定期送上世界各地最新、最地道嘅旅遊資訊!

【東京櫻花景點】東京夜櫻邊度睇?千鳥之淵、目黑川櫻花大比併 (連必買櫻花手信推薦)

又到賞櫻嘅季節啦,小編已經為你準備好日本櫻花2019嘅最新東京賞櫻攻略。上野恩賜公園櫻花新宿御苑櫻花將會係新一年最hit嘅東京賞櫻景點!即刻上Blogshotels.com睇埋東京賞櫻必住酒店啦!

 

日本櫻花2019|全國賞櫻必備時間表

全國賞櫻必備時間表
@sakura.japanican.com

 

 

日本櫻花2019|東京賞櫻景點|上野恩賜公園 (Ueno Onshi Park)

@Flickr

上野恩賜公園係東京數一數二受歡迎嘅賞櫻景點,公園種植咗1200株櫻花樹,品種包括被稱為「東京櫻花」嘅染井吉野櫻同山櫻,淡白嘅染井吉野櫻配上少女粉紅山櫻花,開滿係成條櫻花林蔭道,除咗吸引好多遊客,仲係東京當地人嘅賞櫻勝地。
上野恩賜公園櫻花祭大概會係每年3月下旬至4月上旬舉行,櫻花祭期間會有好多活動同美食小吃攤位,有唔少人會係櫻花樹下野餐,一齊感受日本慶典嘅氣氛。除了櫻花林蔭道,你仲可以係上野恩賜公園嘅「不忍池」入面一路踩天鵝船一路賞櫻,享受二人世界,非常浪漫。

 

到咗夜晚當然仲有更大驚喜,事關櫻花林蔭道會懸掛多達一千個燭燈,燃點公園熾熱嘅氣氛。而上野恩賜公園附近仲有上野動物園等地方可以行逛,睇完櫻花仲可以睇埋動物,一舉兩得。

 

上野恩賜公園 (Ueno Onshi Park)
地址:台東區上野公園,池之端三丁目 (顯示地圖)
交通:
搭乘電車於JR山手線、地鐵銀座線、日比谷線「上野」站下車後步行2分鐘;或
於大江戶線「上野御徒町」站下車後步行5分鐘;或
於京成線「京成上野」站下車後步行1分鐘,即可到達

日本櫻花2019|東京賞櫻景點|新宿御苑 (Shinjuku Gyoen National Garden)

@Flickr

新宿御苑種植咗1,300株櫻花,佔地超過58萬平方米,係江戶時代已經建成,之後仲成為皇室庭園,一水一木都充滿日本歷史風情,單係櫻花品種已經有多達65種,可以想像到櫻花滿開期嘅時候係幾咁壯觀!

 

@Flickr

由於新宿御苑櫻花品種多樣,自然成為東京市內櫻花花期最長嘅賞櫻景點,一般去到四月中下旬都仲睇到櫻花,係東京賞櫻嘅好去處。加上小橋流水、西洋庭園、大草地等靚景,地方空礦又唔使同咁多遊客逼,影相影足一日都得啊!

 

新宿御苑 (Shinjuku Gyoen National Garden)
地址:新宿區內藤町11 (顯示地圖)
交通:
乘搭東京Metro地鐵丸之內線到「新宿御苑」站,1號出口步行約5分鐘;或
乘搭JR總武線到「千馱谷」站,步行約5分鐘;或
乘搭新宿WE巴士於「新宿御苑」巴士站下車,即可到達
開放時間:9:00 – 16:00 (16:30閉園)
休息日:逢星期一(若遇國定假日則下一個工作日休息);年末年初(12月29日至1月3日)
費用:成人200日圓;中小學生50日圓;幼兒免費
網址:http://www.env.go.jp/garden/shinjukugyoen/english/index.html

 

 

日本櫻花2019|東京賞櫻景點|隅田公園 (Sumida Park)

隅田公園 (Sumida Park)
@horiuchitakaaki 

隅田公園位於隅田川河畔,介乎吾妻橋同櫻橋之間,同樣種植咗超過一千株淡白泛紅嘅染井吉野櫻,非常迷人。沿住隅田川提岸漫步,觀賞兩岸漫天櫻花,真係好chill啊!你仲可以選擇乘搭隅田川水上巴士,坐低慢慢欣賞櫻花。

 

隅田公園 (Sumida Park)_2
@ ka_na2500

而大名鼎鼎嘅淺草寺就係附近,唔少遊客都會著住和服去淺草寺同隅田公園賞櫻,體驗日文傳統特色。另外,櫻花季期間仲會舉行煙火大會等大型活動,感受當地文化一流。除咗鄰近淺草寺,隅田公園都可以望到東京另一個出名地標 – 晴空塔。睇完櫻花再行去晴空塔shopping食飯,極之方便!

 

隅田公園 (Sumida Park)
地址:台東區今戶1-1、淺草7-1、花川戶1-1、花川戶2-1 (顯示地圖)
交通:
乘搭電車從銀座線、都營淺草線、東武伊勢崎線到「淺草」站步行約5分鐘;或
乘搭都營巴士「東42甲」或「東42乙」到「花川戶」站下車,即可到達

 

日本櫻花2019|東京賞櫻住宿推薦|格拉菲尼澤酒店 (Hotel Graphy Nezu)

格拉菲尼澤酒店 (Hotel Graphy Nezu)
Hotel Graphy外觀唔似得傳統酒店一樣金碧輝煌,但佢用咗淡色嘅文青風格,讓入住嘅旅客彷彿置身喺民宿當中。酒店頂樓有空曠露台,讓你隨時可以呼吸新鮮空氣。

格拉菲尼澤酒店 (Hotel Graphy Nezu)_2
部份嘅客房選擇需共用浴室,當然亦有私人浴室嘅客房俾你揀啦。酒店提供自助洗衣設施,另外酒店提供單車租借服務,可以踩去距離10分鐘嘅上野動物園同上野恩賜公園。

 

格拉菲尼澤酒店 (Hotel Graphy Nezu)
地址:4-5-10, Ikenohata, Taito-ku, Ueno, Tokyo, Japan, 110-0008(顯示地圖
星級 | ★★★☆☆
位置 | ★★★★☆
設施 | ★★★☆☆
環境 | ★★★★☆
價格 | 查看價格

 

日本櫻花2019|東京賞櫻住宿推薦|東京四谷翼國際酒店 (Hotel Wing International Premium Tokyo Yotsuya)

東京四谷翼國際酒店 (Hotel Wing International Premium Tokyo Yotsuya)
Hotel Wing 外型好易認,一個杏色嘅外牆有好多個四四方方嘅𥦬,大廈最高有個尖頂。步行3分鐘就到四谷三丁目站,非常方便。 酒店前台有識講中文嘅職員,如果要問路亦唔怕雞同鴨講。

東京四谷翼國際酒店 (Hotel Wing International Premium Tokyo Yotsuya)_2
酒店有部份客房剛剛完成翻新工程,客房色調更柔和。若然你係一家大細入住,三人房可容納最多三大兩小。

 

東京四谷翼國際酒店 (Hotel Wing International Premium Tokyo Yotsuya)
地址:3-14-1 Yotsuya, Shinjuku, Tokyo, Japan, 160-0004(顯示地圖
星級 | ★★★★☆
位置 | ★★★☆☆
設施 | ★★★★☆
環境 | ★★★★☆
價格 | 查看價格

 

日本櫻花2019|東京賞櫻住宿推薦|淺草忍者旅館 (Asakusa Shinobi House)

淺草忍者旅館 (Asakusa Shinobi House)

愈靠近隅田公園就愈少酒店選擇,相反較多民宿或旅館揀。淺草忍者旅館共有兩間公寓,而每間公寓圴有洗衣乾衣設施,深浸浴缸,備煮食用品嘅小廚房。

淺草忍者旅館 (Asakusa Shinobi House)_2
淺草忍者旅館讓你可以感受傳統榻榻米嘅住屋,休息時先將被鋪攞出嚟,平時就可以用盡房內嘅空間。

 

淺草忍者旅館 (Asakusa Shinobi House)
地址:2-14-3, Hanakawado, Asakusa, Tokyo, Japan, 111 0033(顯示地圖
星級 | ★★★☆☆
位置 | ★★☆☆☆
設施 | ★★★☆☆
環境 | ★★★☆☆
價格 | 查看價格

 

日本櫻花2019|東京賞櫻住宿推薦|京成站前 APA 酒店 (APA Hotel Keisei Ueno-Ekimae)

京成站前 APA 酒店, Tokyo, 外觀

APA 酒店係一間三星連鎖酒店,單係東京已經有超過10間分店,而京成站前呢間環境地點極好,佢位於「京成上野」站對面,鄰近上野公園,無論搭地鐵、去機場、抑或行去上野公園睇櫻花都非常方便!

京成站前 APA 酒店, Tokyo, 客房

房間方面,雖然客房面積無另外兩間酒店咁大,屬於典型東京酒店房嘅size,不過不失。好在雙人床同浴缸夠大,而且窗可以自行打開同睇景,都好舒服,整體黎講係一個唔錯嘅選擇!

 

京成站前 APA 酒店 (APA Hotel Keisei Ueno-Ekimae)
地址:2 Chrome-14-26, Ueno, Taito-ku, 東京, Tokyo-to, 110-0005, 日本 (顯示地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★★☆
價格 | 查看價格

 

東京賞櫻住宿推薦|東京新宿馨樂庭酒店  (Citadines Shinjuku Tokyo)

東京新宿馨樂庭酒店, Tokyo, 大堂閒坐區

新宿馨樂庭酒店係東京新宿一間三星半嘅市郊公寓,鄰近明治神宮。先講交通方面,由「新宿御苑前」站步行到酒店大概需要6分鐘;「新宿」站就10分鐘步行,而距離JR 線「新宿」站就遠少少,需要步行約15分鐘,尚可接受。另外,酒店距離新宿御苑大概只需10分鐘步程,賞櫻嚟講都好方便。

東京新宿馨樂庭酒店, Tokyo

新宿馨樂庭酒店客房面積比一般東京酒店大,寬敞舒適,甚至有廳堂同迷你廚房,而酒店對面馬路就有超市,啱哂自己買野食物煮飯仔。

東京新宿馨樂庭酒店, Tokyo, 行政開放式客房 (Twin), 客房內廚房

由於酒店唔係位於旅遊購物區,所以附近環境清靜,不過唔洗擔心,由地鐵站沿路都有好多便利店同餐廳,包保唔會餓親肚仔!

 

東京新宿馨樂庭酒店 (Citadines Shinjuku Tokyo)
地址:1-28-13 Shinjuku, Shinjuku-ku, 東京, Tokyo-to, 160-0022, 日本 (顯示地圖
星級 | ★★★★☆
位置 | ★★★★☆
設施 | ★★★★☆
環境 | ★★★★★
價格 | 查看價格

 

東京賞櫻住宿推薦|東京押上普瑞米爾里士滿酒店 (Richmond Hotel Premier Tokyo Oshiage)

東京押上普瑞米爾里士滿酒店, Tokyo, 酒店入口

東京押上普瑞米爾里士滿酒店同樣係一間三星半酒店,房間寬闊,有啲房間望出去仲會睇到東京夜景。更重要係酒店地理位置非常之好,地鐵「押上站」B3出口一上就到,而且距離東京晴空塔只有一條馬路,啱哂要係SKY TREE大型購物中心瘋狂shopping嘅你。

東京押上普瑞米爾里士滿酒店, Tokyo

除此之外,酒店樓下仲有間由朝早9點開到半夜12點嘅超級市場同便利店,車站亦都可以直達成田機場,要快閃東京賞櫻就最適合不過。而由酒店步行到隅田公園需要15分鐘,可以沿住隅田川河畔行去公園同淺草寺,非常寫意。

東京押上普瑞米爾里士滿酒店, Tokyo, 尊貴雙人房, 非吸煙房 (Direct train from NRT, HND airport), 客房

東京押上普瑞米爾里士滿酒店 (Richmond Hotel Premier Tokyo Oshiage)
地址:1-10-3 Oshiage, Sumida, 東京, 131-0045, 日本 (顯示地圖
星級 | ★★★★★
位置 | ★★★★☆
設施 | ★★★☆☆
環境 | ★★★★★
價格 | 查看價格

 

📖延伸閱讀:【東京近郊好去處】鎌倉一日遊行程交通攻略!連必去鎌倉景點精選!
📖延伸閱讀:【東京近郊】東京outlet交通遊玩攻略及折扣券領取貼士!
📖延伸閱讀:【去富士山行山】入門級!富士山2日1夜登山路線、裝備、火山警戒需知!
📖延伸閱讀:【東京文青快閃旅行地點】想搵東京Cafe、咖啡店?即睇東京Blue Bottle Coffee潮聖攻略地圖!

 

Hotels.com酒店優惠Hotels.com酒店優惠