定期送上世界各地最新、最地道嘅旅遊資訊!

【澳洲自由行】大堡礁潛水自由行攻略連酒店推薦!

好多人一聽到澳洲大堡礁,第一時間一定諗起凱恩斯(Cairns)。但大家又知唔知,其實大堡礁係一個由900多個島嶼組成嘅群島,由澳洲最北端的約克角半島(Cape York),一路延伸到最南端的邦得(Bundaberg),全長2,600公里。而當中最受歡迎睇大堡礁嘅地方就係凱恩斯!所以今次就介紹凱恩斯大堡礁潛水攻略比大家啦!

 

澳洲自由行攻略|大堡礁潛水套餐推介|Down Under Cruise

喺眾多嘅潛水團同船公司當中,Down Under Cruise就比較優惠同多元化,最岩就係咩都想試吓,但又唔想荷包大出血嘅旅客。

@Facebook

最怕去玩水上活動坐嘅船又污糟又窄!所以呢間公司嘅一大賣點,就係佢地嘅船比起差唔多價位潛水團嘅船豪華之外,又夠乾淨!


@Facebook

小編覺得喺眾多嘅packages當中Evolution Get High Package最抵玩,CP值最高!行程由將會去到位於Saxon Reef,Hastings Reef或Norman Reef嘅其中2個潛點,而逗留時間長達5小時,比你無限制浮潛機會,包你一定睇到超靚珊瑚同各種海洋生物!

@Facebook

行程仲包括一次體驗潛水,如果有潛水牌嘅就可以玩埋深潛。船公司將會提供45分鐘嘅專業講解,確保大家學識潛水嘅基本技巧,先會比大家開始潛水。而且潛水全程都會有專業教練跟隨,大家可以玩得安心。

@Facebook

呢個行程,除咗價錢優惠,包埋超豐富嘅海鮮BBQ午餐,仲有紅白酒提供!都仲未完!最正就係包埋坐直升機俯瞰大堡礁,都唔洗$300AUD,平時淨係坐直升機都差唔多呢個價啦!咁抵嘅價錢,就可以飛天下海,全方方位體驗大堡礁嘅絕美!仲唔快啲book酒店同機票?

 

GETHIGH Evolution Get High Package
套餐包括:
– 一次體驗潛水(唔需要潛水牌)或深潛(需要潛水牌)
– 10分鐘直升機俯瞰大堡礁
– 5小時到訪2個外堡礁潛點
– 無限制浮潛(只要船停泊到潛點,就可以隨時落海浮潛)
– 海鮮BBQ午餐
– 回程芝士水果拼盤以及紅白酒

套餐費用(只供參考):$289AUD

 

Down Under Cruise
地址:287 Draper St, Parramatta Park QLD 4870顯示地圖
官網:http://www.downunderdive.com.au/

 

澳洲自由行攻略|大堡礁潛水常見問題

Q1. 潛水需唔需要考潛水牌?

潛水分為浮潛(Snorkeling) 、體驗潛水(Discover Scuba Diving),同深潛(Scuba Diving),浮潛基本上係唔需要特別訓練,主要係靠用一支呼吸管,然後係水面上漂浮去觀察水中生物。而體驗潛水就係比無潛水牌照,但又想體驗潛水嘅人去參與,一般最深只會潛到12米。而無深度限制嘅深潛就一定要考潛水牌啦!

 

Q2. 游水唔叻可唔可以潛水?

游水主要係水面上使用嘅技巧,而潛水喺水底嘅活動,同泳術叻唔叻唔太相關,所以就算游水唔叻都可以潛水。雖然理論上,唔識游水都可以潛水,但始終潛水都有一定危險性,大家一定要量力而為呀!

 

Q3. 潛水年齡限制

澳洲法定12歲以下小童唔可以參與出海深潛活動,18歲以下需由監護人陪同參加。65歲或以上需要提供醫生紙證明身體狀況許可參與潛水。

 

大堡礁潛水自由行|凱恩斯酒店推介|曼特拉海濱大道酒店

酒店位於凱恩斯大道(Cairns Esplanade)對面,距離沙灘只需行3分鐘,最正喺行去所有潛水團出發點Reet Fleet礁島游艇碼頭都係5分鐘,夠哂方便!
酒店設施完善,有游池,仲有全天候開放嘅健身室!
海景房設有露台,一望出去就係陽光與海灘,一個字!嘆!

 

曼特拉海濱大道酒店
地址:AUS開恩茲53-57 The Esplanade (顯示地圖)
星級 | ★★★★☆   
位置 | ★★★★☆  
設施 | ★★★☆☆  
環境 | ★★★★☆
價格 | 查看價格  

 

澳洲自由行攻略|凱恩斯酒店推介|凱恩斯瑟貝爾國際酒店

凱恩斯瑟貝爾國際酒店係一間性價比極高嘅5星級酒店,無論係位置、環境定設施,呢間酒店都無得輸!

酒店除咗有泳池、池畔酒吧,仲有SPA!玩完一日,帶住疲累嘅身軀返到酒店,做返個SPA,真係好梳乎!
房間唔單止裝修豪華,乾淨企理,住過嘅人客都大讚呢到服務一流!再加上無敵海景,包你住得身心舒暢!

 

凱恩斯瑟貝爾國際酒店
地址:AUS開恩茲17 Abbott Street (顯示地圖)
星級 | ★★★★★   
位置 | ★★★★☆  
設施 | ★★★☆☆  
環境 | ★★★★☆
價格 | 查看價格  

 

澳洲自由行攻略|凱恩斯酒店推介|凱恩斯普爾曼礁酒店及賭場

凱恩斯普爾曼礁酒店係一間設計獨特,充滿格調嘅超級豪華嘅酒店。呢到除咗有屋頂泳池、賭場,仲有4間提供live music嘅酒吧!而呢到嘅餐飲更加係非常出名,當中泰國餐廳Tamarind仲曾經獲獎!

而最大特色一定係Cairns Wildlife Dome正正就位於酒店內,大家可以睇到熱帶雨林獨特嘅動物!真係大人細路喺呢到都一定搵到樂趣呀!

 

凱恩斯普爾曼礁酒店及賭場
地址:AUS開恩茲35-41 Wharf Street (顯示地圖)
星級 | ★★★★★   
位置 | ★★★★☆  
設施 | ★★★★☆  
環境 | ★★★★☆
價格 | 查看價格  

 

Hotels.com酒店優惠