定期送上世界各地最新、最地道嘅旅遊資訊!

【情侶小出走】澳門光影節—teamLab影相位逐個數!

今年迎來澳門光影節的第三屆,今年主題係愛滿全城,愛在路上。今個聖誕除咗可以去澳門光影節感受五光十色嘅燈飾裝置之外,teamLab都嚟到澳門!今次小編就同大家逐個介紹teamLab嘅影相位啦!

 

teamLab影相位:光球管弦樂團

最多人影嘅一定係呢個光球管弦樂團,一個個彩色嘅波,唔單止睇得,仲可以攞起嚟影,一掂就會變色!唔只地上面有光球,就連天花板都有,只要掌握好角度,就可以影出比波波包圍嘅感覺!為咗突出彩色光球,呢個位比較暗,所以想影到個樣會有D難度,最好帶埋相機去,咁樣影出嚟嘅效果會更加好!

 

teamLab影相位:彩繪聖誕投影

@ctk

第二個影相位就一定係呢個彩繪投影!teamLab每次展覽都會用唔同嘅彩繪,今次為咗配合聖誕節,彩繪係以聖誕為主題。你可以搵到北極光、鹿車、聖誕老人等等,仲有一間間嘅彩色小屋都係牆上面添!企喺唔同位置可以影出唔同嘅效果!如果想影到靚相,建議著淨色衫,咁樣可以突出彩繪圖案!

 

🏨Top10澳門人氣酒店住宿推介HK$697起 *安心價格保證*
[澳門君怡酒店 HK$697起,澳門十六浦索菲特大酒店 HK$1,000]

 

teamLab影相位:塗鴉自然 – 山脈與山谷

小編個人最鍾意嘅影相位就係呢個塗鴉自然 – 山脈與山谷。場地裡面有高高低低嘅“山脈”,仲有巨型鯨魚會喺裡面四圍遊走,加上七彩顏色嘅花紋,成個感覺超夢幻!由於隻鯨魚係會周圍遊走嘅,所以不妨逗留多一陣,可以影到唔同嘅姿態!而且呢度為咗模仿山谷嘅感覺,特登將場地設計成凹凸效果,坐喺度影相又得,企喺度影都得,得咗!

 

teamLab影相位:Bring Art to Life霓虹燈

最後一個teamLab影相位就喺出口旁邊,係一個簡簡單單嘅藍色霓虹燈,上面寫住“Bring Art to Life”,最啱喺度影呃Like相!呢個影相位亦都係最容易影出偽文青味,亦係唯一一個唔會影到其他人嘅影相位。雖然展覽有人流管制,但始終難免會遇到人多嘅時候,想要影到靚相最緊要有耐性,再帶部具備夜間拍攝功能比較好嘅相機就冇有怕喇!

 

 

澳門酒店推薦|澳門美高梅

@Facebook

今次teamLab就係喺美高梅舉行,住得近啲,自然可以多啲時間玩啦!美高梅樓高154米,總共有35層,係一間五星級酒店。酒店客房寬敞闊落,面向海境,客房景觀一流!加上澳門交通非常方便,有多班酒店接駁巴士接送住客去各大澳門景點,真係一蚊交通費都唔洗比就可以玩轉澳門!

 

澳門美高梅

地址:MAC澳門新口岸新填海區孫逸仙大馬路        HK$1350

 

Hotels.com 酒店優惠

睇到呢度,喺咪想即刻book酒店去澳門teamLab呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站 https://zh.hotels.com/jiu-dian-you-hui/coupon/copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!

 

Cover photo: @teamlab.art