定期送上世界各地最新、最地道嘅旅遊資訊!

【德國必買2018】德國手信系列清單!(連慕尼黑自由行住宿推薦)

唔好以為德國淨係得啤酒出名,其實仲有好多正嘢等住你買㗎!今次小編就為大家準備咗2018德國必買清單,帶大家一齊去掃貨!

 

📖延伸閱讀:【德國遊記】此境只應天上有!德國國王湖交通、住宿攻略!
📖延伸閱讀:【法蘭克福景點攻略】家品控必買!三大法蘭克福家品店

 

德國必買|Rimowa行李箱


@Facebook

德國身為篋神-Rimowa嘅發源地,一場嚟到,緊係要買番一個返香港啦!Rimowa嘅篋好好拖,就算你個篋入面有幾多野,有幾重都好,個篋拖起上嚟都仲係身輕如燕,啱哂去到邊買到邊嘅你地!喺香港專門店買一個,最平都要差唔多四千蚊!但係去到慕尼黑買就唔同啦,最平嘅係香港專門店嘅五折,平成一半,真係唔買都對唔住自己呀!

 

慕尼黑有好多行李箱店,但係識買就一定係去Lederwaren Hetzenecker買!Lederwaren Hetzenecker慕尼黑有三間分店,呢度唔單只平,款式仲好齊全,有陣專門店冇貨嘅,呢度都有!Lederwaren Hetzenecker嘅售價比德國當地專櫃平好多,加上俾現金會再有九折再退埋稅,大約係香港專門店嘅五至七折,真係抵好多㗎!

 

Lederwaren Hetzenecker
地址:Karlspl. 8, 80335, Munich, Germany (顯示地圖)
開放時間:09:30 – 20:00 (星期一至六)

 

 

👉🏩即刻Click入嚟睇下2018 Top 10慕尼黑酒店推介及優惠!

 

 

德國必買|dm藥妝店

@Flickr

邊個話去日本先有藥妝店行?dm藥妝店全歐洲最大嘅藥妝店,主要分佈喺德國、奧地利、克羅埃西亞等等嘅東歐國家。雖然喺東歐大部分國家都有dm藥妝店,但係大多數嘅貨品都係德國嘅dm藥妝店最平,會去歐遊嘅朋友記得要忍手,去到德國先好買呀!dm有21個自家品牌,有超過2600種產品喺店內銷售,主打天然同有機嘅產品,由食物到個人護理產品通通都有,價錢仲要好平𠻹!

 

有二個品牌係dm必買嘅,第一個就係BaleaBaleadm旗下嘅一個品牌,產品主要係由頭到腳嘅護理、清潔同保養產品。小編就大推佢哋嘅精華膠囊啦!Balea嘅精華膠囊質地基本上係屬於油狀,但係吸收得好快,所以查完上面唔會有好油嘅感覺,功效好,又細細粒,帶去旅行勁方便!重點係價錢一啲都唔貴,買嚟做手信fit哂!

@dm 官網 保濕精華膠囊(內含橄欖油) 0.95 € 



@dm官網 眼部精華 0.95 €

第二個dm必買品牌就係Lavera啦!Lavera係一個德國天然化妝品同護膚品品牌,絕大部分嘅產品都有有機材料認證,強調抗敏、無香料、色素同防腐劑,啱哂敏感肌嘅你!

 

小編大推佢哋嘅有機薄荷SOS抗痘霜。查係暗瘡位置,可以減少紅腫,加上有天然水楊酸,所以可以減少暗瘡同細菌,防止暗瘡再生,食熱氣野都唔怕!喺香港買要成$99蚊一支,喺dm只係4.65 € ,大約 $50蚊港幣一支,平成一半,記得買支試下啦!



@dm官網
有機薄荷SOS抗痘霜 4.65 € / 15 ml

 

第二個大推嘅就係佢哋嘅有機修護潤唇膏。呢支潤唇膏含有機石榴同高品質嘅有機巴西果仁油,查少少已經可以keep好耐,但係又唔會癡立立,好啱上唇膏前查㗎!


@dm官網 有機修護潤唇膏 2.35 € / 4.5 g

 

dm藥妝店
地址:Sendlinger Str. 12a, 80331 München, Germany (顯示地圖)
開放時間:09:00 – 20:00
官網:https://www.dm.de/

 

📖延伸閱讀:【柏林自由行】必去柏林景點推介!Top 3人氣柏林打卡精品咖啡店連美食推薦!

 

德國必買|Zwilling J.A. Henckles 孖人牌

Zwilling J.A. Henckles 孖人牌

@Zwilling J.A. Henckles Website

德國孖人牌係有過200年歷史嘅德國牌子,由1731年開始已經係德國索林根刀具同業會註冊商標,而且擁有有自己嘅專利技術,成為德國刀具界皇者,仲喺世界各地都非常受歡迎,過百個國家都有孖人牌嘅分銷店。德國孖人牌細至美容修甲工具,大至廚房刀等都非常鋒利同埋耐襟用,當中鐵盒版嘅超薄指甲剪箝更加係熱賣產品,成日都會賣斷貨!

 

小編提提你,識去嘅話一定係去法蘭克福專門店,因為入面一組刀具差唔多成港幣2500,但去到德國退埋稅可以用接近低至4折嘅價錢(大約港幣1500)就可以買到,所以好多人都會去呢度掃貨!

 

Zwilling J.A. Henckles
地址:ZWILLING J.A. Henckels Retail GmbH Neue Kräme 21 60311 Frankfurt (顯示地圖)
開放時間:10:00 – 19:00 (星期一至五),10:00 – 18:00 (星期六及日)

 

📖延伸閱讀:【慕尼黑景點】慕尼黑自由行程攻略-安聯球場、BMW博物館、奧林匹克公園!
📖延伸閱讀:【迪士尼城堡藍本】德國必去!舊、新天鵝堡交通行程攻略懶人包!

 

慕尼黑自由行住宿推薦|拜耳韋瓦第酒店

拜耳韋瓦第酒店, 慕尼黑, 普通套房, 客房

小編上次去慕尼黑就係住呢間酒店,一個字形容-正!員工好友善,有問必答!酒店裝修行現代簡約風,設計簡潔舒適,亦都好乾淨整潔。另外,同大部分嘅歐洲酒店唔同,呢間酒店每一個房間都有冷氣,同埋酒店嘅水壓好大,沖涼都沖得爽啲呀!

 

拜耳韋瓦第酒店
地址:Bayerstr. 89, München, BY, 80335, Deutschland  (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆  
價格 | 查看價格

 

慕尼黑自由行住宿推薦|慕尼黑雅樂軒酒店

慕尼黑雅樂軒酒店, 慕尼黑, 標準客房 (Loft), 客房
酒店喺正
慕尼黑中央火車站 (München Hbf) 對面,而且行五分鐘左右就到瑪利亞廣場 (Marienplatz)同商店街,交通勁方便!酒店附近仲有dm藥妝店,日日掃貨都得呀!

 

慕尼黑雅樂軒酒店
地址:Bayerstrasse 37, München, BY, 80335, Deutschland (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★★  
價格 | 查看價格  

 

慕尼黑自由行住宿推薦|Schiller5 酒店


@elena_tor

呢間酒店極近慕尼黑市中心,酒店充滿時尚藝術感。一入酒店正門你已經可以感受到濃厚嘅藝術感,因為黑色酒店大堂入口鋪上咗一幅幅彩畫同唔同顏色嘅燈,而喺櫃檯你會見到一幅人像布,完美呈現出慕尼黑嘅神秘感。

Schiller5 酒店2
@Facebook

酒店房以深灰色同白色為主,突顯簡約同埋充足嘅空間感,房入面亦有慕尼黑嘅牆畫。廁所非常乾淨,燈光光猛,採用玻璃浴室配合白瓷磚設計,令人感受到滿滿嘅渡假氣息。酒店位置亦都鄰近各大景點,只需10分鐘路程,你就可以行到去新市政廳嘅鐘琴聽鐘響,亦可以去聖母教堂行上頂部,欣賞成個慕尼黑城景。

 

Schiller5 酒店
地址:Schillerstraße 5, 80336 München, Germany (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆  
價格 | 查看價格  

 

慕尼黑自由行住宿推薦|圖芭拉烏酒店

@Cognitivebliss

德國慕尼黑其中一間出名嘅酒吧就係皇家啤酒屋,而接住嚟介紹嘅酒店,行過去啤酒屋唔洗幾分鐘路程,想日日去飲啤酒同食豬手絕對唔成問題!酒店復古味濃厚,保持住慕尼黑嘅傳統風貌,由浮黃色嘅大堂已經帶畀住客傳統德國嘅感覺。


@hotels.com

酒店房同樣以黃色作主色調,加上寬闊嘅空間,突出古典味道。由房入面嘅窗可以望到市面環境,去到夜晚亦唔會太過嘈雜。

@boa_park

鄰近皇家啤酒屋,可以飲佢哋自家製嘅啤酒,同埋食最出名同皮脆肉滑嘅豬手。餐廳有現場Jazz Live Band,一邊享受美酒佳餚一邊聽住live music,絕對係喺慕尼黑嘅一大享受!

 

圖芭拉烏酒店
地址:Tal 41, 80331 München, Germany (顯示地圖)
星級 | ★★★★☆  
位置 | ★★★★★  
設施 | ★★☆☆☆  
環境 | ★★★☆☆  
價格 | 查看價格  

 

 

Hotels.com酒店優惠