定期送上世界各地最新、最地道嘅旅遊資訊!

【台北親子遊行程】輕鬆湊仔去旅行!3日2夜台北親子自由行終極行程

 

台北親子遊行程|台北親子自由行路線總覽

台北親子自由行路線總覽
@Flickr

台北親子遊行程已經玩到悶?出走近郊大自然,漫步茶園,發掘秘境,規劃別有教育義意嘅台北親子行程!2019台北親子自由行全新玩法,出發!即刻上Blogshotels.com睇啦!

 

DAY 1 親近自然:內湖士多啤梨觀光園 ➜ 碧山巖 ➜ 白石湖吊橋
DAY 2 感受文化:三峽老街 (文化古街) ➜ 三峽染工坊 ➜ 滿月圓森林遊樂區 ➜ 熊空休閒農場
DAY 3 探索秘景:石碇千島湖 ➜ 八卦茶園 ➜ 永安觀景步道

 

📖延伸閱讀:【快閃台北三日兩夜2018】台灣3日2夜食、玩、訓行程懶人包,酒店500蚊有找!
📖延伸閱讀:【新加坡自由行】新加坡親子遊去邊度?聖淘沙水上樂園、環球影城遊玩樂指南

 

台北親子遊行程|DAY 1景點推介|內湖莓圃觀光休閒果園

內湖莓圃觀光休閒果園
@Facebook

內湖絕對係台北近郊親子一日遊嘅好去處,每年12月至5月係內湖士多啤梨當造季節,唔單止有士多啤梨摘,可以滿足小朋友嘅願望,仲有得行下碧山巖同白石湖吊橋等睇景勝地,啱晒想一家大細親親大自然嘅你!

要留意嘅係士多啤梨季係士多啤梨園最熱門嘅檔期,園主為咗管制士多啤梨嘅數量,「要俾啲士多啤梨休息下」,訪客只限於假日可以落田摘士多啤梨,如當士多啤梨被摘到一定數目就會關園。如果唔想白行一趟,就要記得係中午前到達喇!

內湖莓圃觀光休閒果園_2
@Facebook

筆者就試過撞正星期一至五出遊,好彩轉角遇上一間士多啤梨cafe~cafe內有多款季節限定士多啤梨甜品譬如鮮士多啤梨汁、士多啤梨歐蕾、士多啤梨鬆餅、士多啤梨冰淇淋等等。

內湖莓圃觀光休閒果園_3
@Facebook

最值得一試嘅就係士多啤梨Pizza,酸酸甜甜嘅口味,好fresh好醒胃!另外,園區仲有好多士多啤梨口味嘅零食,好似有士多啤梨酥、糖霜餅乾等,買返一兩件返去做埋手信就掂晒!

 

莓圃觀光休閒果園
地址:台北市內湖區碧山路38-2號 (顯示地圖)
交通:搭乘文湖線至「內湖」站下車後步行5分鐘*
營業時間:12月至5月星期六及日11:00起開放#(平日不開放摘士多啤梨)

* 乘客可告知司機於莓圃士多啤梨園門口下車
#士多啤梨被採完就會暫停開放,無法預約,建議提早排隊

 

內湖莓圃觀光休閒果園士多啤梨cafe
地址:設於果園內 (顯示地圖)
交通:同上
營業時間:平日12:00 – 18:00;假日11:00 – 18:00
網址:http://blog.xuite.net/s.garden/coffee

 

台北親子遊行程|DAY 1景點推介|碧山巖、白石湖吊橋

碧山巖、白石湖吊橋
@philochen

摘完士多啤梨,當然要繼續探索內湖嘅大自然風光!碧山巖係台灣最大嘅聖王公廟,最吸引嘅係廟宇前方嘅白石湖吊橋,景觀開揚,仲可以一睹全台北市貌。白石湖吊橋入口位於碧山巖開漳聖王廟停車場旁。

碧山巖、白石湖吊橋_2
@cortbz

白石湖吊橋全長116公尺,橋身設計猶如龍骨,連接忠勇山同大崙頭山,可以遠眺橋下自然景色。白石湖吊橋入夜後更會亮燈,點點閃爍燈火令人眼前一亮!

碧山巖、白石湖吊橋_3
@yellow7322

體力唔錯嘅家庭,不妨更上一層樓,挑戰忠勇山山頂嘅打印亭!亭上可以清楚觀賞整條白石湖吊橋,更可俯瞰全台北面貌。有時間的話,更可以逗留至黃昏,欣賞台北日落。登亭途中,路上梯級上塗上繽紛嘅彩繪,一路行上山頂,一路有風景睇,又有靚相影,簡直係絕佳嘅親子活動。

 

碧山巖、白石湖吊橋
地址:台北市內湖區碧山路24號 (顯示地圖)
交通:貿商三村公車站、文湖線內湖站1號出口

 

📖延伸閱讀:【沖繩親子遊】沖繩親子景點、住宿、必食餐廳懶人包!
📖延伸閱讀:【曼谷小朋友去邊度】編輯嚴選親子曼谷cooking class + 曼谷親子餐廳一覽!

 

台北親子遊行程|DAY 2景點推介|三峽染工坊

三峽染工坊
@elsie0808

三峽名物包括有藍染手工藝品、碧螺春、金牛角麵包等等,街上全部都係特色食店同商鋪,食嘅、玩嘅、買嘅,仲有手作店都一應俱全,短短半日都未必行得晒。講到最適合親子嘅活動,筆者都非常推薦三角湧文化協進會入面嘅三峽染工坊,可以體驗親子藍染DIY!

三峽染工坊_2
@www.sanchiaoyung.org.tw
藍染體驗材料價目表

藍染物件由方巾、T-shirt到背包都有,價錢只係由200新台幣起,就可以一家大細動動手,製作屬於自己嘅紀念品,帶返屋企!

 

三峽染工坊
地址:新北市三峽區中山路20巷3號 (三峽歷史文物館旁 – 藍染展示中心) (顯示地圖)
交通:三峽國小公車站、捷運轉乘公車 (捷運板南線新埔站、府中站、永寧站、景安站)
營業時間:藍染體驗* – 10:00-16:00 (中午12:00-13:00休息)
網址:https://www.facebook.com/pg/三峽染工坊-201573859876658/
*5人以上需要預約

 

台北親子遊行程|DAY 2景點推介|三峽老街

三峽老街
@Flickr

三峽老街保留下唔少日佔時期嘅建築,街道、店鋪、民宅都好有日本格調~ 由台北市區去三峽都好方便,係台北車站搭捷運四個站再轉公車就抵達三峽老街,係台北近郊旅遊一個唔錯嘅選擇。

 

三峽老街
地址:台灣新北市三峽區民權街三峽老街 (顯示地圖)
交通:三峽國小公車站、捷運轉乘公車 (捷運板南線新埔站、府中站、永寧站、景安站)
網址:http://www.sanchiaoyung.com.tw

 

台北親子遊行程|DAY 2景點推介|滿月圓森林遊樂區

滿月圓森林遊樂區
@money7828

離開小鎮,三峽山林景色一樣令人著迷!食完lunch之後,推薦前往滿月圓國家森林遊樂區踏青~滿月圓國家森林遊樂區以「滿月圓山」形似滿月而命名,而園內溪流瀑布更有「瀑布天堂」之稱,去到一定要見識下滿月圓瀑布、處女瀑布兩大地標。

滿月圓森林遊樂區_2
@irenenlovely

相比香港嘅自然教育徑,滿月圓森林遊樂區範圍較廣,生物多樣性更豐富,每隔幾步路都可以見到各式各樣嘅動植物,而且森林嘅樹木生長高達幾層樓,相比起香港常見嘅灌木植物,完全係另一番景象。森林入邊仲有色彩鮮豔嘅青蛙、可愛毛毛蟲及各種生物,可以令小朋友體會到保護大自然環境嘅重要性!

 

滿月圓森林遊樂區
地址:新北市三峽區有木里174 -1號 (顯示地圖)
交通:台北客運滿月圓公車*站下車,沿蚋仔溪生態步道步行40分鐘
開放時間:平日08:00 – 17:00;假日07:00 – 17:00
票價:成人80新台幣(平日) 100新台幣(假日);學生或7-12歲兒童50新台幣;3-6歲幼童10新台幣
網址:http://recreation.forest.gov.tw/RA/RA_1_1.aspx?RA_ID=0200001
*公車時刻表可參閱 http://recreation.forest.gov.tw/RA/ra_1_2.aspx?RA_ID=0200001

 

台北親子遊行程|DAY 2景點推介|熊空休閒農場(熊空茶園)

熊空休閒農場(熊空茶園)
@yoheishimomae

台北近郊三峽高原地形非常適合種植茶葉!DAY2第三站,一於就去位於三峽海拔700公尺之上熊空茶園!茶園設於熊空休閒農場區內,空氣自然清新過人,盛產無污染有機農產品。

熊空休閒農場(熊空茶園_2
@ozenki1826

熊空茶園嘅品茶區旁有一大片綠悠悠樹木,而另一面景觀亦十分開揚。行得攰的話,可以坐低靜靜嘆返杯茶,休息一陣~

 

熊空休閒農場(熊空茶園)
地址:新北市三峽區竹崙路243-2號  (顯示地圖)
交通:隨招隨停公車棕15號、小10號,建議開車前往
開放時間:09:00 – 17:00(16:00停止售票)
票價:100新台幣*(100公分以下兒童免費入園)
網址:https://www.facebook.com/skttc970105?fref=ts
* 票價可抵用全商品,不包括餐點、飲料或兌換現金

 

📖延伸閱讀:【親子墾丁行程】4日3夜高雄墾丁自由行攻略大全 (連墾丁夜市必食推薦)
📖延伸閱讀:【台中親子遊】一家大細出遊!台中親子景點大全 + 清境住宿及日月潭溫泉酒店推薦!

 

 

台北親子遊行程|DAY 3景點推介|石碇千島湖

石碇千島湖
@taipeitravel

第三日出發前往離台北只有40分鐘車程嘅石碇。石碇收埋咗好多不為人知嘅台北近郊隱世秘景,包括千島湖、八卦茶園同位於最高處嘅永安觀景步道,可以順路逐一遊覽。當中,湖水顏色呈藍綠色嘅千島湖,位於石碇區翡翠水庫上游,好似仙境咁靚!

 

石碇千島湖
地址:新北市石碇區永安里 (顯示地圖)
交通:捷運「新店」站搭綠12公車到「十三股」站,再步行約30分鐘即到達

 

台北親子遊行程|DAY 3景點推介|八卦茶園

八卦茶園

石碇以出產「文山包種茶」、「東方美人茶」而聞名,而千島湖旁邊嘅八卦茶園,就係石碇最出名嘅茶園,台灣女星徐若瑄嘅御茶園廣告就喺園內取景。八卦茶園依山而建,八卦茶園邊走邊欣賞不同角度嘅景致之美,園內比熊空茶園種植更多鮮花,每年春天更有櫻花盛開,空氣中散發淡淡花香、茶香!

 

八卦茶園
地址:新北市石碇區永安里6 鄰北宜路6段獅仔頭坑巷16號 (顯示地圖)
開放時間:09:00 – 17:00
網址:http://www.tea8.com.tw

 

台北親子遊行程|DAY 3景點推介|永安觀景步道

永安觀景步道
@ringchang921

沿塗譚道路繼續前行就會到達永安觀景步道入口。永安步道全長約1公里,前段由泥路及石級路組成,帶住幼童的話需要比較小心,但當成功登上永安步道,就會覺得一切辛苦都值得!因為一次過眺望千島湖、八卦茶園全貌,同時於山道竹林深深吸一口新鮮空氣,令人精神為之一振,為旅程畫下完美句號!熱愛戶外、大自然嘅家庭切勿錯過!

 

永安觀景步道
地址:新北市石碇鄉永安社區 (顯示地圖)

 

📖延伸閱讀:【野柳景點懶人包】最強台北野柳地質公園景點行程!(連來回台北野柳交通攻略)
📖延伸閱讀:【太魯閣一日遊】台灣太魯閣國家公園景點懶人包 (連台北花蓮火車時刻表 + 太魯閣住宿推薦)

 

台北親子遊行程|台北親子住宿推薦|台北凱撒大飯店 (Caesar Park Taipei)

台北凱撒大飯店 (Caesar Park Taipei)

台北凱撒大飯店屬四星酒店,位於正台北車站對面,酒店附近搵野食極之easy,前往台北近郊交通亦甚為方便。酒店房間有33平方米,放到2張標準雙人床,最適合一家大小入住。

 

台北凱撒大飯店 (Caesar Park Taipei)
地址:台北市中正區忠孝西路一段 38 號 (顯示地圖)
星級 | ★★★★☆
位置 | ★★★★☆
設施 | ★★☆☆☆
環境 | ★★★★☆
價格 | 查看價格  

 

台北親子遊行程|台北親子住宿推薦|永安棧 (WESTGATE Hotel)

永安棧 (WESTGATE Hotel)

酒店位於西門町區,鄰近捷運站同台北車站,朝早去完近郊玩,夜晚仲可以返台北shopping食飯。酒店房間空間好大,擺到2張雙人床有餘,啱晒一家四口住。酒店自助早餐種類選擇多,小朋友都一定啱食。

 

永安棧 (WESTGATE Hotel)
地址:台北萬華區中華路一段150號 (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★★  
價格 | 查看價格  

 

台北親子遊行程|台北親子住宿推薦|城市商旅台北南東館 – 台北

城市商旅台北南東館 – 台北

酒店雖然唔太近市中心,不過附近有捷運站,由酒店行去捷運站約需5分鐘。另外,酒店亦鄰近饒河夜市,同樣只需5分鐘步程,地理位置上算係唔錯。另外,酒店仲可以提供BB床,亦有加床服務,非常適合攜帶幼童嘅家庭。

 

城市商旅台北南東館 – 台北
地址:台北南京東路五段 411 號 (顯示地圖)
星級 | ★★★☆☆
位置 | ★★★☆☆
設施 | ★★★★☆
環境 | ★★★★☆
價格 | 查看價格  

 

台北親子遊行程|台北親子住宿推薦|悠趣旅店 – 台北

悠趣旅店 – 台北

酒店裝修以簡約為主,房間整體乾淨企理。酒店配套完善,一落樓就有便利店、電影院、餐廳,非常方便。去捷運站同附近台北夜市都係5-8分鐘嘅路程,好適合帶埋小朋友一齊親子遊嘅家庭入住。

 

悠趣旅店 – 台北
地址:台北長安東路2段219號12樓  (顯示地圖)
星級 | ★★★☆☆
位置 | ★★★☆☆
設施 | ★★★★☆
環境 | ★★★☆☆
價格 | 查看價格

 

📖延伸閱讀:【大阪親子行程篇】大阪岬公園遊玩指南2018!(大阪動物園+睇海豚+水上樂園)
📖延伸閱讀:【東京親子遊2019】最新Top 6東京近郊親子景點 — 交通、住宿、美食總整理!
📖延伸閱讀:【台北美食系列】台北夜市推薦連人氣美食排名!
📖延伸閱讀:【台北新酒店】周邊配套超好!台北新酒店列表 (超近超市、便利店、捷運站!)

 

Hotels.com酒店優惠Hotels.com酒店優惠