定期送上世界各地最新、最地道嘅旅遊資訊!

【塔斯曼尼亞租車自駕】塔斯曼尼亞薰衣草園遊記+大熱薰衣草熊手信攻略!

塔斯曼尼亞必遊景點一定包括薰衣草園同鬱金香花海,但睇唔同嘅花其實係分唔同嘅季節同時間, 好多人以為只要係春夏季嚟睇,就一定可以睇到花海,但你又知唔知唔同嘅花都有特定嘅開花時間?就等小編準備一個賞花攻略比大家,等大家唔洗撲空啦!仲會教埋你上Hotels.com下載最新訂房優惠代碼,用至抵價錢book酒店!即刻上Blogshotels.com睇啦!

 

📖延伸閱讀:【塔斯曼尼亞遊記】追蹤美絕粉紅塔斯曼尼亞南極光!南極光時間、季節攻略!

 

塔斯曼尼亞租車自駕|塔斯曼尼亞推介|Bridestowe Lavender Estate

Bridestowe Lavender Estate號稱係南半球最大嘅薰衣草園,佔地260英畝,足足有成百個足球場咁大!嚟到塔斯,絕對值得拜訪一下,包你影相影到唔捨得走!

交通攻略
Bridestowe Lavender Estate位於塔斯東北面嘅一個山谷,自駕遊嘅話,由朗塞斯頓(Launceston)開車,大概只需要四十分鐘就可以到達。如果唔識揸車,亦可以乘搭往返朗塞斯頓同薰衣草原嘅公共巴士同穿梭巴士(Saintys Shuttle):

公共巴士RDFH Sainty – North East Bus Services
上車地點:Launceston Transit Centre
時間:每日一班往返,逢星期一至五
Launceston > Bridestowe Lavender Estate 08:00 – 08:45
Bridestowe Lavender Estate > Launceston 15:45 – 16:30

穿梭巴士Saintys Shuttle
上車地點:Launceston Visitor Information Centre
時間:每年十二月至次年四月,每日一班
預約電話:1800 651 827


每年十二月至一月係薰衣草盛開嘅花期,所以呢段日子入場都需要收費,而其他日子就免費。如果喺盛開嘅時候,去到門口已經聞到濃濃嘅薰衣草香!以前一直都覺得薰衣草係廁所香精味,但新鮮嘅薰衣草原來係咁清新,聞落真係好有舒緩嘅感覺!唔怪得知薰衣草被標榜有安眠嘅功效啦!

 

一入到園內已經見到一望無際嘅薰衣草,對於來自大城市嘅人嚟講,呢種情境真係畢生難忘!仲唔瘋狂影相吸like?

 

提提大家,嚟呢到就係掃手信嘅最佳時機。呢到嘅薰衣草商店所賣嘅薰衣草產品都非常吸引,無論係買手信定自用都一定搵到岩你心水嘅產品!

當中最出名就一定係Bobbie薰衣草小熊啦!唔好以為佢係一隻普通嘅公仔,其實內有乾坤!小熊身體入面裝滿左乾薰衣草,只要放入微波爐叮嚇佢,就會變成一個發出陣陣薰衣草香嘅發熱包,冬天攬住訓真係好舒服㗎!

另外,小熊形狀嘅薰衣草番梘同薰衣草茶都係好受歡迎嘅手信之選,每次小編帶朋友嚟都買到停唔到手!

行到攰,買到手又軟,就梗係要食返杯薰衣草雪糕叉下電啦!呢度嘅薰衣草雪糕非常軟滑,仲帶有淡淡嘅薰衣草香,味道好特別㗎,嚟到一定要試下!

呢到仲有一隻超巨型嘅Bobbie,有時會收埋咗係一間草棚入面,要問工作人員先會開門比你入去同佢影相,唔係好多人知㗎咋!記得去到搵下佢啦!

 

Bridestowe Lavender Estate
地址:296 Gillespies Road, Nabowla Tasmania 7254
開放時間:
春夏季(十月至次年四月):9:00-15:00,一周開放7天
秋冬季(五月至九月):10 :00-16:00,星期一至星期五開放
收費:每年十二月至一月入場費為$10AUD,而其他日子免費
網址: https://bridestowelavender.com.au

 

📖延伸閱讀:【塔斯曼尼亞遊記】本地人大推必去特色市集、景點- MONA博物館

 

塔斯曼尼亞租車自駕|塔斯曼尼亞推介|Table Cape Tulip Farm


就唔啱日子去睇薰衣草?唔緊要!每年春天十月都係鬱金香嘅盛開時期,位於塔斯北部嘅小鎮溫雅德(Wynyard)都會舉辦盛大嘅鬱金香節(Bloomin’ Tulip Festival),無論係遊客定當地人都會慕名而來參與。鬱金香節除左係睇盛開嘅鬱金香,仲有好多唔同嘅攤檔同慶祝活動,夜晚仲會有煙花睇添!咁精彩,唔怪得知咁多人參加啦!

行程攻略

Table Cape Tulip Farm位於塔斯最北部,如果由荷伯特(Hobart)揸車去要四個鐘,由朗塞斯頓(Launceston)去就要差唔多兩個鐘車程。所以最好就係喺鄰近鬱金香園嘅伯爾尼(Burnie)機場落機,先去賞花,由塔斯北部開始玩返落去南部,再喺荷伯特機場飛走,咁就可以省卻左好多車程,玩得更加盡興啦!

@static1.squarespace.com

鬱金香盛開嘅時候,成個鬱金香園五顏六色,非常之鮮豔奪目,就好似係地上嘅彩虹咁。無論係咪愛花之人,見到咁壯觀嘅花海都一定會驚嘆連連!

 

小貼示

由於天氣嘅情況每年都會有唔同,所以開花嘅時間有機會提早,又或者係延遲,所以喺計劃行程嘅時候,記得要上去官網查清楚開花期呀!

 

Table Cape Tulip Farm
地址:363 Table Cape Road, Table Cape, Tasmania 7325
開放時間:春季(九月尾至十月中):9:00-16:30,一周開放7天
收費:入場費成人$12AUD,小童$8AUD (16歲以下)
網址:http://www.tablecapetulipfarm.com.au/

 

📖延伸閱讀:【塔斯曼尼亞遊記】零距離接觸塔斯獨有野生動物-企鵝、袋鼠

 

塔斯曼尼亞租車自駕|塔斯曼尼亞租車貼士


@ikeamarch

喺塔斯曼尼亞自駕遊,同香港一樣都係右軚駕駛,對香港人嚟講可以話係完全冇障礙。不過注意返,喺塔斯曼尼亞自駕遊必需要年滿21歲,同埋要有三年駕駛經驗。喺保險方面,建議買全保,因為澳洲嘅路面隨時會有小動物行過、或者路面會有彈起嘅碎石,有機會整花部車!GPS導航好多時都要另外加錢租,如果手機可以開到Google Map嘅話,都可以唔租GPS嘅,不過就要確保手機有足夠數據上網同網絡接收得好喇。還車前一定要先入滿油,還車手續通常都好簡單,只需要將車駛返到還車地點,等車公司職員簡單檢查一下車嘅狀況就可以離開。

 

📖延伸閱讀:【塔斯曼尼亞自駕遊】當地人介紹!必去塔斯曼尼亞景點、必食、酒莊行程全攻略

 

塔斯曼尼亞租車自駕|塔斯曼尼亞住宿推薦|瑪德森渡假屋 (Madsen Retreat)

小編之前去都係即日來回,今年決定慢慢欣賞,喺附近嘅企鵝鎮(Penguin)住左一晚。今次入住嘅係一間悠閑渡假屋。

 

唔好聽落係渡假屋,就以為好簡陋,但呢間瑪德森渡假屋一啲都唔簡單!一入到屋就非常光鮮整齊,有超級大嘅廚房任你用,公共空間有好多梳化,有電視機,仲提供左唔同嘅圖版遊戲比你任玩。而且設備非常齊全,有洗衣機同乾衣機,咖啡機,仲包埋早餐,完全係酒店式享受!

 

房間非常寬敞,仲有海景套房比你揀!成間渡假屋只有四間房,如果多人一齊入住,仲可以包哂成間屋!小編今次非常好彩,無其他人入住,同幾個朋友包左成間屋,真係爽呀!下次一定約埋成班朋友,又再包場!

 

瑪德森渡假屋 (Madsen Retreat)
地址:6A King Edward Street, Penguin, TAS 7316 (顯示地圖)
星級 | ★★☆☆☆  
位置 | ★★★★☆  
設施 | ★★☆☆☆  
環境 | ★★☆☆☆
價格 | 查看價格

 

塔斯曼尼亞租車自駕|塔斯曼尼亞住宿推薦|阿爾瑪朗酒廠小屋酒店

阿爾瑪朗酒廠小屋酒店位於維羅酒莊附近,呢度最吸引嘅係個酒莊同河景。酒店入面用咗好多落地玻璃,採光非常好,同時又可以望到個靚景,十分寫意!酒店入面唔係有太多房,唔會覺得好雜同好嘈。酒店入面仲有個好靚嘅花園,非常舒服。酒店房有煮食爐具,可以買餸返去煮,好有度假feel!

 

阿爾瑪朗酒廠小屋酒店
地址:1A Waldhorn Drive, TAS 7316 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★★☆
價格 | 查看價格

 

塔斯曼尼亞租車自駕|塔斯曼尼亞住宿推薦|特瑞瓦林小屋

特瑞瓦林小屋擁有一個又靚又廣闊嘅河景,無論喺露台定係房間入面都可以望到咁優美嘅景觀!雖然特瑞瓦林小屋被綠野包圍住,但係其實由小屋到市區只係幾分鐘嘅車程,去邊都好方便!房間入面好乾淨,而且室內裝修好簡約樸素,好多家嘅感覺。

 

特瑞瓦林小屋
地址:9 Elben Court, TAS 7250 (顯示地圖)
星級 | ★★★★☆  
位置 | ★★★★★
設施 | ★★★☆☆  
環境 | ★★★★★
價格 | 查看價格

 

📖延伸閱讀: 【塔斯曼尼亞自駕遊】當地人推薦!尋找最好食嘅塔斯曼尼亞生蠔!(連塔斯曼尼亞租車攻略)
📖延伸閱讀:【塔斯曼尼亞必食】五大必食塔斯曼尼亞美食餐廳推介!(連荷伯特美食推介)
📖延伸閱讀:【塔斯曼尼亞遊記】世界級自然遺產-搖籃山旅遊、酒店攻略!
📖延伸閱讀:【黃金海岸沙灘】澳洲黃金海岸美食、景點、自駕遊手冊大全 (連黃金海岸餐廳推薦)

 

Hotels.com 酒店優惠