定期送上世界各地最新、最地道嘅旅遊資訊!

【慕尼黑景點】慕尼黑自由行程攻略-安聯球場、BMW博物館、奧林匹克運動場!

德國除咗啤酒出名,仲係全球數一數二嘅優質汽車出產國、擁有著名足球球隊嘅地方。今次Hotels.com大使就帶大家去幾個慕尼黑景點,一齊睇下慕尼黑有咩咁吸引!

 

慕尼黑必去景點|安聯球場

@Flickr

有睇開波嘅朋友都應該知道安聯球場係球隊拜仁慕尼黑1860慕尼黑嘅主場,絕對係德國足球界嘅重要地標!安聯球場一共洗咗3.4億歐元建造,亦喺2005年4月正式啟用。球場可容納71,137人,入面有三間日間托兒所,一間拜仁慕尼黑精品店同一間總面積達6,500平方米嘅餐廳,球場隔離仲有一個全歐洲最大嘅停車場,可容納10,500架汽車。Hotels.com大使由安聯球場嘅停車場行到去球場入口都要成15分鐘,可想而知安聯球場係有幾咁大!


@Flickr

安聯球場嘅外形就好似一架救生艇,表面由好多個半透明嘅橢圓形外殼組成,內面內置發光系統,可以因應唔同需要去改變外牆嘅顏色,好似拜仁慕尼黑隊主場嘅時候就改做紅色,1860慕尼黑主場就改做藍色,德國國家隊主場就改做白色等等,可以話係變化萬千呀!安聯球場觀眾席嘅坡度好大,所有觀眾都可以以俯視角度欣賞球賽,大大提高咗球賽嘅氣氛!安聯球場仲有推出唔同種類嘅tour俾遊客參加,有興趣嘅朋友可以上官網睇下。雖然Hotels.com大使唔係足球迷,但係嚟到呢度參觀都覺得好震撼,所以嚟到慕尼黑,記得要嚟朝聖啦!

 

安聯球場
地址: Werner-Heisenberg-Allee 25, 80939 München, Germany(顯示地圖
交通:地鐵U6線Fröttmaning站
官網:https://allianz-arena.com/en/

 

👉即刻Click入嚟睇下Top 10 慕尼黑酒店住宿優惠!

 

慕尼黑必去景點|寶馬世界 & 寶馬博物館


@Flickr  寶馬世界 BMW Welt

德國係全球數一數二嘅優質汽車出產國,世界三大名車品牌Audi,Mercedes-Benz,BMW都係嚟自德國!所以一場嚟到,又點可以唔參觀下呢?今次就帶大家去位於慕尼黑市區嘅寶馬世界同寶馬博物館參觀啦!


@Flickr

寶馬世界 BMW Welt 係寶馬嘅展銷中心,入面展出咗寶馬最新款嘅車、電單車同概念車等等,所有擺喺呢度嘅都可以試坐同影相,如果試啱仲可以即刻揸走𠻹!


@Flickr 寶馬博物館 BMW Museum

行完BMW Welt就可以過條橋,去寶馬博物館 BMW Museum 參觀喇!雖然寶馬博物館 BMW Museum 唔似得 BMW Welt 可以免費參觀,但係絕對值回票價!寶馬博物館入面展示咗各個年代BMW具代表性嘅寶馬汽車,好似1955年出產嘅BMW Isetta都可以睇到,絕對係車迷嘅天堂呀!

@Flickr BMW Isetta

 

寶馬世界 & 寶馬博物館
地址:Am Olympiapark 2, 80809 München, Germany(顯示地圖
開放時間:
寶馬世界展覽區:星期一至日 09:00 – 18:00
寶馬博物館:星期二至日 10:00 – 18:00 (逢星期一休息)
交通:地鐵U3線Olympia-zentrum站
官網:https://www.bmw-welt.com/en.html

 

慕尼黑必去景點|奧林匹克公園


@Flickr

奧林匹克公園喺正寶馬世界寶馬博物館隔離,BMW Welt跟住指示牌,沿住條橋行就可以去到奧林匹克公園嘅區域,所以小編會建議大家寶馬世界寶馬博物館奧林匹克公園安排喺同一日,咁就更加方便啦!

奧林匹克公園係1972年奧運會嘅主辦場地,雖然奧林匹克公園到依加都起咗超過40年,但係公園入面嘅設備同配套都仲係好新淨,完全唔似有40幾年歷史!奧林匹克公園好大,由33個體育館組合而成,而佔地最大嘅就係奧林匹克運動場奧林匹克運動場可以容納8萬名觀眾,運動場入面嘅草坪仲裝咗暖氣設備,確保一年四季都綠草如茵,冬天都可以進行比賽。咁大個公園係香港一定見唔到,所以嚟到慕尼黑一定要嚟參觀啦!

 

奧林匹克公園
地址:Spiridon-Louis-Ring 21, 80809 München, Germany(顯示地圖
交通:地鐵U3線Olympia-zentrum站

 

慕尼黑自由行住宿推介|慕尼黑艾美酒店

慕尼黑艾美酒店, 慕尼黑, 外觀

慕尼黑艾美酒店位於慕尼黑中央火車站對面,對於要撘火車周圍去嘅遊客好方便!酒店亦都好近主要嘅景點同購物地點,行大約5至10分鐘就可以去到,絕對係慕尼黑酒店嘅首選!

慕尼黑艾美酒店, 慕尼黑, 外觀

慕尼黑艾美酒店
地址:Bayerstraße 41, 80335 München, Germany (顯示地圖)
星級 | ★★★★★  
位置 | ★★★★☆  
設施 | ★★★★☆    
環境 | ★★★★☆
價格 | 查看價格  

 

Hotels.com酒店優惠