定期送上世界各地最新、最地道嘅旅遊資訊!

【台北夜景餐廳】拍住拖睇陽明山夜景!Top 3 靚景陽明山餐廳 + 浪漫情侶住宿推薦!

 

台灣有八個國家公園,陽明山係其中之一。每年嘅二、三月係陽明山著名嘅花季,園內繁花盛開,所以陽明山有「台北後花園」嘅美譽。陽明山多處嘅溫泉區同夜景餐廳亦都係遠近馳名,係情侶拍拖嘅好去處。等小編我為大家介紹下陽明山 top 3 夜景餐廳同住宿啦!

 

📖延伸閱讀:【台灣租單車】遠離繁囂!3大台北郊區+台北單車路線連景點攻略
📖延伸閱讀:【旅行狗狗好去處】帶狗去旅行!台北狗狗餐廳、景點連可攜帶寵物酒店推薦

 

陽明山靚景餐廳推薦|The Top 屋項上

The Top 屋項上
@The Top Facebook

「The Top 屋頂上」位於陽明山後山嘅較高處,擁有最佳嘅夜景景觀!餐廳分成唔同嘅區域,佈置同餐單都唔一樣;而菜單分為三種:熱炒、燒烤同合菜。餐廳除左包箱(最低消費3000台幣/$764港元)可以預定外,一般座位都係先到先得,所以大家周末去嘅話務必要早啲去啦!

The Top 屋項上_2
@ca_ca_n

餐廳整體以峇里島風格為主,當中嘅一排露天嘅沙發座位,格外有情調,每人好似置身於異國咁。

 

The Top 屋項上
地址:台北市士林區凱旋路61巷4弄33號 (顯示地圖)
營業時間:周一至周五: 17:00~03:00 週六至週日: 12:00~03:00
網址:http://www.compei.com/

 

陽明山靚景餐廳推薦|草山夜未眠

草山夜未眠
@flickr

如果覺得「The Top 屋頂上」無得訂位比較麻煩嘅話,「草山夜未眠」係另一間相當熱門嘅靚景餐廳。餐廳創於1990年,由三張枱係路邊叫賣,到至今人潮絡繹不絕。「草山夜未眠」菜單以熱炒為主,多達40幾款菜色,亦有火鍋和炸物可點。

草山夜未眠_2
@stephanie_______yu

餐廳有分戶外同戶內座位,戶外區設有超可愛嘅愛心情人座,可以飽覽台北絕美夜景,亦係浪漫求婚嘅聖地;而戶內座亦有透明景觀窗,就算落雨都可以照樣欣賞夜景。

 

草山夜未眠
地址:台北市士林區東山路25巷81弄99號 (顯示地圖)
營業時間:週一~週四 16:00 ~ 03:00 週五:16:00 ~ 05:00 週六至週日:12:00 ~ 05:00
網址:http://www.chousan.com.tw/

 

陽明山靚景餐廳推薦|夜。後花園景觀餐廳

夜。後花園景觀餐廳
@inling0022

係2018年,提供中餐嘅「後花園景觀餐廳」同西餐「夜店 Night Fever」合併,變成依家中西合壁嘅「夜。後花園景觀餐廳」。餐廳用餐空間寬敞舒適,相對較少人同寧靜。情侶們亦可以邊欣賞夜景邊享受水煙,感受台灣浪漫夜生活!

夜。後花園景觀餐廳_2
@___eer___

「夜。後花園景觀餐廳」提供美式、意式、台式多種餐飲,同時亦提供各式各樣嘅啤酒,重點係相價亦相當親民,深得唔少年輕情侶嘅喜愛!

 

夜。後花園景觀餐廳
地址:台灣士林區華岡路59巷5-1號 (顯示地圖)
營業時間:平日下午5點至凌晨3點;星期六、日下午4點至凌晨3點

 

陽明山浪漫情侶住宿推薦|陽明山天籟渡假酒店

陽明山天籟渡假酒店
@陽明山天籟渡假酒店 Facebook

陽明山天籟渡假酒店係目前台灣最大嘅溫泉渡假酒店,佔地超過 6000 平方公尺,擁有溫泉公園、水療設施同室外泳池。酒店有獨立嘅溫泉井,提供無雜質嘅溫泉水。除左露天溫泉區,情侶們都可以預定獨立湯屋,一同享受溫泉嘅樂趣,令感情加溫。

陽明山天籟渡假酒店_2
@陽明山天籟渡假酒店 Facebook

客房風格亦以自然、靜謐素雅嘅山居風為主。

 

陽明山天籟渡假酒店
地址:新北市金山區重和里名流路1-7號 (顯示地圖)
星級 | ★★★★☆  
位置 | ★★☆☆☆  
設施 | ★★★★★  
環境 | ★★★★★  
價格 | 查看價格  

 

陽明山浪漫情侶住宿推薦|陽明山溫泉攬月會館

陽明山溫泉攬月會館
@Facebook

陽明山溫泉攬月會館係以日式和洋主題嘅山溫泉飯店,房間以武士道為主題,設塌塌米、日式浴衣、日式落地窗,令客人𣊬間覺得置身於日本。

陽明山溫泉攬月會館_2
@Facebook

會館亮點包括雙心型游泳池,搭配周邊日式枯山水庭院,好不浪漫!館內亦設立和風服裝區,俾旅客免費體驗日本「加賀友禪」高級日式和服。

 

陽明山溫泉攬月會館
地址:新北金山區中信北路16巷38號20841 (顯示地圖)
星級 | ★★★☆☆
位置 | ★☆☆☆☆  
設施 | ★★★★★  
環境 | ★★★★★  
價格 | 查看價格  

 

陽明山浪漫情侶住宿推薦|陽明山中國麗緻大飯店

陽明山中國麗緻大飯店
@陽明山中國麗緻大飯店

陽明山中國麗緻大飯店位於陽明山國家公園境內,相對較高級同現代化。

陽明山中國麗緻大飯店_2
@陽明山中國麗緻大飯店

飯店內有47間客房,當中嘅紗帽溫泉房可以欣賞紗帽山的美景,係情侶們不二嘅選擇。

 

陽明山中國麗緻大飯店
地址:台北陽明山格致路 237 號 (顯示地圖)
星級 | ★★★★☆
位置 | ★★☆☆☆  
設施 | ★★★★★  
環境 | ★★★★★  
價格 | 查看價格  

 

📖延伸閱讀:【台灣溫泉酒店】Top 6 台北溫泉酒店推介2018(含陽明山、北投溫泉酒店!)
📖延伸閱讀:【台灣櫻花2019】嚴選台北櫻花景點 + 陽明山櫻花私藏IG拍攝地!
📖延伸閱讀:【兩日一夜去邊好】台北浪漫餐廳 + 情人節餐廳燭光晚餐之選 (情人節景點推介)
📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)

 

Hotels.com酒店優惠Hotels.com酒店優惠