定期送上世界各地最新、最地道嘅旅遊資訊!

【東京滑雪自由行】東京近郊自駕必去!日本親子滑雪酒店推薦!

提到日本嘅冬天,除咗去shopping,有無心思思想去東京滑雪自由行,過一個浪漫嘅白色冬天呢?跟實Hotels.com去東京近郊自駕遊,搵啱你嘅親子滑雪場地同家人一齊過一個開心嘅日本假期啦!

 

📖延伸閱讀:【秋田溫泉篇】日本東北地區—乳頭溫泉鄉懶人包2018 (連日本溫泉禮儀Tips)

 

東京滑雪自由行|東京近郊自駕親子滑雪場推薦 | 苗場王子大酒店

@princehotels.com

苗場王子大酒店係一間可以自由滑雪進出嘅酒店,房價比較經濟實惠,係五間推薦酒店入面最抵嘅,而且酒店鄰近那霸山滑雪度假村,仲有滑雪設備租借服務,配套十足!

苗場王子大酒店地理位置近東京,係幾個日本滑雪場當中交通比較方便嘅地點,所以好受滑雪遊客歡迎。而且一出酒店門口就係滑雪場,可以瘋狂ski in ski out,慳返唔少時間,有住客教路記得要住四號館,因為對住個靚靚滑雪場景,CP值最高!另外,酒店有雪具租借,設備仲好齊全,包你兩手fing fing入住就可以滑雪。

酒店一出就到嘅苗場王子滑雪場(Naeba Prince Snow Resorts)係全日本滑雪場中人氣排名第2,雪場狀況極佳,由東京搭新幹線只需兩個半鐘就到!苗場滑雪場仲好啱一家大細親子滑雪,事關嗰度有好多小朋友嘅遊樂設施,包括室內兒童遊樂場(免費)、親子玩雪廣場(收費)、兒童滑雪平行車等等,小學生以下嘅兒童有更多優惠:纜車、滑雪道具免費租借。

@princehotels.com

至於一般滑雪遊客,都有好多雪上玩樂設施,譬如大水泡、雪地電單車、雪地拉水泡⋯⋯玩足幾日幾夜都唔夠喉!去到夜晚,酒店前面嘅滑雪道仲會進行點燈,照住夜晚滑雪玩家嘅滑雪道,靚到爆燈,完全滿足到鐘意去日本滑雪嘅你!

 

苗場王子大酒店
地址:Mikuni, Yuzawa-machi, Minamiuonuma-gun, 湯沢, Niigata-ken, 949-6292 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格  

 

📖延伸閱讀:【玻利維亞天空之鏡 – 亞洲版】走進不一樣的日本秘境—三大必去日本天空之鏡!

 

東京滑雪自由行|東京近郊自駕親子滑雪場推薦 | 威斯汀留壽都渡假村

位置北海道虻田嘅威斯汀留壽都渡假村係一個可以自由滑雪進出嘅四星級度假村,榮獲2017年日本最佳滑雪酒店,被稱為全日本最豪華嘅ski in  ski out滑雪度假村,認真巴閉!威斯汀留壽都渡假村每間房都係兩層設計,足足有76平方米,有一個闊落嘅客廳同對住山景嘅睡房,啱哂一家大細一齊係日本滑雪歎世界。

威斯汀滑雪酒店出入滑雪場都係非常方便,仲有滑雪設備租借。附近嘅留壽都度假村(Rusutsu Resort)係北海道最大型嘅滑雪場,滑雪道距離總長42公里,絕對係一個由親子到滑雪高手都非常適合嘅滑雪場,亦有新手專屬滑雪區同滑雪學校專用區,就算係你新手都可以輕鬆學滑雪。另外仲有蠟筆小新兒童樂園設施、蠟筆小新兒童滑雪訓練班等等,好適合小朋友玩樂。

@snow-rafting-rgb.jpg.1340x450_0_290_6978.jpg

 留壽都度假村優質嘅粉雪雪質,加上各種雪地遊樂設施,例如雪上電扶梯、雪上輪胎、雪橇、雪上腳踏車等等,咁多野玩,絕對係你係日本滑雪最好玩、最豪華嘅體驗。

 

威斯汀留壽都渡假村
地址:北海道虻田郡留壽都村字泉川133 (顯示地圖)
星級 | ★★★★☆  
位置 | ★★★☆☆  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【日本秘境溫泉絕密公開】四國溫泉+懷石料理推介,一泊兩食套餐大比併

 

東京滑雪自由行|東京近郊自駕親子滑雪場推薦 | 白馬溫泉旅館白馬溫泉旅館係一間由當地家族打理嘅傳統日式旅館,全間旅館只有17間客房,雖然規模較細,但就保留古老日式風格,由房間設計、寢具、溫泉、共用浴室到膳食、日式服裝都充滿濃厚嘅日本風情,包你可以身心放鬆咁體驗和式傳統嘅樸實同簡約。

白馬溫泉旅館, Hakuba, 山景

幾乎所有入住過嘅住客都一致讚揚白馬溫泉旅館嘅服務同食物質素,房間價格已經包含咗早餐費用,提供簡單西式食品同傳統日本食物。如果想book埋晚餐都可以,只需大約HKD400,就可以享受一個傳統美味嘅日式料理。另外,由於旅館係家族經營,主人家極之友善親切,除咗提供酒店往返火車站嘅接送服務,仲會主動提供唔少當地旅遊嘅資訊同優惠,服務一流!

白馬溫泉旅館只提供一款客房,房間又大又傳統,提供四張單人日式床墊,仲可以觀賞山脈景色,適合家庭或者情侶浪漫入住。唯一要注意嘅係房間無沐浴設備,住客要去共用浴室沖涼,可能無咁方便,而且大眾湯池(溫泉)地方都比較細。

白馬溫泉旅館都係非常臨近滑雪場,步行5-10分鐘就會到達白馬八方尾根滑雪場(Hakuba Happo-one)。白馬八方尾根滑雪場係2017年日本滑雪場人氣排名第三位,唔單止交通便利,入面嘅「咲花滑道」 平均坡度只係10度,非常適合日本滑雪初學者,亦有俾細路仔玩嘅兒童廣場同玩雪樂園,包保唔會悶親小朋友。

 

白馬溫泉旅館
地址:5004 Happou, Hakuba-mura, Kitaazumi-gun, 白馬, Nagano-ken, 399-9301 (顯示地圖)
星級 | ★★★★☆  
位置 | ★★☆☆☆  
設施 | ★★☆☆☆  
環境 | ★★★★★  
價格 | 查看價格  

 

📖延伸閱讀:【京都嵐山一日遊】必去京都景點、必去嵐山景點攻略!(嵐山竹林、嵐山小火車)

 

東京滑雪自由行|東京近郊自駕親子滑雪場推薦 | 奈良屋日式溫泉旅館

奈良屋日式溫泉旅館位於草津,係一間四星級嘅典型溫泉日式旅館,佢喺1877年就建成,擁有140年歷史,充滿古老嘅日本風味。奈良屋日式溫泉旅館客房面積至少有35 平方米,設計獨特,提供榻榻米日式床墊、草織地板、座墊同日式矮枱,好有日式格調,更重要嘅係,奈良屋提供覆蓋全間旅館嘅免費wi-fi,啱哂都隨時隨地post相嘅你!不過奈良屋唔招待17歲或以下小童,想一家大細去日本草津滑雪就要留意返喇。
雖然奈良屋房價偏高,但係佢係一泊二食,包埋早餐同晚餐,供應和式早餐、和食、懷石料理等多款日本當地美食,計返都好抵住!而且旅館出入好方便,附近就有7-11便利店同其他食肆,好熱鬧。奈良屋日式溫泉旅館仲有三個室內溫泉,住客可以預先預約租用,係滑雪之後歎返個暖笠笠嘅溫泉。另外,草津非常出名嘅湯屋「湯畑」同「草津溫泉」只1-2分鐘步行距離,超級方便!
草津溫泉除咗係日本第一名湯,亦係日本最古老嘅滑雪場之一,更有超過100年歷史。草津國際滑雪場(Kusatsu Snow & Spa Resorts)位於海拔高度2100米,山頂粉雪吸引唔少日本滑雪愛好者,而且草津國際滑雪場滑道長達8公里,滑雪高手一定覺得好過癮!

 

奈良屋日式溫泉旅館
地址:Kusatsu 396, 草津, Gunma, 377-1711 (顯示地圖)
星級 | ★★★★☆  
位置 | ★☆☆☆☆  
設施 | ★★☆☆☆  
環境 | ★★★★★  
價格 | 查看價格

 

📖延伸閱讀:【日本拉麵篇】十大日本米芝蓮拉麵推介2018!

 

東京滑雪自由行|東京近郊自駕親子滑雪場推薦 | 輕井澤東王子酒店

輕井澤東王子酒店, Karuizawa
輕井澤東王子酒店係可以自由滑雪進出嘅度假村,臨近JR駅、輕井澤王子購物廣場、OUTLET同其他食店,地理位置極好,酒店有接駁車 (6am-10pm) 接送去接待處同附近嘅購物中心,班次都好頻密。而酒店旁邊就係滑雪場,仲有直達滑雪場嘅雪道,所以好受日本滑雪人士歡迎!
輕井澤東王子酒店最有特色嘅就係獨立小木屋房間設計,一棟棟小木屋好有原始感覺,住係嗰度肯定會別具風味。酒店每間房有54.1平方米,有4張單人床,地方夠哂大。而小木屋附設露台,周圍環境又靚又寧靜,設施都算齊全同乾淨,係一個好relax嘅滑雪住宿體驗。
輕井澤東王子酒店, Karuizawa, 滑雪運動
除咗一行出小木屋就有迷人嘅雪景,酒店仲極近輕井澤滑雪場,而且喺日本滑雪場排名都好高㗎:以親子小朋友設施黎講,輕井澤排名第三,同時係最電車便利嘅日本滑雪場第2位,由東京搭新幹線只需70分鐘!另外,因為輕井澤滑雪場有人工造雪機,所以滑雪期間比日本其他滑雪場長。而且滑雪場晴天嘅機率平均高達90%,唔使擔心去到天氣唔好會破壞心情。

 

輕井澤東王子酒店
地址:Karuizawa-machi,Kitasaku-gun, 輕井澤, Nagano-ken, 389-0193, 日本 (顯示地圖)
星級 | ★★★★☆  
位置 | ★☆☆☆☆  
設施 | ★★☆☆☆  
環境 | ★★★★★  
價格 | 查看價格  

 

📖延伸閱讀:【慢遊京都】京都和服浴衣租借店指南:夢館、夢京都、岡本、染匠

 

東京滑雪自由行|東京近郊自駕住宿推薦 | 高半旅館 – 湯沢

高半旅館位處歷史文化區,係正GALA湯澤滑雪場隔離,想去湯澤滑雪嘅朋友就可以留意吓啦。高半旅館係一家歷史悠久嘅酒店,比視為越後湯沢嘅地標。佢哋嘅祖先係九百多年前發現泉資極佳嘅溫泉,就係呢到一代一代咁流傳間酒店。但最大佢咁出名嘅原因係川端康 – 日本首位諾貝爾文學獎嘅得獎作家,曾經係呢到投宿四年作文,因為呢到風景太靚比到佢好多𤫊感。如果想體驗一下著作《雪國》所寫嘅美景就唔好錯過啦!

除此之外,湯澤呢到係一個著名嘅溫泉鄉,滑完雪浸翻個溫泉,爽呀!由高半旅館行五分鐘就到GALA湯澤滑雪場。GALA湯澤滑雪場距離東京好近,有同車站一體化,係東京本地人嘅滑雪勝地。而且滑雪場設施好好,有齊行李寄存同餐廳。呢到嘅雪道好多樣,初學者同高手都好啱㗎。

 

高半旅館 – 湯沢
地址:949-6101 新瀉縣, 湯澤町, Yuzawa 923 , 日本 (顯示地圖)
星級 | ★★★★☆  
位置 | ★★☆☆☆  
設施 | ★★★★☆  
環境 | ★★★★★  
價格 | 查看價格  

 

📖延伸閱讀:【去富士山行山】入門級!富士山2日1夜登山路線、裝備、火山警戒需知!

 

東京滑雪自由行|東京近郊自駕住宿推薦 | 紅狐狸鄉村酒店

想去富士山又想去滑雪?去渡假村就啱啦!位於Yeti附近嘅紅狐狸鄉村酒店絕對係不二之選!因爲Yeti附近係冇得咩酒店嘅,而紅狐狸鄉村酒店撘車去Yeti Snow Town 都係13分鐘。

唔好以為紅狐狸鄉村酒店設施會差呀,佢係一家三星級嘅酒店,好似童話小屋咁。


@yeti-resort.com

Yeti滑雪場位於富士山二合目,滑雪嘅時候抬頭就可以睇到富士山山頂!Yeti滑雪場亦係全日本最早可以滑雪嘅滑雪場,通常10月尾就可以開放。


@yeti-resort.com

度假村分咗四個滑雪場,A滑雪場係Yeti嘅主滑雪道,高低落差唔係好大,啱哂第一次滑雪嘅朋友仔。而B滑雪道嘅中段以下高低落差較大,仲可以望到富士山,適合中級滑雪朋友。C滑雪場難度較高,高手就最啱哂啦!

 

紅狐狸鄉村酒店
地址:2255-3252, Suyama, 裾野, Shizuoka, 410-1231 (顯示地圖)
星級 | ★★★★☆  
位置 | ★☆☆☆☆  
設施 | ★★☆☆☆  
環境 | ★★★★★  
價格 | 查看價格  

 

 

📖延伸閱讀:【東京冷門景點】耍廢!Hea玩五大東京近郊景點 (高円寺、奈良井宿、橫濱紅磚倉庫)
📖延伸閱讀:【快閃旅行】必去東京新景點—東京MIDTOWN日比谷 (連東京4日3夜行程推薦)
📖延伸閱讀:【Hotels.com大使推介】日本東京親子遊行程懶人包(附親子景點、酒店推薦)
📖延伸閱讀:【東京近郊】東京outlet交通遊玩攻略及折扣券領取貼士!
📖延伸閱讀:【東京攻略】東京清澄白河景點大全、文青小店cafe及半藏門線附近住宿推薦!

 

Hotels.com 酒店優惠