定期送上世界各地最新、最地道嘅旅遊資訊!

【白色情人節小出走】四大香港白色情人節酒店優惠連浪漫活動推介!

白色情人節就快到喇!各位諗好去邊度同另一半慶祝未呢?唔洗苦惱喇!小編今次為大家精選咗四間香港情人節酒店,再幫你諗埋有咩浪漫情人節活動,唔怕另一半詐型話你冇心思啦!大家睇岩就盡快book酒店喇!

 

白色情人節酒店精選:如心南灣海景酒店(L’hotel Island South)

@Facebook

如心南灣海景酒店係一間四星級酒店,樓高37層,總共有432間客房。酒店位於黃竹坑,比起香港其他鬧區較為寧靜,唔會車來人往,情人節入住可以避開吵雜嘅人潮,同另一半安安靜靜、甜甜蜜蜜咁度過。酒店大部分客房都係面向山景,部分高層客房甚至可以睇到海景𠻹!如心南灣海景酒店距離海洋公園只需5分鐘車程,出返銅鑼灣都係15分鐘,交通非常方便。

@Facebook

 

💑浪漫情人節活動推介💕

入住得如心南灣海景酒店,簡直有天時、地利、人和嘅優勢,既然隔離就係海洋公園,不如就同你嘅另一半去海洋公園玩返一日啦!拖住佢隻手玩驚險刺激嘅機動遊戲,心動嘅感覺即刻返哂嚟!玩到攰行幾步就返到酒店休息,完美嘅安排!

 

👉🏩如心南灣海景酒店👈

地址:香港香港仔黃竹坑道 55 號(顯示地圖

 

白色情人節酒店精選:香港港麗酒店(Conrad Hong Kong)

@Facebook

香港港麗酒店位於香港核心商業地帶,係希爾頓集團旗下嘅五星級酒店。香港港麗酒店裝潢奢華典雅,而且高層客房仲可以望到全海景,喺情人節夜晚同另一半喺窗邊欣賞迷人嘅景色,再嘆返杯香檳,真係一流嘅享受!

@Facebook

酒店嘅露天恆溫泳池係呢度嘅一大賣點,對住個咁靚嘅景觀游水,加上又有恆溫裝置,就算天氣凍都唔怕啦!

 

💑浪漫情人節活動推介💕

酒店位於港島區,不如就帶另一半上山頂欣賞璀璨嘅夜景,再搭最浪漫嘅交通工具—山頂纜車,然後手拖手一齊散步返酒店!返到酒店開枝香檳,對住維港景色耳邊絮語,真係sweet到漏啊!

 

👉🏩香港港麗酒店👈

地址:香港金鐘道 88 號太古廣場(顯示地圖

 

白色情人節酒店精選:九龍海逸君綽酒店(Harbour Grand Kowloon)

@Facebook

位於黃埔嘅九龍海逸君綽酒店係一間五星級酒店,酒店鄰近海傍,大部分客房都可以睇到無敵大海景!無論日頭定夜晚,你都可以望住維多利亞港,唔洗同人喺海傍逼住睇風景!酒店仲推出咗情人節優惠,特別提供情人節晚餐,最特別之處係唔需要喺餐廳食,而係送到上房!你可以喺房入面一邊對住迷人嘅維港景色,一邊品嚐美食,享受二人世界!

@Facebook

酒店望出去嘅景色真係冇得輸!對住無敵海景,再享受陽光嘅沐浴,簡直係100分嘅早晨!

 

💑浪漫情人節活動推介💕

喺情人節入住得九龍海逸君綽酒店,當然要享受佢哋情人節特別提供嘅貼心服務—room service情人節晚餐,盡情享受只係屬於你倆嘅二人時光!平時香港去邊都咁多人,好難得可以獨處,安安靜靜咁談下情、拍下拖,就算只係簡單對住海景食餐飯,已經係最好、最難忘嘅情人節活動啦!

 

👉🏩九龍海逸君綽酒店👈

地址:九龍紅磡黃埔花園德豐街20號(顯示地圖

 

白色情人節酒店精選:8度海逸酒店(Harbour Plaza 8 Degrees)

@Facebook

位於土瓜灣嘅8度海逸酒店係一間四星級酒店,酒店就喺啟德郵輪碼頭附近,景色優美,搭車去只需要15分鐘,夜晚或者朝早起身仲可以去碼頭散下步,欣賞夜景、睇日出或者日落都得!雖然酒店唔喺地鐵站附近,但正正因為咁,環境比較寧靜,可以靜靜哋咁享受二人世界。加上酒店提供免費穿梭巴士往返紅磡、尖沙咀站、太子站、九龍灣同埋觀塘,出入都非常方便!

@Facebook

8度海逸酒店仲推出咗「熱石海の鮮」自助晚餐,精心炮製多款風味十足嘅海鮮美食,一定食到你捧住肚皮出去!

📖延伸閱讀:【2018白色情人節晚餐推介】五大香港精選白色情人節自助餐推介!

 

💑浪漫情人節活動推介💕

啟德郵輪碼頭就喺8度海逸酒店附近,小編建議可以喺酒店食完情人節自助晚餐,慢慢散步行去碼頭!對比尖沙咀海傍,啟德郵輪碼頭嘅景色絕對唔會輸蝕,而且人流又唔算多,非常值得一去!第二朝起身仲可以去埋睇日出,浪漫指數爆燈!

 

👉🏩8度海逸酒店👈

地址:九龍紅磡黃埔花園德豐街20號(顯示地圖

 

Hotels.com酒店優惠