定期送上世界各地最新、最地道嘅旅遊資訊!

【台北新酒店】周邊配套超好!台北新酒店推介列表 (超近台北超市、便利店、捷運站!)

台北玩嘅時候好多人都會選擇入住特色嘅民宿台灣呢幾年不斷有新嘅民宿進駐,間間都好型格好有特色,而家等小編介紹幾間就近台北超市台北捷運站便利店台北新酒店比大家啦!

 

📖延伸閱讀:【台北一人遊2018】獨遊台北玩法大解構(連台北一人住宿推薦)
📖延伸閱讀:【台北自由行】仲睇旅遊書?當地人話你知—最hit台北新景點 2018!

 

台北新酒店 | 最新台北民宿推薦|HOTEL PAPA WHALE

HOTEL PAPA WHALE

HOTEL PAPA WHALE2

 

HOTEL PAPA WHALE3

Hotel Papa Whale純白外牆上畫咗巨型鯨魚喺上面,輕工業風十足!酒店唔單止外牆型格,佢哋嘅房間設計亦非常之有心思,基本上每間酒店房都採用咗唔同風格嘅室內設計,好似有簡約嘅木紋小清新同埋復古風格任君選擇!

 

HOTEL PAPA WHALE4

入到酒店,你除咗會見到好多唔同種類嘅特色擺設之外,其實Hotel Papa Whale喺大堂仲放置咗好多書籍,等check-in、等集合嗰陣就完全唔使驚悶親啦!

 

HOTEL PAPA WHALE
地址:台北萬華區昆明街46號 (顯示地圖)
星級 | ★★★★☆  
位置 | ★★★☆☆  
設施 | ★★☆☆☆  
環境 | ★★★☆☆  
價格 | 查看價格

 

台北新酒店 | 最新台北民宿推薦|士林青年旅館

士林青年旅館

士林青年旅館位於台北士林區,由酒店行去士林夜市只需要5分鐘,訓晏啲都唔洗怕!士林青年旅館周不時都會提供場地予當地青年人表演,發揮所長,鐘意熱鬧嘅你又點可以錯過!

士林青年旅館2

如果你自問好Out-going,鍾意同來自世界各地嘅朋友吹水交流?咁你就一定要住喺呢度啦!酒店入面有一個好大嘅common area,你可以舒舒服服咁坐喺梳化同新朋友慢慢傾計,更深入認識對方!
士林青年旅館
地址:台北士林區文林路102號 (顯示地圖)
星級 | ★★☆☆☆
位置 | ★★★☆☆
設施 | ★★★☆☆
環境 | ★★★☆☆
價格 | 查看價格

 


台北新酒店 | 最新台北民宿推薦|儷客旅店 (西門町館)

儷客旅店 (西門町館)

儷客旅店 (西門町館)2

 

小編認為儷客旅店非常適合帶小朋友去台北親子遊嘅各位爸爸媽媽!皆因呢度除咗設有家庭房同埋房間面積十分寬敞之外,儷客旅店嘅房間佈置亦都相當colourful,牆上印有各式各樣嘅繪畫圖案,相信小朋友喺呢度訓一定會好開心!而且酒店嘅位置好方便,一出門口就已經係西門町同埋捷運站,想去台北唔同景點或者食好西買手信都完全無難度!

 

儷客旅店 (西門町館)
地址:台北市西寧南路36號10F之3 (顯示地圖)
星級 | ★★★☆☆  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格

 

台北新酒店 | 最新台北民宿推薦|米勒風尚行旅

米勒風尚行旅

米勒風尚行旅2

米勒風尚行旅都同樣位於西門町,一行入去入面嘅柔和燈光令人感覺非常舒服,真係好想即刻攤喺床上面乜都唔洗理!米勒風尚行旅嘅房間設計時尚感十足,用色亦以暖色為主,畀到客人一個賓至如歸嘅感覺,好Warm啊!除此之外,酒店離西門町站亦都只不過係3分鐘步程,得閒落街食野又得,想去任何地方都得,就算遲咗起身都無有怕啦!

 

米勒風尚行旅
地址:台北萬華區西寧南路72之1號5樓 (顯示地圖)
星級 | ★★★☆☆  
位置 | ★★★★★  
設施 | ★★★☆☆  
環境 | ★★★☆☆  
價格 | 查看價格

 

 

台北新酒店 | 最新台北民宿推薦|新驛旅店 (復興北路店)

新驛旅店 (復興北路店)

新驛旅店 (復興北路店)2

新驛旅店不嬲價錢都非常實惠,性價比極高!而呢間新驛旅店嘅新分店位處復興北路,絕對方便為咗睇演唱會而去台灣自由行嘅朋友,行去台北小巨蛋都只不過需要大約10分鐘,睇完演唱會狂歡完即刻返上房休息就最梳乎啦!另外,30分鐘之內嘅車程就可以到達松山機場,想嚟台北快閃自由行又點可以唔揀呢度啊!

 

新驛旅店 (復興北路店)
地址:台北中山區復興北路 338 號 (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★☆☆  
價格 | 查看價格  

 

台北新酒店 | 最新台北民宿推薦|citizenM 台北北門酒店

citizenM 台北北門酒店

citizenM 台北北門酒店2


citizenM喺上年先啱啱開張,係西門町第一間嘅國際品牌酒店,酒店以「花得起的奢華」作為賣點,而且佢亦都係全球第1間有自動Check-in嘅酒店,洗得起錢嘅朋友揀呢間就無錯啦!酒店嘅位置極度方便,一行出捷運站基本上你就已經可以搵得到,而且房間嘅設備非常完善,應有盡有,絕對物有所值!

 

citizenM 台北北門酒店
地址:台北中正區中華路一段3號 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆  
價格 | 查看價格

 

 

台北新酒店 | 最新台北民宿推薦|悠逸商旅

悠逸商旅

悠逸商旅2

悠逸商旅3

 

悠逸商旅喺2017年1月10日開張,酒店嘅設計充滿時代感,小編覺得呢間酒店最有趣嘅地方係佢以唔同顏色嘅線條帶大家去酒店房,唔洗自己一路行一路望門牌號碼搵餐死,好特別㗎!酒店鄰近台北士林夜市。由酒店出發,行9分鐘左右就可以去到士林夜市,夜晚去搵台北地道小食非常方便!鐘意行夜市食宵夜嘅你哋,呢間酒店一定係心水之選!

 

悠逸商旅
地址:台北士林區承德路四段318號 (顯示地圖)
星級 | ★★★★☆  
位置 | ★★★☆☆  
設施 | ★★★☆☆  
環境 | ★★★★☆  
價格 | 查看價格

 

台北新酒店 | 最新台北民宿推薦|玫瑰精品旅館雙城館

玫瑰精品旅館雙城館

玫瑰精品旅館雙城館2

玫瑰精品旅館雙城館同樣喺2017開張,位於台北中山區,係玫瑰精品旅館集團喺台北第五間酒店。酒店採用淡雅木紋設計,文藝氣息爆棚,真係勁有格調㗎!如果你係文青的話,你一定唔可以錯過呢間打卡必到酒店!另外,玫瑰精品旅館雙城館附近就係雙城街夜市,你完全唔洗擔心冇得食好西!

 

玫瑰精品旅館雙城館
地址:台北中山區雙城街28巷8號 (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★★  
價格 | 查看價格

 

台北新酒店 | 最新台北民宿推薦|量子酒店

量子酒店

量子酒店2


量子酒店
位於台北松山區,離台北小巨蛋都好近,係台灣明星大S老公汪小菲所開設嘅精品酒店。為咗令酒店更有特色,汪小菲仲特別搵咗設計歐洲之星高速火車嘅法國著名設計師 PHILIPPE STARCK 親自操刀,歐陸風情十足,夠哂氣派。而且酒店房間寬敞明亮,絕對喺你台北住宿嘅好選擇!

 

量子酒店
地址:台北松山區敦化北路150號 (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★★  
價格 | 查看價格

 

台北新酒店 | 最新台北民宿推薦|台北北投雅樂軒酒店

台北北投雅樂軒酒店

台北北投雅樂軒酒店2

 

台北北投雅樂軒酒店係喜達屋酒店及度假村國際集團旗下品牌,有「小 W Hotel」之稱,絕對係質素嘅保證!酒店行時尚、潮流、設計的風格,啱哂型格嘅朋友!小編推薦住呢間酒店嘅朋友一定要去北投浸溫泉,十幾分鐘嘅車程就可以直達北投公園露天溫泉,一場嚟到梗係去要relax下啦!

 

台北北投雅樂軒酒店
地址:台北北投區大業路300巷1號 (顯示地圖)
星級 | ★★★★☆  
位置 | ★★☆☆☆  
設施 | ★★★☆☆  
環境 | ★★★★☆  
價格 | 查看價格

 

 

📖延伸閱讀:【台北聖誕活動】台北聖誕好去處!必去台北聖誕市集、景點攻略
📖延伸閱讀: 【快閃台北三日兩夜2018】台灣3日2夜食、玩、訓行程懶人包,酒店500蚊有找!
📖延伸閱讀:【台灣手信2018購物清單】Top 10 台北手信2018必買推介!
📖延伸閱讀:【文青必去台北景點】打卡必去台北cafe、台北市集、旅店特集!


Hotels.com酒店優惠