定期送上世界各地最新、最地道嘅旅遊資訊!

【迪士尼城堡藍本】德國必去!舊、新天鵝堡交通行程攻略懶人包!

迪士尼城堡一直都係迪士尼樂園嘅地標,亦係浪漫童話故事嘅象徵。但係大家又知唔知迪士尼城堡,其實係以德國新天鵝堡為藍本而建造。所以今日就帶大家去舊、新天鵝堡參觀,睇下到底有咩咁吸引!

 

德國必去景點|舊、新天鵝堡


新天鵝堡 New Swanstone Castle – 小編見到城堡果一刻,真係wow出聲,超夢幻呀!

 

舊、新天鵝堡喺位於德國嘅巴伐利亞州,好近德國同奧地利邊界。兩座城堡之間有一山之隔,但係由舊天鵝堡撘車去新天鵝堡都只係十至十五分鐘,所以都好近㗎,絕對可以一日行哂兩座城堡。

@Flickr 舊天鵝堡 Schloss Hohenschwangau

 

講咗咁耐,到底舊、新天鵝堡有咩咁特別呢?其實舊、新天鵝堡都係巴伐利亞國王-路德維希二世國王嘅行宮。舊天鵝堡又叫做高天鵝堡,係由路德維希二世國王嘅父親向施萬高嘅騎士買返嚟,而路德維希二世國王就喺呢度度過佢生命中絕大部分嘅時光。當時舊天鵝堡嘅重建工程,係由好多位浪漫主義時期嘅藝術家設計同修葺,所以舊天鵝堡入面充滿住藝術同浪漫氣息,好似其中一個開放俾遊客參觀嘅房間-天鵝騎士大廳入面嘅牆身全部都畫上咗天鵝騎士-羅恩格林傳說中情景嘅壁畫,藝術氣息勁濃厚呀!

@Flickr 新天鵝堡 New Swanstone Castle

 

新天鵝堡嘅歷史就冇舊天鵝堡咁耐,係19世紀晚期嘅建築。當時路德維希二世國王為咗興建佢心目中嘅夢幻城堡,就將原來喺度嘅城堡拆咗,再起新天鵝堡新天鵝堡一共有360個房間,但係好可惜, 路德維希二世國王喺新天鵝堡味起好之前就已經逝世,所以只有14個房間係依照設計完工,其他房間就冇完成到。以喺國王死後七星期,新天鵝堡就開放俾市民參觀直到而家。

喺新天鵝堡望出去嘅風景,靚到好似畫咁!

 

話到明新天鵝堡係國王心目中嘅夢幻城堡,入面梗係好靚啦!新天鵝堡係以中世紀德國騎士城堡為藍本,加上係由知名劇場布景設計師-Christian Jank設計,城堡入面有大量哥德式嘅建築細節,而所有門窗、列柱迴廊就係行巴洛克風格。亦因為城堡係由劇場布景設計師設計,所以城堡入面嘅設計同裝修都好夢幻同誇張,成個城堡入面嘅所有水龍頭、傢俱同房間配飾都加上咗唔同形態嘅天鵝做裝飾,名副其實係一座天鵝城堡

 

👉即刻Click入嚟睇下Top 10 慕尼黑酒店住宿優惠!

 

德國必去景點|舊、新天鵝堡交通攻略

講咗咁耐,就等小編教大家點去天鵝堡啦!天鵝堡係位於德國南方嘅小鎮-福森Fussen慕尼黑撘火車大約要兩個鐘,所以要早少少出門口啦。去到福森Fussen,一出火車站就可以見到有兩架巴士:
 
1. RVA/OVG 73號 往Steingaden/ Garmisch-Partenkirchen 或
2. RVA/OVG 78號 往Schwangau
兩架巴士都Hohenschwangau Neuschwanstein落車,就到天鵝堡嘅山腳㗎啦。

買完天鵝堡入場門票就可以揀方法上山喇。有三個方法:

1. 搭馬車上山 (大約20分鐘)
2. 搭接駁巴士上山 (大約10分鐘)
3. 行路上山 (大約40分鐘)
如果大家想試下撘馬車,小編就建議大家可以落山先撘,因為上山時會有好多人排隊撘馬車,所以落山先撘就可以避開人龍啦!

 

德國必去景點|征服舊、新天鵝堡tips:

1. 預早買定入場門票!

無論係舊定係新天鵝堡都好多人參觀,所以小編建議要喺參觀前4 5日上去官網度買飛,同埋要德國時間15:00前完成全個購票程序,咁就唔怕到時冇得入場參觀啦!

 

2. 9點後先撘火車去福森Fussen!

如果大家係同一大班朋友一齊去天鵝堡,小編就建議大家平日9點後先撘火車去福森Fussen喇。因為德國火車有得買邦票Bayen ticket,如果愈多人個車飛就愈抵,但係邦票就要上午夜9點後先可以用,記得唔好早咗去啦。

 

3. 影低巴士時間表!

大家記得要影低上落天鵝堡同埋來回火車站嘅巴士時間表,因為呢度嘅巴士班次好少同好準時,miss咗一班可能就要等好耐,所以記得要影低時間表同埋提早去巴士站排隊啦!

 

 

德國必去景點|德國舊、新天鵝堡住宿攻略|魯比麗莉慕尼黑酒店

魯比麗莉慕尼黑飯店, 慕尼黑, Cosy Room, 客房
魯比麗莉慕尼黑酒店位於慕尼黑中央火車站後面,撘火車去天鵝堡好方便!酒店附近仲有幾個博物館,亦好近主要嘅景點同購物地點,行大約5至10分鐘就可以去到,絕對係慕尼黑酒店嘅首選!

魯比麗莉慕尼黑飯店, 慕尼黑, Cosy Room, 浴室

慕尼黑艾美酒店
地址:Bayerstraße 41, 80335 München, Germany (顯示地圖)
星級 | ★★★★☆  
位置 | ★★★★☆  
設施 | ★★★☆☆    
環境 | ★★★★☆
價格 | 查看價格  

 

Hotels.com酒店優惠