定期送上世界各地最新、最地道嘅旅遊資訊!

【台北天氣不似預期】落雨有咩好怕?四大台北室內景點推薦 (台北當代藝術館、寶藏巖國際藝術村)

天氣不似預期,但要走總要飛。旅行遇上落雨天,其實有咩好怕?只要做足準備就冇問題啦!今次小編會介紹返四大台北室內景點,當中包括台北當代藝術館同寶藏巖國際藝術村。就算落幾大雨都唔怕行得狼狽啦!

 

 

台北天氣不似預期 | 台北室內景點推薦 | 台北當代藝術館

Image may contain: sky, tree, plant and outdoor@台北當代藝術館 MOCA Taipei

好多人去旅行都鍾意行下當地藝術館,去到台北梗係去台北當代藝術館啦。台北當代藝術館係台灣第一座由古蹟活化而成嘅美術館。佢前身係日據時期建成嘅小學校舍。紅磚做外牆表面、灰瓦為屋頂,仲有垂直長條型嘅窗,充滿歷史同藝術嘅氛圍。而且藝術館定期會有唔同主題嘅展覽、仲有workshop等等可以俾大眾參加,相當有趣。

Image may contain: 4 people, people on stage@台北當代藝術館 MOCA Taipei

 

 

台北當代藝術館

地址:台北市大同區長安西路39號 (顯示地圖)
開放時間:星期二至日10:00am – 6:00pm (星期一休館,國定假日照常開館)
票價:台幣50元
交通:搭捷運淡水線到中山站,步行約五分鐘
網址:http://www.mocataipei.org.tw/  

 

 

台北天氣不似預期 | 台北室內景點推薦 | 寶藏巖國際藝術村

Image may contain: tree, sky, plant, grass, outdoor and nature@寶藏巖國際藝術村 Treasure Hill Artist Village

寶藏巖國際藝術村係2010年正式營運。其實條村早係60至70年代以違章建築興建所形成,係2004年,寶藏巖正式被登錄為歷史建築,所以得以保留形態兼活化落去。之後,藝術村開放俾藝術家駐地創作,村入面依家有好多小店藝術工作室、展覽室等等,仲有好多創意打卡景點㖭呀。

Image may contain: 6 people, indoor@寶藏巖國際藝術村 Treasure Hill Artist Village


@naobaowang

 

寶藏巖國際藝術村

地址:台北市中正區汀州路三段230巷14弄2號 (顯示地圖)
開放時間:11:00am – 10:00pm
交通:搭捷運到公館站,步行約十分鐘
Facebook:https://www.facebook.com/artthav/

 

台北天氣不似預期 | 台北室內景點推薦 | 華山文創園區

Image may contain: one or more people, sky, shoes, tree, cloud and outdoor@華山1914文化創意產業園區

華山文創園區,一個好多文青都會去打卡嘅地方。華山文創園區前身係一間酒廠,係1914年建成,依家仲係台北市市定古蹟添!自1999年之後,就開始提供俾唔同單位做藝術展覽、音樂表演等等,作為推動文化創意產業嘅特別用地。

Image may contain: people sitting and indoor
@華山1914文化創意產業園區

唔只咁呀,園區入面仲有好多cafe、餐廳同小店添架!

 

華山文創園區

地址:台北市中正區八德路一段1號 (顯示地圖)
開放時間:戶外空間24小時開放,其他依各活動/店家公告
交通:搭捷運板南線到忠孝新生站,步行約三分鐘;或到善導寺站,步行約五分鐘
網址:https://www.huashan1914.com/w/huashan1914/index 

 

 

台北天氣不似預期 | 台北室內景點推薦 | 小學堂漂移卡丁車

No automatic alt text available.@小學堂漂移卡丁車汐止館

唔想行街、又唔想就咁坐係度飲嘢等停雨?咁就嚟啲刺激啲架啦!小學堂漂移卡丁車,全台最大室內漂移卡丁車。呢度無論係大人或者小朋友都可以體驗做車手追風嘅感覺。玩之前,場地會提供教學班,講解有關操作同安全嘅事項,話晒點都要玩得開心又放心呀嘛!

No automatic alt text available.@小學堂漂移卡丁車汐止館

 

小學堂漂移卡丁車

地址:台灣新北市汐止區新台五路一段93 號 D 棟 3 樓 (顯示地圖)
開放時間:11:00am – 9:30pm
票價:單人台幣150元/場;親子共乘台幣200元/場 (每場約7.5分鐘)
Facebook:https://www.facebook.com/IFGCrazyCart/  

 

 

台北天氣不似預期 | 台北酒店民宿推 | 町.記憶旅店 (Cho Hotel)

町.記憶旅店, 台北市, 標準四人房, 無窗, 客房

町.記憶旅店嘅裝修走復古風格,係一間特色旅店。旅店距離捷運站都係大概五分鐘路程,咁近捷運站,就算落大雨都唔會太狼狽啦!

町.記憶旅店, 台北市, 小食店

町.記憶旅店 (Cho Hotel)

地址:台北萬華區昆明街 119 號 (顯示地圖)
星級 | ★★★☆☆  
位置 | ★★★★☆
設施 | ★★★☆☆  
環境 | ★★★★☆
價格 | 查看價格

 

 

台北天氣不似預期 | 台北酒店民宿推 | 路徒行旅 (Roaders Hotel)

路徒行旅, 台北市

路徒行旅, 台北市, 行政三人房, 1 間臥室, 浴缸, 高層, 兒童主題客房

路徒行旅同樣都係走特色裝修,不過最令人歡喜嘅就係旅店嘅common room。Common room除咗有免費小食提供之外,仲有不少娛樂例如籃球機、飛標等等,絕對唔會悶親你呀!

路徒行旅, 台北市, 大堂閒坐區

 

路徒行旅 (Roaders Hotel)

地址:台北中正區延平路 68 號 (顯示地圖)
星級 | ★★★☆☆  
位置 | ★★★☆☆
設施 | ★★★★☆  
環境 | ★★★★☆
價格 | 查看價格

 

 

Hotels.com 酒店優惠