定期送上世界各地最新、最地道嘅旅遊資訊!

【威尼斯自由行】景點太逼人?教你一日快閃威尼斯玻璃島、彩色島!

去意大利自由行,水都威尼斯係必去嘅城市之一!威尼斯到處都擠滿洶湧嘅觀光人潮,如果想慢慢感受呢個城市,小編建議去威尼斯自由行嘅大家,可以去吓周邊嘅小島,發掘下威尼斯嘅另一面!小編特別推薦玻璃島同彩色島,兩個島相近,可以一日遊覽哂!

 

威尼斯自由行|彩色島簡介

由威尼斯去彩色島 (Burano),只需要30分鐘船程就可以去到。彩色島兩排嘅屋仔五顏六色、色彩繽紛,就好似進入咗童話世界一樣,非常夢幻!其實彩色島係一個小漁村,傳說以前因為男士要出海捕漁,妻子驚夜晚太大霧老公會搵唔到返屋企嘅方向,所以將屋嘅外牆油成唔同嘅顏色,方便辨認。

 

雖然呢度每間屋都有唔同顏色,但仔細留意,你會發現每間屋嘅顏色都唔一樣,顏色配搭和諧,唔會有混亂嘅感覺。原來當地政府悉心設計過顏色嘅組合同排列,所以望落舒服之餘又有美感!如果居民想換外牆顏色,仲要事先向政府申請!

 

威尼斯自由行|彩色島美食攻略|Trattoria da Romano

@davidtadini

彩色島雖然唔大,但都有唔少餐廳選擇,但由於主要係做遊客生意,所以價錢會略貴。Da Romano 係當地一間非常出名嘅餐廳,而且仲係米芝蓮推薦餐廳之一,去到彩色島緊係要試下啦!餐廳主打海鮮燉飯,鮮味十足亦都非常足料,包你一試難忘!

 

Trattoria da Romano
地址:Via S.Martino DX 221, 30012 Burano, Italy (顯示地圖)
營業時間:12:00 – 15:00、18:30 – 23:30

 

威尼斯自由行|彩色島必買攻略|Martina Vidal

@martinavidalvenezia

其實彩色島又名為蕾絲島,因為呢度係最古老嘅手工蕾絲產地之一,由14世紀開始已經製造手工蕾絲,所以你可以喺彩色島見到形形色色嘅蕾絲手工藝品!而 Martina Vidal 係島上嘅老字號商店,Vidal家族四代都做蕾絲,店入面嘅蕾絲衣物全部都係人手手工製造,件件獨一無二!最主要係 100% made in 彩色島,買嚟自用定做手信都夠哂特別啦!

 

Martina Vidal
地址:Via San Mauro, 309, 30142 Venezia VE, Italy (顯示地圖)
營業時間:09:30 – 18:00

 


威尼斯自由行|威尼斯住宿推介|廣場酒店 – 美斯特雷

呢間酒店地點非常好,火車站就喺正對面,步行2分鐘就到達。而且,酒店房空間寬闊,住落舒服,而且價錢又唔算好貴,性價比好高!

酒店提供嘅自助早餐款式豐富,而且酒店入面有間餐廳24小時營業,肚餓隨時落去就可以享受意大利美食,非常方便!

 

廣場酒店 – 美斯特雷
地址:ITA美斯特雷Viale Stazione 36 (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆  
價格 | 查看價格  


威尼斯自由行|玻璃島簡介

@Flickr

玻璃島 (Murano) 之所以叫玻璃島,係因為意大利有名嘅「穆拉諾玻璃」係源自呢度,所以得以命名。「穆拉諾玻璃」係一種由矽、梳打、石灰同埋鉀混合而成嘅玻璃,本身無任何顏色嘅玻璃經過特別處理,變化成各種唔同顏色、形狀嘅有色玻璃。「穆拉諾玻璃」形態千變萬化,款款都非常獨特,亦都係佢誘人之處。

 

威尼斯自由行|玻璃島美食攻略|B Restaurant

@hungergamehk

B Restaurant 係一間主打海鮮嘅西餐廳,餐廳裝潢呈現代工業風格,簡簡單單又不失格調。餐廳嘅食物份量充足,味道亦都唔錯,CP值高!餐廳主打海鮮意大利粉,每一款都新鮮又好味,另外不得不提餐廳嘅甜品亦都相當出色,小編特別推介Tiramisu,香濃嘅朱古力味配上柔滑嘅口感,值得一試!


@foodpsychos
 
Tiramisu係必試呀!

 

B Restaurant
地址:Campiello de la Pescheria 4, 30141 Murano, Italy (顯示地圖)
營業時間:11:45 – 15:00

 

威尼斯自由行|玻璃島必買攻略|玻璃製品

@sezioneaureafirenze

去到玻璃島,當然要買返樣玻璃製品做手信啦!玻璃島上有形形色色嘅店鋪,入面有各式各樣嘅玻璃製品,包括耳環、手鏈、戒指等等,琳瑯滿目嘅飾品,總有一款岩你心水!

 

 

威尼斯自由行|威尼斯住宿推介|威尼斯時光酒店
威尼斯時光飯店, 威尼斯, 經典雙人房, 客房

威尼斯時光酒店同樣交通非常方便,由火車站行去酒店只需要幾分鐘路程,而且酒店並非位於大街之中,相對會較為寧靜,唔會太過嘈雜!酒店靠近市內多個主要景點,無論行過去定搭火車去都非常方便!

 

威尼斯時光酒店
地址:ITA威尼斯Sestriere CannaregioCalle Priuli Dei Cavalletti 99/d (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

 

威尼斯自由行|彩色島、玻璃島交通攻略
從聖馬可廣場L/N碼頭,乘搭7、4.1、4.2號船都可以去到玻璃島,7號船程最短;之後由玻璃島去彩色島可以坐12號船。

 

Hotels.com酒店優惠