定期送上世界各地最新、最地道嘅旅遊資訊!

【米芝蓮追星地圖】台北米芝蓮星級餐廳潮聖攻略2019

台北米芝蓮餐廳指南新鮮出爐,全台北有20間餐廳上咗榜!一場嚟到台北,冇理由唔去試下嘅!所以小編就準備咗台北米芝蓮餐廳追星地圖,同大家一齊去食好西!

 

米芝蓮2018 | 台北米芝蓮餐廳推介|頤宮 ★★★

@ldchotels

第一間要同大家介紹嘅餐廳就係榮獲米芝蓮三星嘅-頤宮喇!頤宮係台北君品酒店入面其中一間餐廳,餐廳入面嘅裝修好華麗,無論係環境定係氣氛都係一流。頤宮主打中菜料理,全部菜式都係用上最新鮮同時令食材,無論係精美點心定係各式小菜,都別具水準!


@3___littlepigs
 
脆皮先知鴨,每隻大約2-3人份量 (需預約)

 

頤宮最出名嘅就係呢一道「脆皮先知鴨,選用來自宜蘭,只有25-28日大嘅小北鴨,用鴨身釀入多種中藥材,然後醃製兩日,之後就會放入傳統烤爐烤大約40分鐘,鴨肉肉質嫩滑,加埋爽脆嘅外皮,外脆內軟,真係諗起都流口水呀!

 

頤宮
地址:大同區承德路一段3號17樓 (顯示地圖
交通:捷運台北車站站出口M1, 步行約4分鐘
營業時間:11:30 – 14:30;17:30 – 21:30

 

 

米芝蓮2018 | 台北米芝蓮餐廳附近酒店推介|HOME Hotel
Home Hotel, 台北市, 行政套房, 1 間臥室, 客房

HOME Hotel位於台北信義區中心,地理位置優越。酒店好近台北101,誠品信義同微風廣場等,有好多商鋪俾你行個夠!酒店附近仲有很多食肆,酒吧,絕對唔洗擔心吃喝嘅問題。
Home Hotel, 台北市, 行政套房, 1 間臥室, 浴室

 

HOME Hotel
地址:台北信義區松仁路90號 (顯示地圖)
星級 | ★★★★☆  
位置 | ★★★★☆  
設施 | ★★★☆☆    
環境 | ★★★★☆
價格 | 查看價格  

 

米芝蓮2018 | 台北米芝蓮餐廳推介|大三元酒樓


@joelin_0505

大三元酒樓喺1970年創立,到而家已經有48年嘅歷史。大三元酒樓雖然冇華麗嘅裝修,但係食物嘅質素絕對唔差!大三元酒樓樓高六層,係一間主打粵菜嘅餐廳,蝦餃、腸粉、燒賣等通通都有,絕對啱香港人嘅口味!


@foodmakesmehappy

大三元酒樓招牌菜就係北京烤鴨。佢哋北京烤鴨嘅皮好酥脆,油脂又豐厚,一咬落去,啲油就充滿咗成個口腔,但係又唔會覺得好油膩。加上大三元酒樓餅皮同其他酒樓嘅唔同,係用麥片做嘅,所以食起上嚟會有啲麥香,好特別㗎!

 

大三元酒樓
地址:台北市中正區衡陽路46號 (顯示地圖
交通:捷運西門站出口4, 步行約5分鐘
營業時間:11:00 – 14:00;17:00 – 21:00

 

米芝蓮2018 | 台北米芝蓮餐廳附近酒店推介|闊飯店
闊飯店 - 台北, 台北市, T 房型, 客房

闊飯店位於捷運南京復興站附近,行10分鐘左右就可以到達敦化南路,交通好方便。酒店附近亦有好多文青小店同餐廳等住你去探索!

闊飯店 - 台北, 台北市, O 房型, 浴室

 

闊飯店
地址:台北松山區南京東路三段333號 (顯示地圖)
星級 | ★★★★☆  
位置 | ★★★☆☆  
設施 | ★★★☆☆    
環境 | ★★★☆☆
價格 | 查看價格  

 

 

米芝蓮2018 | 台北米芝蓮餐廳推介|L’ATELIER de Joël Robuchon
@Facebook

Joël Robuchon係國際名廚,喺佢40歲之前,就已經有餐廳獲得米芝蓮三星嘅榮譽。今次就到位於台北嘅分店獲得米芝蓮一星嘅榮譽,所以絕對係米芝蓮嘅摘星殺手!


@Facebook

L’ATELIER de Joël Robuchon餐廳裝潢以紅、黑為主題,加上個開放式廚房,俾食客可以係享受美食嘅途中,欣賞廚師嘅烹調食物嘅過程,令到成個用餐過程更加有趣。

@Facebook 金黃米餅佐水波蛋及黑松露

L’ATELIER de Joël Robuchon主打法式創意料理,每一道菜都係好似一件藝術品咁精緻。餐點由前菜到甜品,都好有層次,食材都好新鮮,下次去台北一定要嚟試一試啦!

 

L’ATELIER de Joël Robuchon
地址:台北市信義區松仁路28號5樓 (顯示地圖
交通:捷運市政府站 3 號出口,步行約 5 分鐘
營業時間:11:30 – 14:30;18:00 – 22:00

 

米芝蓮2018 | 台北米芝蓮餐廳附近酒店推介|誠品行旅
誠品行旅, 台北市

誠品行旅位於松山文創園區入面,園區不定期會有唔同嘅展覽,加上酒店大堂有一大幅嘅書牆,所以成間酒店都充滿住文藝氣息。房間設計以一貫嘅簡約「誠品style」設計,佈置簡潔,如果你鐘意呢個品牌,咁你一定會鐘意住喺呢度!
誠品行旅, 台北市, 豪華標準客房 (Single Use), 客房

 

誠品行旅
地址:台北信義區菸廠路98號 (顯示地圖)
星級 | ★★★★☆  
位置 | ★★★☆☆  
設施 | ★★★☆☆    
環境 | ★★★★☆
價格 | 查看價格  

 

 

米芝蓮2018 | 台北米芝蓮餐廳推介|RAW

@Facebook

RAW係主打創新料理,將法國菜嘅特式同台灣24節嘅時令食材,以非傳統嘅方式處理,打造新派嘅funsion菜。


@Cityfootsters
 
RAW嘅Menu設計好特別

RAW最特別嘅係佢喺menu上係唔會寫低菜式嘅名同煮法,只會寫低菜式有咩原材料,每一道菜係啲咩嚟,都係嚟到先會揭曉,好有神秘感㗎!但係大家想去試就要留意啦,RAW長期都滿位,想訂位就要預早兩個星期上網預約啦!

 

RAW
地址:中山區樂群三路301號 (顯示地圖)
交通:捷運劍南路站出口3, 步行約8分鐘
營業時間:11:30 – 14:30;18:00 – 22:00 (逢星期二休息)

 

米芝蓮2018 | 台北米芝蓮餐廳附近酒店推介|HOME HOTEL DA-AN
HOME HOTEL DA-AN, 台北市, 驚艷客房 (含免治馬桶/一張大床), 客房

酒店位於台北忠孝復興站附近,酒店樓下仲有便利店,準備早餐同宵夜都好方便。酒店對面仲有巴士直達機場,唔洗拖住行李周圍走,正呀!
HOME HOTEL DA-AN, 台北市, 精品套房, 1 間臥室, 浴缸(含免治馬桶) , 浴室洗手台

 

HOME HOTEL DA-AN
地址:台北復興南路一段219-2號1樓 (顯示地圖)
星級 | ★★★☆☆  
位置 | ★★★★☆  
設施 | ★★★☆☆    
環境 | ★★★★☆
價格 | 查看價格  

 

 

台北米芝蓮餐廳推介|明福台菜海產

@marccorleone1976

最後一間要介紹嘅米芝蓮餐廳就係明福台菜海產啦!明福台菜海產係一間營業超過四十年嘅老店,餐廳入面嘅裝修好簡單,座位又唔多,但係一直都深受台灣政商名流去食,可想而知係有幾咁好食!

@ismshh
明福台菜海產主打台菜,其中一樣必點菜色就係-一品佛跳牆啦!明福嘅一品佛跳牆加入咗雞胇仔、魚翅、鮑魚、乾瑤柱、豬蹄、魚下頷、白果、冬蟲、竹筍等等幾十種嘅珍貴食材,勁足料!湯嘅味道好濃郁,加上所有食材都入口即溶,正呀!

 

明福台菜海產
地址:中山區中山北路二段137巷18號之1 (顯示地圖)
交通:捷運中山國小站出口2, 步行約4分鐘
營業時間:11:30 – 14:30;18:00 – 22:00

 

米芝蓮2018 | 台北米芝蓮餐廳附近酒店推介|台北中山雅樂軒酒店
台北中山雅樂軒酒店, 台北市, aloft Splash Room, 客房

台北中山雅樂軒酒店嘅房間好整潔,行1分鐘都唔洗就可以去到捷運中山國小站出口,地理位置好方便!酒店上面仲有個infinity pool,一路游水一路望住台北景色,正呀!
台北中山雅樂軒酒店, 台北市, 游泳池

 

台北中山雅樂軒酒店
地址:台北中山區雙城街 1 號 (顯示地圖)
星級 | ★★★★☆  
位置 | ★★★★★  
設施 | ★★★★☆    
環境 | ★★★★☆
價格 | 查看價格  

 

Hotels.com酒店優惠