定期送上世界各地最新、最地道嘅旅遊資訊!

【玩轉台灣外島】仲夏台灣綠島潛水之旅行程懶人包!(連綠島景點、住宿推薦)

台灣外島嘅綠島擁有豐富嘅海洋生態,每年吸引左唔少國外潛水客千里迢迢嚟到綠島潛水一睹呢個世界級嘅海底景觀。今次小編就為大家精選咗5個台灣綠島景點連住宿,等你可以享受一個碧海藍天嘅假期!

 

 

台灣綠島景點|綠島潛水地點推薦|石朗潛水區

@Flickr

欣賞優美嘅海底景觀,咁就絕對唔可以錯過石朗潛水區啦!石朗係國際級潛水天堂,亦係綠島最具知名度嘅浮潛景點,擁有唔少珍貴軟硬珊瑚。其中比較出名「大香菇珊瑚」, 位於南寮灣水深20公尺, 係世界上體型最大團塊微孔珊瑚,有12公尺咁高,相當稀有珍貴!每年四月,你仲可以睇到飛魚群喺海面上飛舞跳躍畫面,令人流連忘返!

 

石朗潛水區
地址:台東縣綠島鄉南寮港口附近(顯示地圖

 

📖延伸閱讀:【花蓮自由行】尋找花蓮海岸秘境—絕密花蓮景點大公開!

 

台灣綠島景點|綠島潛水地點推薦|柴口浮潛區

@Flickr

嚟到綠島點可以唔浮潛呀!柴口浮潛區係綠島三大浮潛區之一,位於中寮灣,海岸屬於礁岩平台地形,海域變化層次多,擁有石珊瑚景觀同各式各樣熱帶魚群,係最佳浮潛地點!柴口浮潛區四周都被珊瑚礁、火山岩包圍住,水質清澈,豐富海洋生物可以一覽無遺,係熱門浮潛勝地!

 

柴口浮潛區
地址:台東縣綠島鄉環島公路2公里處(顯示地圖
營業時間:全天候開放

 

📖延伸閱讀:【宜蘭親子遊】4日3夜短線行程!本地人推薦宜蘭必去、必食攻略!

 

台灣外島 | 台灣綠島景點推薦|朝日溫泉

@Flickr

除左喺綠島浮潛、潛水之外,其實夏天浸下溫泉都係一種另類享受!朝日溫泉係綠島必去景點, 坐擁依山面海嘅景色,擁有非常罕見嘅海底溫泉。溫泉帶有海水鹹味,浸完感覺成個人煥然一新,店家仲介紹佢哋嘅溫泉對皮膚病同腸胃疾病都有唔錯嘅療效㖭!喺呢度你仲可以一邊溫泉一邊欣賞日出,絕對係雙重享受呀!

 

朝日溫泉
地址:台東縣綠島鄉公館村溫泉167號(顯示地圖
營業時間:10 – 4月6:00-24:00 ; 6 – 9月5:00-2:00
票格:成人台幣200元;12歲以下與65歲以上台幣100元

 

📖延伸閱讀:【台東自由行】台東景點懶人包!所有必去景點一次過話你知!

 

台灣外島 | 台灣綠島景點推薦|綠島燈塔

@Flickr

綠島燈塔係綠島地標之一,建於1939年,位於綠島最西北海岸高地。綠島燈塔由來係嚟自於一場船難。當年綠島居民營救一艘美國豪華郵輪後,美國為左表達感謝熱心綠島居民而建造呢座燈塔。引人注目白色塔身,矗立於機場跑道海岬上,由塔頂可以俯瞰全島,景色極佳。去燈塔路途上仲有好多矮小白色房屋,絕對係打卡嘅熱門景點!

 

綠島燈塔
地址:台東縣綠島鄉中寮村緊鄰綠島西北岬的鼻頭角(顯示地圖
營業時間:09:00 – 17:00 (4月- 10月開放至18:00),逢星期一不開放

 

📖延伸閱讀:【台北自由行】Top 10 最新台北民宿推薦2018!

 

台灣外島|台灣綠島住宿 |戀戀火燒島民宿 (Sanasai Inn)

戀戀火燒島民宿, 綠島鄉

戀戀火燒島民宿位於石朗潛水區,風景優美,住宿位置優越,民宿步行1分鐘就可以到達海灘。民宿提供私人花園同陽光露台,氣氛好好㗎!

 

戀戀火燒島民宿 (Sanasai Inn)
地址:TWN綠島綠島鄉南寮村漁港 1-80 號 (顯示地圖)
星級 | ★★★☆☆
位置 | ★★★★★  
設施 | ★★★☆☆  
環境 | ★★★★☆  
價格 | 查看價格

 

 

台灣外島|台灣綠島住宿 |綠島綠野仙蹤鄉村童話民宿 (Hostel Green520)

綠島綠野仙蹤鄉村童話民宿, 綠島鄉, 住宿範圍

綠野仙蹤鄉村童話民宿以童話為主題,坐落於綠島鄉嘅中心地帶, 附近仲有唔少熱門景點,係遊覽綠島嘅最佳住宿選擇!感覺好夢幻好浪漫,最適合情侶過嚟度假,嘆下二人世界!

 

綠島綠野仙蹤鄉村童話民宿 (Hostel Green520)
地址:TWN綠島公館路61號 (顯示地圖)
星級 | ★★★☆☆
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

 

Hotels.com酒店優惠