定期送上世界各地最新、最地道嘅旅遊資訊!

【台北親子好去處】台北親子遊精選:台北親子酒店、餐廳、景點推薦!

相信有小朋友嘅家長們,都會趁小朋友放長假嘅時候全家人一齊去旅行,締造開心嘅回憶。今次Hotels.com Blog 率先為大家介紹台北親子遊攻略,精選最好玩嘅台北親子酒店同台北親子好去處景點!睇完呢篇台北親子遊 blog,帶埋仔仔女女去台北玩就完全冇難度啦!

📖延伸閱讀:【台東自由行】台東景點懶人包!所有必去景點一次過話你知!
📖延伸閱讀:【文青必去台北景點】打卡必去台北cafe、台北市集、旅店特集!

台北親子遊|台北親子景點|KidsAwesome奧森兒童博物館

@Facebook

KidsAwesome 奧森兒童博物館今年8月先啱啱開幕,係全台灣首個兒童博物館!博物館仿照美式兒童博物館嘅模式,專為0-10歲嘅小朋友而設,入面所有設施都好有互動性,小朋友可以喺玩嘅過程中訓練腦部同手腳嘅協調能力,寓學習於娛樂之中!


@Facebook

博物館入面劃分為多個唔同嘅區域,各區域可以激發小朋友各方面嘅潛能。就以呢一個三層樓高嘅攀爬架為例,小朋友玩之餘,仲可以同時訓練埋手腳嘅協調能力,一舉兩得!而且安全設備充足,入面有唔同大細嘅頭盔同護膝,小朋友自然玩得放心,家長又安心,呢點非常貼心。

@Facebook

入面仲會有大哥哥、大姐姐講故事,睇下相入面嘅小朋友幾投入就知故事有幾咁精彩啦!入面嘅哥哥姐姐都受過專業訓練,講故事嘅時候表情生動,戲劇性十足,就算係家長都可以聽埋一份,絕對唔會悶親!

 

台北親子景點|KidsAwesome奧森兒童博物館

地址:台灣台北市大安區信義路三段153號1樓(顯示地圖
開放時間:10:00 – 17:00(逢星期二休息)
門票價錢:孩童:800元(3歲以上~16歲)
     成人:200元(16歲以上)
     幼兒:300元(0~3歲,6個月以下幼兒免費)
交通:捷運大安站步行2分鐘

 

台北親子遊|台北親子景點|台北市立兒童新樂園

@Facebook

講到小朋友最流連忘返嘅地方就緊係遊樂場啦!台北市立兒童新樂園係一間開幕超過60年嘅老字號遊樂園,入面所有機動遊戲都係為小朋友而設,家長唔洗擔心呢度嘅機動遊戲會太刺激而嚇親小朋友!樂園分為四大園區,包括玩具王國、魔法星球、幸福樂園同奇幻森林與夢想海,加埋總共有13款機動遊戲,一定夠你玩足成日啊!


@yah3052410

玩到黃昏日落,記得欣賞埋台北市立兒童新樂園嘅夜景先好走啊!夜晚五顏六色嘅燈光會逐漸亮起,充滿童真嘅兒童王國會搖身一變,變咗一個浪漫夢幻嘅地方。

 

@Facebook

通常大部份主題樂園會有小劇場同觀眾互動,台北市立兒童新樂園都唔例外,每日有三場或以上嘅演出,每月更加會定期更換演出內容,確保小朋友每次去都有新鮮感!樂園嘅小劇場係由「如果兒童劇團」經營同演出,演出唔單單淨係帶畀小朋友歡樂,每個小故事都有意思,可以啟發小朋友嘅思維同創意,過往嘅經典演出包括《胡桃鉗遇到安徒生》、《快樂王子》等等,每日演出都吸引咗大批小朋友捧場,簡直座無虛席啊!

台北親子景點|台北市立兒童新樂園

地址:台灣台北市士林區承德路五段55號(顯示地圖
開放時間:09:00 – 17:00(星期一至五)、0900 – 20:00(星期六)、0900 – 18:00(星期日)
門票價錢:NT$30
交通:捷運劍潭站出口轉乘公車41、紅30或兒樂2號線

 

台北親子遊|台北親子景點|奇樂多親子樂園


@a0936705993

奇樂多親子樂園係台北大型商場 Citylink 入面嘅室內樂園,落雨帶唔到小朋友去戶外,嚟呢度都可以玩成日!呢個親子樂園分為親子森林館同歡樂遊戲館,入面有好多玩樂設施,包括大型波波池同充氣滑梯,現場好多小朋友都玩到癲哂,歡笑聲不斷!而且商場入面有好多餐廳食肆,玩到肚餓行幾步就有美食任君選擇,非常方便。

@Facebook

呢度定期仲會有唔同嘅親子教學同埋興趣班,小朋友有嘢學之餘,又可以同爸爸媽媽互動下,促進親子關係,好溫馨!

 

台北親子景點|奇樂多親子樂園

地址:台灣台北市南港區忠孝東路七段369號C棟(顯示地圖
開放時間:11:00 – 21:00
門票價錢:NT$390(包一大一小)
交通:捷運南港站步行5分鐘

📖延伸閱讀:【台灣自由行遊記】平溪、九份,十分行程懶人包!

台北親子遊|台北親子景點|台灣昆蟲館


@otis_barflair 

小朋友之所以會驚昆蟲,係因為小朋友容易對唔熟悉或者未見過嘅生物產生恐懼。趁住呢次台北親子遊,不如帶佢哋去台灣昆蟲館深入認識唔同種類嘅昆蟲,了解佢哋嘅成長過程,過程中可以幫助減低佢哋對未知生物嘅恐懼同不安感,又可以認識地球上嘅自然生物,非常有教育意義!

 


@Facebook

除咗爬行昆蟲之外,呢度仲有隻刺蝟叫乳牛小妹,好可愛㗎!乳牛小妹亦都係昆蟲館嘅「小明星」,好多人都會特登嚟呢度探佢同埋影相打卡!

 

台北親子景點|台灣昆蟲館

地址:台灣台北市大安區和平東路三段406巷8號(顯示地圖
開放時間:星期一、三:18:00 – 21:00
     星期三 : 12:00 – 21:00
     星期四、五:16:00 – 21:00
     星期六、日︰10:00 – 21:00
費用:全免
交通:捷運麟光站步行2分鐘

 

🏨Top10台北人氣酒店住宿推介HK$482起 *安心價格保證*
[洛碁大飯店南京館 HK$699,碩美精品旅店 HK$702起,Home Hotel HK$1,592]

 

台北親子遊|台北親子餐廳|Money Jump親子餐廳

@Facebook

Money Jump 親子餐廳入面竟然有個旋轉木馬,仲真係可以坐上去玩添!唔單止小朋友可以坐旋轉木馬,大人都一樣可以!可能好多人都唔會對親子餐廳嘅食物有太高期望,不過你可以放心,Money Jump 親子餐廳係由五星級酒店主廚主理,食物精緻又好味,可以滿足味覺同視覺嘅雙重要求!

@Facebook

餐廳食物賣相吸引,味道更加冇得彈!包保小朋友同家長都會滿意!呢度嘅食物質素絕對可以媲美其他台北米芝蓮餐廳

 

台北親餐廳|Money Jump親子餐廳

地址:台灣台北市內湖區民善街127號(顯示地圖
營業時間:11:00 – 14:00、15:00 -17:30、18:00 – 21:00(逢星期一休息)
交通:捷運市政府站轉乘552、小2、藍7、藍26 至新湖三路口

 

台北親子遊|台北親子餐廳|大樹站 Mr. Tree Station

@Facebook

大樹站係一間專門為學齡前兒童而設嘅台北親子餐廳,餐廳外表仿照英國倫敦地鐵站而設計,淨睇外表會以為係一間英倫酒吧。餐廳入面有個巨型波波池,波波池內仲有木橋、滑梯等設施,啱曬精力充沛嘅小朋友!唔講唔知,波波池內有超過三萬個波!小朋友可以感受下畀成千上萬個波波包圍嘅滋味!留意返,呢間親子餐廳只接受預約咗嘅客人,想去記得上網或者打電話 book 位先喇!

@Facebook

餐廳仲有一個專為0-24個月嘅小朋友而設嘅玩樂專區,入面有爬行軟墊同迷你波波池!無論幾多歲嘅細路仔去到都一定有嘢啱玩!

 

台北親餐廳|大樹站

地址:台灣台北市大安區安和路二段83號(顯示地圖
營業時間:11:30 – 14:30、15:00 – 17:30、18:00 – 21:00
交通:捷運信義安和站步行5分鐘

 

台北親子遊|台北親子餐廳|Crazy Cart Cafe by TDS

@Facebook

相信咁多位家長都會有一個同感,就係男仔好鍾意車!唔知係咪男仔天生就對車有情意結,由小朋友時期已經成日扭計要買玩具車,大個咗更加想擁有一部自己嘅 dream car。Crazy Cart Cafe by TDS 就係一間以跑跑卡丁車為主題嘅台北親子餐廳,簡直係男仔嘅天堂,帶仔仔去就最岩啦!

@Facebook

除咗有真嘅迷你卡丁車可以玩,餐廳仲有賽車遊戲玩,比較細嘅小朋友玩唔到迷你車都可以玩遊戲機過下手癮!

 

台北親子餐廳|Crazy Cart Cafe by TDS

地址:台灣台北市內湖區陽光街300號(顯示地圖
營業時間:12:00 – 21:00(逢星期二休息)
交通:捷運港墘站步行15分鐘

 

🏨Top10台北大安區人氣酒店住宿推介HK$112起 *安心價格保證*
[馥華大觀商旅HK$445,璞漣商旅西門店 HK$482起,洛碁大飯店南京館 HK$699]

 

台北親子遊|台北親子酒店|野柳泊逸渡假酒店 (Boutix Resort Hotel Yehliu)

@Facebook

野柳泊逸渡假酒店位於台北北海岸風景區,隔離就係著名嘅野柳地質公園,去完十分、九份可以選擇入住呢間酒店,第二日先返去台北市中心,行程唔洗咁趕。酒店入面有好多專為小朋友而設嘅玩樂設施,包括戶外水上樂園、室內遊樂場等,最貼心係酒店仲有講故事時間同埋親子 DIY Workshop𠻹!

@Facebook

酒店入面仲有一個波波池畀小朋友玩!除咗呢個巨型波波池,仲有幾個滑梯,小朋友一定住到唔捨得走!

 

野柳泊逸渡假酒店
地址:新北市萬里區港東路 162-3 號 (顯示地圖)
星級 | ★★★☆☆  
位置 | ★★★☆☆  
設施 | ★★★★☆  
環境 | ★★★☆☆  
價格 | 查看價格

 

台北親子遊|台北親子酒店|和逸飯店‧台北民生館(HOTEL COZZI Minsheng Taipei)

@Facebook

呢間台北親子酒店雖然遊樂設施唔多,但勝在各式各樣嘅嬰兒用品都非常齊全!由嬰兒床、BB浴盤到兒童專用牙刷、牙刷同枕頭等等,酒店通通都有供應,認真抵讚!酒店位於台北中山區,旺中帶靜,交通亦四通八達,去邊玩都咁方便。
和逸飯店‧台北民生館
地址:台北民生東路二段 178 號 (顯示地圖)
星級 | ★★★★☆  
位置 | ★★☆☆☆  
設施 | ★★★☆☆  
環境 | ★★★★☆  
價格 | 查看價格

 

📖延伸閱讀:【台灣手信2018購物清單】Top 10 台北手信2018必買推介!
📖延伸閱讀:【快閃台北三日兩夜2018】台灣3日2夜食、玩、訓行程懶人包,酒店500蚊有找!
📖延伸閱讀:【台北溫泉旅行】六大必去台北温泉酒店推薦(含陽明山、北投溫泉酒店!)

Hotels.com 酒店優惠