定期送上世界各地最新、最地道嘅旅遊資訊!

【慢遊京都秘境】京都租和服浴衣指南大全:夢館、夢京都、岡本、染匠

去到京都緊係要着和服、浴衣,體驗一下日本文化!今次小編就幫你整合咗京都租和服指南,等你去京都秘境影相吸Like!即刻上Blogshotels.com睇啦!

 

📖延伸閱讀:【京都必食】日本京都 Top 5 人氣抹茶店-一保堂、中村藤吉!

 

慢遊京都秘境|京都租和服浴衣指南大全|夢館

小編之前去京都都係喺夢館到租浴衣,因為佢地有識中文嘅職員,咁就唔怕雞同鴨講啦!除咗中文,仲有英文、韓文、法文等等多國語言,一定唔怕聽唔明!另外,夢館嘅浴衣同和服都有好多唔同嘅花色,無論係古典風、可愛風、幾何圖案等等,實有一件啱你style!

 

@夢館Facebook

仲有,除咗女仔有好多唔同款式揀,夢館仲有提供好多唔同嘅男裝款式同小朋友款式,一家人齊齊著住和服、浴衣慢遊京都都得呀!依加上網預約仲有優惠𠻹 ,大家唔好錯過啦!

 

夢館
地址:京都市下京區萬壽寺町128
交通:京阪清水五條駅3號出口/五條駅1號出口,步行約3分鐘
價錢(未連稅):
和服、浴衣(兒童,成人)     原價¥ 5,000 ,網上預約價¥3,500
男女雙人和服、浴衣                  原價¥10,000,網上預約價¥6,500
髮型                                                ¥1,500 (髮飾、化妝另計)
營業時間:10:00-19:30
網站:https://www . tw-kyoto.yumeyakata.com/

 

慢遊京都秘境|京都租和服浴衣指南大全|夢京都

夢京都位於八坂神社隔離,方便你一換完和服就可以即刻去神社參觀同影相!夢京都嘅網站上面有中文預訂系統,店內亦都有識中文嘅職員,唔識日文都絕對冇問題!如果想由頭執到落腳,你亦都可以加¥1,500 set頭,雖然其他租借店都可以加錢set頭,但係夢京都可以任選唔同髮型、仲包埋髮飾,係其他店冇嘅額外選擇!另外你亦可以可以加¥1,500選擇著住件和服或者浴衣直接返酒店,而你寄放咗喺佢哋舖頭嘅衫褲鞋襪同個人物品會喺當日夜晚八點送到去你嘅酒店,身上著住嘅和服或者浴衣喺第二日上晝10點前交俾酒店前臺嘅職員就ok㗎啦,勁方便!

 

夢京都祗園店
地址:京都市東山區祇園町北側300 ACROSS八坂ビル4F
交通:京阪祇園四條站下車步行約5分鐘
價錢(未連稅):
和服、浴衣(男)¥ 5,000
男女雙人和服         ¥9,000
浴衣(女)             ¥ 4,000/¥ 5,000/¥ 8,000
和服(女)             ¥ 3,000/¥ 4,000/¥ 5,000
髮型                           ¥1,500 (包髮飾)
營業時間:09:00-20:00
網站:http://yumekyoto-kimono. com.tw/

📖延伸閱讀:【Hotels.com大使推介】快閃日本京都一日遊行程懶人包!

 

慢遊京都秘境|京都租和服浴衣指南大全|岡本

岡本有五間分店,而且位置全部都好近啲景點,其中有三間位於清水寺隔離,步行一分鐘就到達清水寺,超方便!岡本嘅分店最多,所以比較容易預約到你想要嘅時間,唔驚行程就唔到啦!

 

岡本
地址:京都市東山區五條橋東六丁目546-8
交通:京都駅巴士206號,於五條坂下車,步行約10分鐘。
價錢(未連稅):
和服、浴衣(男)       ¥4,000
和服、浴衣(兒童)   ¥5,000
浴衣(女)                   ¥ 4,000/¥ 5,000
和服(女)                   ¥ 3,000/¥ 4,000/¥ 5,000
髮型                                 ¥500 (包髮飾、化妝另計)
營業時間:09:00-20:00
網站:http://www.okamoto-kimono.com/


慢遊京都秘境|京都租和服浴衣指南大全|染匠

染匠夾係八坂神社同清水寺中間,位處於京都東山入面,行街都好方便㗎!可以步行去清水寺、高台寺、祇園、八坂神社等等嘅景點。但係由車站行去染匠就要行15分鐘以上,如果住喺附近就會比較方便。染匠嘅和服同浴衣款式比較簡約同樸素,所以啱哂啲比較低調嘅女仔,著上身真係仙氣十足㗎!

 

染匠
地址:京都府東山區祇園街北側300
交通:阪急電車河原町駅,步行約20分鐘/京阪電車四條駅,步行約17分鐘
價錢(連稅):
和服(女/男)¥ 5,400 (包髮型,髮飾)
浴衣(女/男)¥7,560
營業時間:10:00-18:00
網站:http://www.sensho-kitamura.jp/info/chinese.html


📖延伸閱讀:【京都自由行】春日京都和服攝影,秘密景點大公開!(連京都櫻花必買手信)

 

慢遊京都秘境|酒店攻略

去到京都,緊係要留多一兩日,體驗下京都純樸嘅文化氣息啦!

 

 

慢遊京都秘境|京都酒店推薦|祇園京都酒店 (Kyoto Inn Gion)

呢間酒店好近祇園,一分鐘嘅路程就到主街道,好方便。呢度嘅工作人員全部都細心,喺夜晚舉行漫步祗園嘅活動,會帶住客行園區,一路遊園仲會講解日本藝伎嘅文化!

 

祇園京都酒店 (Kyoto Inn Gion)
地址:435, Rinkacho, Higashiyama-ku, 京都, Kyoto, 605-0062, 日本 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆
價格 | 查看價格

 

慢遊京都秘境|京都酒店推薦|京都東山莊 (Kyoto Higashiyamasou)

想體驗日本文化點可以唔住榻榻米呀?呢間酒店地理位置勁完美,可以行去清水寺、衹園餐館、巴士站同地鐵站等等。酒店雖然唔係超奢華,但就勝在乾淨同整潔,仲有免費日式早餐同溫泉可以浸𠻹!

 

京都東山莊 (Kyoto Higashiyamasou)
地址:4-159 Kiyomizu Higashiyama-Ward, 京都, Kyoto-fu, 605-0862,日本 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★☆☆
價格 | 查看價格

 

慢遊京都秘境|京都酒店推薦|京都京阪大酒店

如果想揀間交通便利嘅酒店,不妨諗吓住京都京阪大酒店。呢間酒店鄰近JR京都站,由酒店行過去都只係8分鐘嘅路程,附近仲有阪急。往返機場都可以選擇坐機場巴士,機場巴士可以喺正酒店門口落㖭呀!其實真係去邊都好方便!

除此之外,酒店附近有好多配套㖭。週圍有好多地下街,酒店樓下就有間超市同埋驚安,要買手信藥妝都好方便,而且行多10分鐘到就可以搵到大型商場同百貨公司,真係超級方便呀!

 

京都京阪大酒店
地址:4-159 Kiyomizu Higashiyama-Ward, 京都, Kyoto-fu, 605-0862,日本 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆
價格 | 查看價格

 

慢遊京都秘境|京都酒店推薦|京都甘樂酒店

如果想選擇一間有格調又有特色嘅酒店,可以揀京都甘樂酒店。京都甘樂酒店嘅喺2016年底看重新裝修過,裝修完之後,酒店擁有傳統和式風格,單係酒店房,就用上好多木系傢俱,凝造出簡約和風嘅優雅,感覺柔和舒適。而且有啲房間仲可以睇到京都塔㖭!

雖然酒店裝修風格傳統,但係酒店同時提供現代化以及個人化嘅服務!酒店有提供早餐,酒店嘅早餐除咗可以選擇日式和風早餐之外,仲可以選擇西式早餐,可以迎合返唔同國際人士嘅口味!

 

京都甘樂酒店
地址:Rokujyo sagaru, Shimogyo-ku190 Kitamachi, Karasuma-dori, 京都, 日本 (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★☆
價格 | 查看價格

 

慢遊京都秘境|京都酒店推薦|京都格蘭比亞酒店

總有人喺旅行時會選擇住比較高級少少同靚嘅酒店,住得舒服之餘,仲可以享受埋酒店入面嘅專業服務同設施!京都格蘭比亞酒店雖然未到5星級酒店,但係酒店入面嘅服務同設備都令人非常滿意!酒店房間好寛闊、舒適同乾淨。職員服務態度好之餘,仲非常細心,會主動幫忙。酒店入面仲設有健身室、游泳池同Spa,行完京都返到酒店,都唔怕悶啦!

酒店交通都好方便,酒台正正係京都站上蓋,唔洗行出街都去到車站,咁就落雨都唔怕啦!

 

京都格蘭比亞酒店
地址:Karasuma-dori, Shimogyo JR Kyoto Station, Karasuma Chuo-guchi, 京都, 日本 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆
價格 | 查看價格

 

📖延伸閱讀:【京都嵐山一日遊】必去京都景點、必去嵐山景點攻略!(嵐山竹林、嵐山小火車)
📖延伸閱讀:【日本必食】終極嚴選京都、大阪、沖繩、東京必食特集2018!
📖延伸閱讀:【日本拉麵篇】十大日本米芝蓮拉麵推介2018!
📖延伸閱讀:【日本福袋攻略】日本新年又到!必搶日本福袋推薦2019!

 

Hotels.com 酒店優惠