係為咗記念豐田汽車創業50週年而創立。博物館長期展示120多架嚟自各個時代嘅汽車。唔單止豐田,仲有其他唔同品牌嘅著名汽車,好似梅斯特斯平治、萬事得、保時捷、勞斯萊斯、甚至小型嘅五十鈴汽車都有,絕對係車迷嘅天堂呀!

 

TOYOTA博物館
地址:愛知縣長久手市橫道41-100 (顯示地圖)
營業時間:09:30 – 17:00 (星期一休息)
入場費:成人 ¥1,000;中小學生 ¥600;三歳以上小童 ¥400

 

🏨Top 10名古屋酒店住宿推介HK$242起 *安心價格保證* 
[誠信名古屋酒店 HK$288起, 名古屋景觀酒店 HK$317起, 新梅特蘇大酒店 HK$392起]

 

第三日:永旺夢樂城常滑

@永旺夢樂城常滑官網

話咁快就去到最後一日,識玩嘅一定係喺機場附近玩,一來機場附近又少啲人,二來又唔怕趕唔切去機場,所以我哋嘅Hotels.com大使就推介大家去永旺夢樂城常滑喇!永旺夢樂城常滑距離中部國際機場只有一個地鐵站,亦有接駁巴士可以去機場,好方便㗎!永旺夢樂城常滑最大嘅特色就係商場中間有一尊超大嘅招財貓迎接大家,商場仲有一條招財貓街,販賣各式各樣嘅招財貓。咁特別,就算唔買返屋企,都一定要喺度影相打卡!

@SeasideCircuit.TokonameFacebookPage

永旺夢樂城常滑唔單只係一個購物商場,仲有好多野玩㗎!永旺夢樂城常滑室外有一個大型主題遊樂場、戶外高空遊樂區、帳篷區租用區,小火車等,仲有個海濱賽車場,可以體驗卡丁車賽車,即使你唔識揸車,都可以享受飄移同賽車嘅刺激感!

 

永旺夢樂城常滑
地址:愛知縣常滑市りんくう町2丁目20番3 (顯示地圖)
營業時間:
永旺夢樂城專賣店  10:00 – 21:00
餐飲街 10:00 – 22:00
AEON STYLE常滑超市 08:00 – 22:00
官網:http://tokoname-aeonmall.com/

 

Hotels.com大使酒店推介

名古屋 JR 塔門酒店 

去旅行最怕住嘅地方交通唔方便,一來一回都浪費咗好多時間。Hotels.com大使都好明白大家嘅感受,所以今次就為大家推介位於JR名古屋站上蓋嘅酒店-名古屋 JR 塔門酒店!呢間酒店今年四月先開幕,所以設施好新淨㗎!酒店樓下除咗係JR名古屋站,仲係一棟商廈,入面唔單只有好多野行,仲有一條美食街,唔怕搵唔到好野食啦!

 

➡名古屋 JR 塔門酒店 ⬅
地址:1-1-3 Meieki, Nakamura-ku, 名古屋, 450-6660, 日本  HK$876起

 

Hotels.com 酒店優惠

睇到呢度,係咪想即刻book機票去名古屋呢?點樣先可以用至抵價錢book酒店?上Hotels.com 攞我哋最新嘅優惠代碼啦!只需要click入去呢個網站 https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!