定期送上世界各地最新、最地道嘅旅遊資訊!

【大阪二手店】大阪二手名牌邊度買?大阪中古店、古著店特集!

去到大阪呢個購物天堂,當然大把地方尋寶啦!小編為你搜羅大阪必買二手古著店,全部都集中係心齋橋、美國村、難波等購物區!

 

📖延伸閱讀:【大阪購物攻略】Top 7大阪必買藥妝2018!「最齊貨」必去大阪藥妝店鋪一覽
📖延伸閱讀:【大阪好西攻略】食大阪海鮮點止黑門市場?編輯推薦Top 3必去大阪魚市場連必食之選


@Flickr

 

必買大阪二手店、古著店推薦|RAGTAG 心斎橋店


@jeffchen0602

RAGTAG係大阪心齋橋好出名嘅古着店,1985年已經創業,歷史悠久,目前係日本全國有18間店舗。RAGTAG主打中古服裝同配件,價格由3,000到50,000円不等,性價比高,所以吸引咗好多古著發燒友去朝聖!

 

RAGTAG心斎橋店
地址:大阪府大阪市中央區心斎橋筋1-4-29フェリチタ心斎橋1F(顯示地圖
交通:「心斎橋」站步行約1分鐘即可到達
營業時間:11:30 – 20:30
網址:https://www.ragtag.jp/shop/index.html

 

必買大阪二手店、古著店推薦|JUNK-VINTAGE 大阪南堀江店


@junk.vintage

JUNK-VINTAGE係一間專賣美式休閒二手服裝嘅古著店,集結咗唔少出名嘅大牌,包括「BUZZ RICKSON’S」同「FLAT HEAD」!而且JUNK-VINTAGE嘅產品種類非常齊全,由鞋、皮褸、機師褸到vintage眼鏡,應有盡有!

 

JUNK-VINTAGE 大阪南堀江店
地址: 大阪府大阪市西区,南堀江2丁目3−8 VASEビル 2 階(顯示地圖
交通:「西大橋」站步行約7分鐘;或「心斎橋」站步行約12分鐘即可到達
營業時間:12:00 – 20:00(定休日為星期三)
網址:http://www.junk-vintage.com

 

📖延伸閱讀:【日本自由行】食盡大阪-Top 5 大阪必試、必食拉麵店!
📖延伸閱讀:【Hotels.com大使推介】日本大阪近郊-箕面景點行程懶人包!

 

必買大阪二手店、古著店推薦|Pour Mademoiselle


@Pour Mademoiselle Facebook

Pour Mademoiselle本身間店名已經充滿法國復古風情,再行入間鋪頭,即刻以為自己置身係法國傳統小店入面!Pour Mademoiselle裝潢仿照歐洲貴族特色,高貴優雅,鎮店之寶包括一系列CHANEL Vintage袋,有齊哂經典黑色款、紅色、駝色,定價約係新貨嘅5至6折,CHANEL fans小心大出血啊!

 

Pour Mademoiselle
地址:大阪府大阪市西区南堀江1-15-11(顯示地圖
交通:「西大橋」站步行約9分鐘;或「心斎橋」站步行約12分鐘即可到達
營業時間:12:00 – 19:00
網址:https://pour-mademoiselle.com

 

必買大阪二手店、古著店推薦|Brand Off なんば店(Brand Off 難波店)

@ブランドオフ なんば店(BRAND OFF)Facebook

Brand Off係日本超出名嘅二手名牌手袋鎖售店,雖然香港都有Brand Off嘅分店,但係喺大阪難波呢間店面大,貨品齊全,1樓主要係賣Chanel同Hermes,而2樓就有LV等高級品牌,仲周不時有獨家稀有顏色嘅手袋,被封為遊客最愛嘅二手名牌店。

 

Brand Off なんば店(Brand Off 難波店)
地址:大阪府大阪市中央區難波1丁目7番1號 mamaビル(顯示地圖
交通:「難波」站步行約3分鐘;或「心斎橋」站步行約12分鐘即可到達
營業時間:10:30 – 20:00
網址:http://www.brandoff.co.jp/shop_list/shop.php?shop=011namba

 

📖延伸閱讀:【Hotels.com大使推介】和歌山行程懶人包—帶你食盡各大和歌山美食、水果
📖延伸閱讀:【大阪親子遊】夏日大阪岬公園遊玩指南2018!(大阪水上樂園+動物園+睇海豚4合1)

 

必買大阪二手店、古著店推薦|Dollar 堀江店

@Dollar 官網

Dollar 分別喺梅田同堀江都有實體店,堀江係總店,呢度收集嘅二手牌子有過50種以上咁多,行到你花多眼亂、買到手軟!貨品由小飾品戎指到衫鞋都應有盡有,而且好多都仲係名牌嚟,Givenchy、Balenciaga、Saint Laurent Paris 同 Dior 等等國際品牌都有,而且仲保存得好「高汁」,好多時唔洗150港元就買到件潮T-shirt,所以Dollar呢間古著店好受日本人同遊客歡迎!

鋪面時尚簡約,大落地玻璃透光,再加白色嘅牆身,令到二手貨品唔洗打太多光之下,就顯得好有格調,而且貨品非常新淨,睇落就同全新貨品一樣冇分別。如果想睇定有邊啲啱,可以上佢哋官網睇睇先,有啲貨品只會喺某一間分店先有㗎!

 

Dollar 堀江店
地址:大阪府大阪市西区南堀江1丁目25-17 相互ビル2樓(顯示地圖
電話號碼:06-6536-8099
營業時間:12pm – 9pm
網址:http://online.dollar.jp.net/

 

大阪住宿推介|御堂筋酒店

御堂筋酒店

御堂筋酒店位於大阪市中心,距離大阪難波站只係需要3分鐘步程,仲有電梯出入口,拖住個喼行都好方便。而且御堂筋酒店就係購物區,夜晚12點都仲好燈火通明,啱哂想行通宵嘅朋友啊!

 

御堂筋酒店
地址:大阪3-7-20 Chuo-ku Nanbau (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★☆☆
價格 | 查看價格


大阪住宿推介|心齋橋溫泉多米旅館

心齋橋溫泉多米旅館

心齋橋溫泉多米旅館距離美國村只有3分鐘步程,最適合鍾情流連美國村古著店嘅朋友。溫泉多米旅館有大浴池同兩個按摩溫泉浸,行到攰一攰都唔怕!最特別嘅係酒店每晚9到11點就會有免費拉麵,宵夜都送埋,簡直就係大滿足!

 

心齋橋溫泉多米旅館
地址:大阪Chuo-ku2-17-3 Nishishinsaibashi (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★☆☆
價格 | 查看價格

 

📖延伸閱讀:【90後窮遊】最高CP值!嚴選6間大阪Hostel、大阪民宿推薦!

 

大阪住宿推介|Via Inn 心齋橋


Via Inn 心齋橋酒店距離心齋橋站2分鐘步程,交通方便,等你可以瘋狂去道頓崛同心齋橋購物!另外,酒店包免費自助早餐同免費Wi-Fi,房價最平只需大約港幣$806,好抵啊!

Via Inn 心齋橋
地址:大阪1-10-15 Nishishinsaibashi, Chuo-ku (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆
價格 | 查看價格

 

📖延伸閱讀:【窮遊大阪-平價住宿篇】Top 5 大阪膠囊酒店!

 

大阪住宿推介|心齋橋誠信酒店

心齋橋誠信酒店係一間三星半酒店,客房最細有17平方米,價格由$670起,性價比極高。而且酒店鄰近心齋橋筋商店街同心齋橋站,加上酒店歐陸式建築嘅外表,小編都好心動啊!

 

心齋橋誠信酒店
地址:大阪Chuo-ku3 Chome-3-17 Minamisenba (顯示地圖)
星級 | ★★★☆☆  
位置 | ★★★★☆  
設施 | ★★★★☆  
環境 | ★★★★☆
價格 | 查看價格

 

大阪住宿推介|心齋橋法拉格飯店 (HOTEL THE FLAG Shinsaibashi)

@Facebook

呢間酒店一睇佢白瓷磚再加木紋嘅門口就知,佢係行時尚簡約路線!一行入到大堂,佢嘅設計風格更加會令你驚嘆原來喺大阪市中心都可以搵到咁型格、寧靜同舒服嘅酒店住宿。

@Facebook

至於酒店房亦都非常簡潔,廁所方面以灰色為主,時尚感覺重,如果住豪華雙床房仲會有浴缸比你浸浴𠻹。

係咪每次都要帶個wifi蛋去日本好麻煩呢?唔緊要,酒店為你設置一部可以上網嘅智能電話,就算你唔好彩冇電話又好、無wifi蛋都好,你可以帶酒店提供嘅電話出街就得,就算唔見咗都唔會冇咗自己啲相嘛。而且酒店鄰近心齋橋,就算玩夜啲都唔怕!附近仲有唔少宵夜店,就好似磯丸水產同昭和大眾燒肉等等。

 

心齋橋法拉格飯店 (HOTEL THE FLAG Shinsaibashi)
地址:1丁目-18-30 東心斎橋 中央区 大阪市 大阪府 542-0083 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆
價格 | 查看價格  

 

 

Hotels.com酒店優惠