定期送上世界各地最新、最地道嘅旅遊資訊!

【意大利自由行2018】隱世小鎮意大利五漁村遊記!

去意大利自由行,除咗去睇比薩斜塔之外,其實仲有好多靚景等緊你去發掘,就好似位於海邊超靚嘅隱世小鎮五漁村。即刻睇下呢篇意大利五漁村遊記參考一下啦!

比薩國際機場步行大約30分鐘去到比薩中央車站,直接買車票去五漁村,車程約個鐘左右。五漁村位在海灣峭壁上,所以最適合的旅遊方式就係搭火車,火車會停靠每個漁村,只需5-10分鐘就會抵達下一個村落,只要買張五漁村火車卡就可以玩齊哂五個漁村,呢張火車卡可以喺任何一個五漁村嘅車站買到,€7.50一日任搭,非常方便,買車票嘅時候仲會比埋地圖同火車時間表𠻹!五漁村主要有個站,今次小編住嘅酒店係最遠嘅Monterosso站,所以就一直搭到最尾!除咗搭火車之外其實仲可以搭船,可以由另一個角度睇下彩色小屋!搭足全程€25,只搭一個站的話就大約€6)

 

五漁村:Riomaggiore > Manarola > Corniglia > Vernazza > Monterosso al Mare

 

Monterosso al Mare

@Flickr

Monterosso al Mare酒店選擇比較多,景點少,所以遊客相對亦都比較少!除咗餐廳同酒店之外,就係一個又長又大嘅沙灘!鐘意寧靜嘅度假生活可以選擇住喺Monterosso al Mare

 

Vernazza

去到Vernazza即刻見到人山人海,因爲Vernazza嘅大街上面有好多紀念品店,想買手信嘅話建議係呢條村買!呢度最出名嘅就係各式各樣嘅檸檬產品,尤其是檸檬番梘、檸檬糖絕對係必買手信!買完手信之後,又係時候是午餐啦!小編今次揀咗係山頂上面嘅La Torre餐廳!要食好嘢係要付出代價嘅,代價就係行大約20分鐘上山!

 

📖延伸閱讀:【歐洲上網攻略】歐洲電話卡大評比!邊隻歐洲sim card最抵! 

沿途已經開始見到好多彩色小屋,而大部分明信片上面嘅風景,亦係係上去嘅路上面可以影到!但係去到餐廳見到嘅先係主菜!

一路享受著180度無敵大海景,一路嘆海鮮大餐,真係好enjoy!玩完、買完、食完,又係時候起行去下一條村啦!由於Corniglia係唯一唔近海嘅一條村,所以小編只係係車站影左張相就走啦!

 

Riomaggiore

下一站去到Riomaggiore,係好多明信片上面見到嘅風景就係係呢度影到。

@Lonely Planet

呢度有一條連接RiomaggioreManarola嘅山路叫做-愛之路,因為沿途會有心鎖牆,而且非常容易行,20分鐘左右就到啦!但係小編去嘅時候,呢條路暫停開放,所以要去嘅朋友建議上網預先check定開放時間喇!

 

Manarola

最後喺黃昏之前去到Manarola,呢度亦係影相景點之一,黃昏時分嘅彩色小屋更加係龍友至愛,未到黃昏已經見到好多人set晒機等影相!

影完黃昏之後,就可以去村裡面嘅餐廳食飯啦!黎到海邊當然要食海鮮啦!咁大碟海鮮都只係€18咋!如果可以嘅話最好可以留兩日,曬曬太陽,仲可以有更多時間慢慢遊走晒五條漁村!鍾意行山嘅朋友,仲可以行下貫穿五漁村嘅行山路線𠻹!

 

📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)


住宿推介|埃夫塔卡米爾拉別墅迪格里阿讓迪耶里酒店 (Villa degli Argentieri)

呢間酒店一行出門口就可以見到個海灘,如果好彩嘅話,露台都可以望到㗎!

 

➡埃夫塔卡米爾拉別墅迪格里阿讓迪耶里酒店⬅

地址:Via Fegina 120/122, 蒙特羅索濱海, SP, 19016, 意大利   HK$881 起

 

Hotels.com 酒店優惠