定期送上世界各地最新、最地道嘅旅遊資訊!

【峴港villa特集】超靚打卡峴港resort、峴港pool villa推薦!

峴港係越南第四大城市,除咗係一個沙灘勝地之外,仲係一個充滿文化遺產嘅地方。峴港被《國家地理雜誌》評為喺人生必到嘅50個地方之一,必去景點包括:美溪海灘、山茶半島、巴那山、會安古鎮等等。香港有直航飛到峴港,價錢仲好平㖭。以下推介嘅 3 間峴港人氣 Villa,俾大家感受吓峴港呢個「東方夏威夷」嘅魅力!

 

峴港resort推薦 | 峴港洲際陽光半島度假酒店

峴港洲際陽光半島度假酒店
@facebook

峴港洲際陽光半島度假酒店可以話係峴港最豪華嘅酒店,由建築師 Bill Bensley 足足花咗七年嘅時間建成。度假酒店一共有四層,分別以「大海」、「地面」、「天空」同「天堂」四種概念設計。平時搭纜車上山頂啫,有無諗過一個酒店竟然可以大到要坐纜車移動?呢到簡直係每個人心目中嘅夢幻酒店!

峴港洲際陽光半島度假酒店_2
@facebook

峴港洲際陽光半島度假酒店_3
@facebook

雖然峴港洲際陽光半島度假酒店有啲遠,離峴港機場45 分鐘路程,但入面嘅設施同環境勝過一切。酒店擁有長達700公尺嘅私人海灘、大型室外游泳池、健身室、 SPA、網球場、電影院、遊樂場、桌球室等等。

峴港洲際陽光半島度假酒店_4
@facebook

另外仲有三個餐廳、兩個酒吧,當中嘅 La Maison 1888 西餐廳仲係越南第一間,而且仲係唯一一間擁有三位米芝蓮星級大廚嘅餐廳。除咗游水同做Spa之外,客人仲可以係酒店進行其他活動,例如:踩單車、釣魚、遠足同水上活動。

峴港洲際陽光半島度假酒店_5
@facebook

峴港洲際陽光半島度假酒店有200個房間,分為客房、套房同豪華別墅。當中嘅海濱別墅座落係山腳,窗外風景如畫,可以遠望無敵大海景。房間入面設有私人游泳池、日光甲板和豪華衛浴設施,仲有24小時管家為你貼心服務。

 

峴港洲際陽光半島度假酒店
地址:Tho Quang Ward, Son Tra DistrictBai Bac, Son Tra Peninsula (顯示地圖)
星級 | ★★★★★  
位置 | ★★☆☆☆  
設施 | ★★★★★  
環境 | ★★★★★  
價格 | 查看價格  

 

峴港resort推薦 | 納曼度假村 (Naman Retreat)

納曼度假村 (Naman Retreat)
@Facebook

Naman Retreat 係 SLH (Small Luxury Hotels of the World) 系列嘅精品酒店,位於峴港市中心同會安古城之間,兩邊相隔大概 20 分鐘嘅車程。度假村大部分建築物都係以竹結構設計,同時被大量綠色植物包圍,猶如世外桃源!

納曼度假村 (Naman Retreat)_2
@Facebook

度假村嘅設施一流,包括私人沙灘、游泳池、spa centre、健身室、燒烤區、兩間餐廳、酒吧同一間咖啡廳。酒店仲提供各式各樣嘅合家歡活動,如沙灘排球、瑜珈班、學整陶瓷同燈籠。如果爹哋媽咪覺得攰,酒店入面嘅 baby sister 服務仲可以幫照顧小朋友,俾大人真真正正咁享受二人世界同好好休息。

納曼度假村 (Naman Retreat)_3
@Facebook

納曼度假村 (Naman Retreat)_4
@Facebook

Naman Retreat 嘅 pool villa 可以話係無得彈,間房空間寬敞,純白主調搭配簡約嘅木系家具,溫馨又舒服。一大個落地玻璃窗令客人每朝早一起身就可以睇到個無敵大海景。房內設有小型游泳池同花園,岩哂啲鍾意私人空間嘅客人。客人入住後可以享有免費每日一次Spa(可揀泰式、瑞士、香薰等)、免費下午茶同免費機場接駁服務。一個字:正!

 

納曼度假村
地址:Truong Sa Road, Da Nang (顯示地圖)
星級 | ★★★★☆  
位置 | ★★☆☆☆  
設施 | ★★★★★  
環境 | ★★★★★  
價格 | 查看價格  

 

峴港resort推薦 | 海洋別墅酒店


@Facebook

如果覺得上述果兩間酒店價格太高嘅話,可以考慮下呢間性價比高嘅親民酒店-海洋別墅酒店。酒店位於 Grand Baie 嘅私人海灘區,鄰近努爾卡海灘、唐人海灘、大理石山同 Vina Capital 高爾夫球場。

海洋別墅酒店_2
@Facebook

海洋別墅酒店_3
@Facebook

雖然海洋別墅酒店無其他果兩間咁多元化嘅設施同活動,但客人可以以非常親民嘅價錢入住兩層高嘅 Villa,擁有別墅園景、私人游泳池同露天花園。Villa 空間極大且環境幽靜。地下係客廳、廚房同用餐空間;二樓係睡房。Villa 可以多達 8人入住,可以晚晚同一大班朋友開 BBQ Pool Party!

海洋別墅酒店_4
@Facebook

呢間酒店嘅感覺就好似一個小家庭咁。酒店員工非常友善,可以講中文,唔使怕有語言障礙。酒店亦設有室外游泳池、Spa、土耳其浴室、餐廳,亦會周不時舉辦潛水同滑浪活動。如果係酒店玩厭咗,可以搭酒店所提供嘅免費 Shuttle bus 到會安,每日兩班。

 

海洋別墅酒店
地址:Ngu Hanh Son DistrictTruong Sa Street, Hoa Hai Ward (顯示地圖)
星級 | ★★★★★  
位置 | ★★☆☆☆  
設施 | ★★★☆☆  
環境 | ★★★★★  
價格 | 查看價格  

 

📖延伸閱讀:【越南自由行】峴港行程攻略連峴港必食、必去景點懶人包
📖延伸閱讀:【越嚟越舒服】越南按摩邊度有?Top 5 必住越南峴港 Spa Resort!
📖延伸閱讀:【會安自由行】越南峴港會安+順化一日遊景點總整理 (連越南交通攻略)
📖延伸閱讀:【芽莊住宿推薦】超隱世!最新最靚越南芽莊Resort、芽莊Villa逐個數!

 

Hotels.com酒店優惠 Hotels.com酒店優惠