定期送上世界各地最新、最地道嘅旅遊資訊!

【Hotels.com大使推介】快閃日本京都一日遊行程懶人包!

 

大部分人去大阪旅行都會加插京都一日遊嘅行程,好多人可能只係知道清水寺、花見小路、嵐山等等比較出名嘅京都景點,今次就等Hotels.com大使帶大家遊覽其他比較少香港人去嘅京都景點啦!

 

京都一日遊行程:蓮華寺

@Flickr

蓮華寺位於京都市內一間寺院入面,1467年曾經一度荒廢,1662年先重新修復。其實蓮華寺係京都嘅賞楓名所,寺院門口對住一個池塘,每當秋天來臨,池塘四周嘅樹葉開始脫落、變色,由寺院望出去係一片泛黃染紅嘅景象,畫面非常唯美!成地都係紅色嘅楓葉,如果著住和服去影相,真係有種時光倒流嘅錯覺!

 

京都一日遊|蓮華寺

地址:京都府京都市左京區上高野八幡町1  (顯示地圖)
交通:「上橋」車站落車步行1分鐘
收費:400日元
開放時間:09:00 – 17:00

 

京都一日遊行程:天富良天周

@Flickr

天富良天周喺京都八阪神社附近,係一間專賣天丼嘅餐廳。天丼即係蓋飯,喺香噴噴嘅白飯上面堆滿份量滿滿嘅配料,食完成個人會覺得非常滿足!天富良天周嘅天丼有大大隻天婦羅炸蝦、星鰻等等,配埋天丼醬汁一齊食,非常惹味,好快就可以清哂一碗飯!記得下午時間去食,因為夜晚食價錢會貴好多!呢度嘅蝦好大隻,咬落去啖啖都係肉,絕對唔會「好厚粉」!

 

京都一日遊|天富良天周

地址:京都府京都市東山區祇園町北側-244 (顯示地圖)
交通:祗園四條站步行5分鐘
營業時間:11:00 – 14:00/ 17:30 – 21:00

 

🏨Top10京都祇園四條站人氣酒店住宿推介HK$333起 *安心價格保證*
[阿塔默自然渡假村HK$344起,薩依清水寺五條酒店HK$505起,京都三條格拉斯麗酒店HK$700起]

 

京都一日遊:Pass the Baton Kyoto Gion

@wonderful-walll.com

Pass the Baton Kyoto Gion係一間日式古老大宅,但其實內有乾坤,入面係二手選物店!其實鋪頭係由屋齡超過一百年嘅傳統町家改建而成,外表睇落古色古香,就咁影張相都好有復古味道!好多時我哋會將用舊咗或者唔再需要嘅野棄置,但其實每一樣物件都有佢嘅存在價值。呢度每一件貨品都係店主精挑細選揀返嚟,物件代表緊嘅唔單止係表面睇到金錢上嘅價值,背後嘅故事先係真正有價值嘅地方。在場每樣貨品都附有一張物主嘅照片、個人資料同埋簡單嘅故事簡介,買走貨物、帶走故事嘅同時,亦可以將故事繼續延續落去,別有意義。Pass the Baton Kyoto Gion一樓劃分咗部分位置作為Cafe,呢度可以食到由富士山天然水做成嘅刨冰,夏天食簡直透心涼啊!

 

京都一日遊|Pass the Baton Kyoto Gion

地址:京都府京都市東山區末吉町77-6顯示地圖
交通:祇園四條火車站下車步行10分鐘
營業時間:星期一至六 11:00 – 20:00,星期日 11:00 – 19:00

 

京都一日遊:寺町通商店街

@Flickr

去到京都又點可以唔去Shopping呢!寺町通商店街算得上係京都主要購物區之一,呢條商店街以復古混合流行元素,除咗有流行服飾買之餘,仲有復古飾物店,相比起大品牌林立嘅商店街,呢度可能比到新鮮感你!另外,隔離就係新京極通商店街,各大日本年青人追捧嘅品牌都集中喺度,可以一次過行埋!有「京都嘅胃」之稱嘅錦市場美食街亦喺寺町通商店街附近,行幾分鐘就到,鍾意食嘅朋友唔好錯過喇!

 

京都一日遊|寺町通商店街

地址:京都市京都市中京區東大文字町顯示地圖
交通:京阪祇園四条站步行5分鐘

 

京都一日遊:先斗町美食街

@Flickr

先斗町美食街係一條只有幾百米長嘅巷仔,但唔好睇小呢度,呢度可以話係臥虎藏龍,單單一條巷仔就雲集咗多間美食餐廳,上至居酒屋、燒肉店,下至壽司、拉麵、串燒等等,你數得出嘅美食呢度都有!呢度每晚都好熱鬧,唔單止聚集好多嚟覓食嘅遊客,好多上班族放工都鍾意喺度流連㗎!

 

京都一日遊|先斗町美食街

地址:京都府京都市中京區先斗町171-4顯示地圖
交通:京都地鐵阪急京都線「河原町站」步行10分鐘

 

京都住宿推薦—京都麗嘉皇家酒店

@酒店官網

唔想行程咁趕,可以考慮喺京都住返一晚先返大阪。呢間酒店就係CP值超高之選,酒店達4星級,但一晚都只係846蚊起!酒店交通方便,由京都駅行去都只係8分鐘;多個出名嘅京都景點就喺酒店附近,例如京都水族館、京都塔等等,唔洗搭車行去就可以,識住一定住呢度!

 

➡京都麗嘉皇家酒店⬅
地址:1 Taimatsu-cho, Shiokoji-sagaru, HigashiHorikawa-dori, Shimogyo-ku, 京都, Kyoto-fu, 600-8237, 日本 HK$846

 

Hotels.com 酒店優惠

睇到呢度,喺咪想即刻book酒店嚟返個京都一日遊呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!