定期送上世界各地最新、最地道嘅旅遊資訊!

【德國自由行攻略】薩爾斯堡一日遊 — 德國薩爾斯堡國王湖交通、住宿攻略!

搶到歐洲線平機票,不妨去轉德國自由行!薩爾斯堡國王湖嘅景色好似世外桃源咁靚,係唔少歐遊旅客必到嘅一站!小編今次就帶嚟薩爾斯堡一日遊住宿同交通攻略,依家就上Blogshotels.com立即準備行程啦!

 

德國自由行 | 暢遊薩爾斯堡國王湖

國王湖碼頭-有好多鴨仔,好可愛!252

國王湖 (Königssee) 位於德國同奧地利嘅邊境小鎮貝希特斯加登 (Berchtesgaden)。小編去之前只係覺得點解咁多人推介,一個湖有咩咁特別?但係親身去完之後真係覺得不!得!了!點解可以咁靚!終於明白,點解當年路德維西二世會一擲千金向奧地利買呢個地方。

 

德國自由行 | 薩爾斯堡國王湖 | 薩爾斯堡一日遊

國王湖有2條遊船航線,小編就揀咗後者。
1. Königsse → St. Bartholomä (紅蔥頭教堂) 來回13.90歐
2. Königsse → St. Bartholomä (中間站,紅蔥頭教堂) → Salet 來回16.90歐(單程約55分鐘)Salet落船地方
到咗總站Salet,落船就直接跟住指示牌去上湖Obersee,沿途風景都超靚!!!行咗10至15分鐘就到Obersee啦!


Obersee d 湖水好清,隨住時間變化,陽光係湖到好似一塊鏡咁樣,折射山巒嘅倒影。


Obersee打卡石,随便影都好似postcard咁靚!
再沿住Obersee湖邊行20至30分鐘就可以去到湖嘅另一邊。

好多本地人都會週末呢到野餐,游水!

 

湖嘅另一邊都有間小屋,可以影下文青相!

係到影咗陣相,休息咗都一陣就行番去碼頭撘船番去啦!小編係國王湖果日講得最多嘅就係「真係好靚呀!」呢到嘅景色真係無得頂!一路行,一路都覺得D景係backdrop,靚到好假,此境只應天上有!大家有機會一定要黎呢到睇下呀!

 

德國自由行 | 薩爾斯堡國王湖 | 薩爾斯堡國王湖觀光船 (Bayerische Seenschifffahrt)
地址:Seestrass 55, 83471 Schonau am Konigssee, Berchtesgaden.(顯示地圖)
開放時間:夏季 08:00 – 17:15;冬季 09:45 – 15:30
航線:夏季約每30鐘一班,經紅葱頭教堂及Salet Obersee ※冬季因為上湖會結冰,所以只會行駛至紅葱頭教堂,每60分鐘一班。

 

德國自由行 | 薩爾斯堡一日遊 | 德奧邊界交通攻略
國王湖位於德國同奧地利邊界,所以係德國慕尼黑(Munich)/奧地利薩爾茲堡(Salzburg)去都可以。

 

德國慕尼黑前往國王湖方法:
1. 由慕尼黑(Munchen Hbf)車站,撘往Freilassing嘅快╱慢車(車程約100分鐘)
2. 轉車到貝希特斯加登(Berchtesgaden Hbf)車站(車程約13分鐘)
3. 落車後轉841、842或843號巴士往Konigssee Parkplatz(車程約10分鐘),再行5分鐘到國王湖碼頭

 

奧地利薩爾茲堡前往國王湖方法:
1. 由薩爾斯堡(Salzburg Hbf) 車站搭840號巴士DB BUS到貝希特斯加登Berchtesgaden(約50分鐘)
2. 落車後轉841、842或843號巴士往Konigssee Parkplatz車程約10分鐘),再行5分鐘到國王湖碼頭


德奧邊界交通攻略Tips

1. 慕尼黑出發:可以使用德國邦票去國王湖,可以一日內係邦區域內無限次數撘DB巴士同火車嘅團體交通票,越多人越平!
2. 薩爾茲堡出發:上巴士直接同司機買一日券RVO one day ticket, 9.8歐/人,就可以搭齊840、841、842或843號巴士。
3. 一定要影低巴士時間表, 因為班次好少同好準時。同埋要留意尾班車時間,五六點左右就已經無車,記得要早少少去車站等呀!

貝希特斯加登附近都有好多別致推介酒店嘅選擇,小編推介大家坐車去國王湖前可以住返晚,為聽日嘅薩爾斯堡一日遊儲備多啲腳骨力。

 

德國自由行|薩爾斯堡一日遊酒店推介|古侖伯格酒店 (Hotel Grünberger)

古侖伯格酒店 (Hotel Grünberger)

無論喺邊到出發,都要係貝希特斯加登轉車再去國王湖,所以住喺位於貝希特斯加登嘅古侖伯格酒店就最方便喇!如果遇着下雪天,仲可以留喺室內享用古侖伯格酒店嘅室內泳池同餐廳服務。

古侖伯格酒店 (Hotel Grünberger)_2

雖然係酒店,但古侖伯格酒店裝修同佈置十分似傳統嘅歐洲小屋。客房內嘅設計亦唔少得木製嘅傢俬,用色柔和簡約,室內空間感覺特別舒適。

 

古侖伯格酒店 (Hotel Grünberger)
地址:Hansererweg 1, Berchtesgaden, Bayern (顯示地圖)
星級 | ★★★★★
位置 | ★★★★☆
設施 | ★★★★★
環境 | ★★★★★  
價格 | 查看價格

 

德國自由行|薩爾斯堡一日遊酒店推介|希特斯加登 KS 青年旅舍 (KS Hostel Berchtesgaden)

希特斯加登 KS 青年旅舍 (KS Hostel Berchtesgaden)

旅舍範圍雖然設施唔多,但勝在夠空間感,客房內更有獨立儲物櫃。小編提提你,歐洲嘅hostel一般不提供鎖頭,所以打算歐遊嘅你,最好自備一至兩個鎖頭。旅舍旁邊就有S Bahn (Train on the street), 方便你縱橫市區各個地方。

希特斯加登 KS 青年旅舍 (KS Hostel Berchtesgaden)_2

要窮遊歐洲,當然唔少得住hostel,價錢超值之餘,最緊要係有多啲機會同唔同國藉嘅旅客交流。KS青年旅舍為旅客提供好多共用空間,比你身在德國都可以了解唔同國家嘅文化。小編就有試過係德國嘅hostel同美國,澳洲,加拿大嘅旅客一齊煮飯仔,好開心嘅旅遊體驗!

 

希特斯加登 KS 青年旅舍 (KS Hostel Berchtesgaden)
地址:Bahnhofplatz 4, Berchtesgaden, Bayern (顯示地圖)
星級 | ★★★☆☆
位置 | ★★★★★
設施 | ★★★☆☆
環境 | ★★★★☆
價格 | 查看價格

 

德國自由行|薩爾斯堡一日遊酒店推介|貝希特斯加登四季酒店 (Hotel Vier Jahreszeiten Berchtesgaden)

貝希特斯加登四季酒店 (Hotel Vier Jahreszeiten Berchtesgaden)

貝希特斯加登四季酒店嘅內部裝修華麗美觀,有如冬季童話中聖誕老人會出現嘅地方。酒店設施齊全,不但提供自助早餐,更設有免費來回鄰近滑雪場嘅接駁車。滑完雪返嚟酒店仲可以即刻衝去室內泳池再焗桑拿,爽啊!

貝希特斯加登四季酒店 (Hotel Vier Jahreszeiten Berchtesgaden)_2

客房嘅選擇多元化,有基本版,亦有豪華版,價錢任君選擇,部份客房更有露台或者窗外望到周邊風景。貝希特斯加登四季酒店位於國家公園內,步行至貝希特斯加登鹽礦博物館亦只需20多分鐘,地理位置一流!

 

貝希特斯加登四季酒店 (Hotel Vier Jahreszeiten Berchtesgaden)
地址:Maximilianstr. 20, Berchtesgaden (顯示地圖)
星級 | ★★★★★
位置 | ★★★★★
設施 | ★★★★★
環境 | ★★★★★
價格 | 查看價格

 

德國自由行|薩爾斯堡一日遊酒店推介|舍瓦本維特酒店 (Hotel Schwabenwirt)

舍瓦本維特酒店係貝希特斯加登火車站同巴士站對面,去國王湖超方便。樓下有餐廳,晚餐、早餐都好好味架,唔洗出去搵餐廳!

 

舍瓦本維特酒店 (Hotel Schwabenwirt)
地址:Königsseer Str. 1, 柏特斯加登, 83471, 德國 (顯示地圖)
星級 | ★★★☆☆
位置 | ★★★★★
設施 | ★★★☆☆
環境 | ★★★★☆
價格 | 查看價格

 

德國自由行|薩爾斯堡一日遊酒店推介|維特爾斯巴赫酒店 (Hotel Garni Wittelsbach)

維特爾斯巴赫酒店雖然唔係好近貝希特斯加登車站,但係附近都有841巴士站可以去國王湖,所以交通都算方便。同埋酒店係位於小鎮中心嘅商業區,所以行街好方便。

 

維特爾斯巴赫酒店 (Hotel Garni Wittelsbach)
地址:Maximilianstraße 16, 柏特斯加登, BY, 83471, 德國 (顯示地圖)
星級 | ★★★☆☆
位置 | ★★★★★
設施 | ★★★☆☆
環境 | ★★★★☆
價格 | 查看價格

 

📖延伸閱讀:【德國必買2018】德國手信系列清單!(連慕尼黑自由行住宿推薦)
📖延伸閱讀:【迪士尼城堡藍本】德國必去!舊、新天鵝堡交通行程攻略懶人包!
📖延伸閱讀:【聖誕德國自由行】五大必去德國聖誕市集+必食必買攻略2018!
📖延伸閱讀:【法蘭克福景點攻略】家品控必買!三大法蘭克福家品店

 

Hotels.com酒店優惠Hotels.com酒店優惠