定期送上世界各地最新、最地道嘅旅遊資訊!

【北海道攻略】熱辣辣去北海道?北海道夏天行程大解構!(連北海道住宿推薦)

夏日炎炎,最好就緊係去日本避暑啦!夏天除左去東京shopping之外,地廣人稀嘅北海道絕對係小編夏天度假首選!北海道位於日本最北端,四季分明,每個季節都擁有唔同嘅自然美景,春櫻、夏綠、秋楓、冬雪各有各嘅風情。今次就等小編同大家推薦幾個北海道夏天景點連住宿,一齊過一個涼浸浸嘅暑假啦!

 

📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)

 

北海道攻略 | 北海道夏天行程 | 富良野四季彩之丘

@Flickr

夏天黎到北海道又點可以錯過大名鼎鼎嘅四季彩之丘!佔地超過15公頃嘅花田,薰衣草、金魚草等各色繁花鋪滿山頭,壯觀美麗,係打卡嘅熱門景點!除左欣賞夏日花海,仲可以去動物區,觀賞長相有趣嘅「草泥馬」,啱曬喜歡大自然嘅你!

 

富良野四季彩之丘
地址:北海道上川郡美瑛町 (顯示地圖)
交通:乘搭JR到美馬牛車站然後步行約15分鐘
費用(只供參考):免費入場
開放時間:
*09:00 – 17:00 (4-5、10月)
*08:30 – 18:00 (6-9月)
*09:00 – 16:00 (12月-2月)
*09:00 – 16:30 (3月、11月)

 

📖延伸閱讀:【暑假好去處】Plan定暑假親子遊!全球嚴選4大主題樂園連附近景點推薦!

 

北海道攻略 | 北海道夏天行程 | 旭山動物園

@Flickr

北海道嘅旭山動物園係日本最知名嘅動物園之一,環境優美,動物種類繁多,無論係本地人或國外遊客都必定會嚟一睹北極熊同企鵝嘅可愛風采。你可以近距離觀賞北極熊、喺海底隧道欣賞企鵝游泳嘅姿態、360度睇到海豹喺你眼前穿梭,此外仲有可以親近動物嘅兒童牧場、摩天輪、雲霄飛車等遊樂設施,無論大人定小朋友都會玩到樂而忘返!

 

旭山動物園
地址:北海道旭川市東旭川町倉沼(顯示地圖
開放時間:夏季開園 9:30-16:30;冬季開園10:30-15:30
入場費用 (只供參考):820円
交通:從JR旭川站轉乘往旭山動物園的旭川電氣軌道公車41 / 42 / 47號線,於終點下車步行約1分鐘即可抵達

 

📖延伸閱讀:【日本賞櫻必讀】北海道櫻花邊度睇?札幌本地人推薦賞櫻路線連櫻花品種大解構!

 

北海道攻略 | 北海道夏天行程 | 五稜郭

@Flickr

五稜郭係江戸時代末期建造嘅法式城堡,以5角星形為特徵,曾經係戊辰戰爭嘅最終戰場,吸引咗唔少喜歡日本歷史或者軍事迷慕名而來。五稜郭根據唔同嘅季節會有各種變化,春天嘅時候可以享受浪漫嘅櫻花風情,夏天有滿滿嘅紫藤花盛開,喺公園入裡悠閒漫遊都係個唔錯嘅選擇!夜晚仲會有點燈環節,可以欣賞到燈火處處嘅城市夜景!

 

五稜郭
地址:北海道函館市五稜郭町44 (顯示地圖)
開放時間:09:00 – 18:00
入場費用 (只供參考):免費入場
交通:從函館市電函館驛前站轉搭往湯川的函館市電約16分鐘,在五稜郭公園前站下車,步行約15分鐘即可到達

 

📖延伸閱讀:【北海道自由行】北海道溫泉特輯—2018春季露天溫泉食、玩、住全攻略!

 

北海道攻略 | 北海道夏天行程 | 支笏湖

@Flickr

位於北海道千歲市西部嘅支笏湖擁有清澈透明嘅湖水,四周被秀麗嘅山峰包圍住,係北海道熱門景點之一。支笏湖係4萬幾年前火山爆發而形成嘅火山口湖,但穩定性非常高,即使喺冬天湖水都唔會凍結,所以又被稱為「不凍湖」。夏天去嘅朋友仲可以乘搭觀光遊覽船欣賞湖泊嘅美景,等你可以親親大自然!

 

支笏湖
地址:千歲市支笏湖溫泉番外地(顯示地圖
開放時間:9:00 – 17:30
交通:從新千歲機場或JR千歲線千歲站搭中央巴士到支笏湖站下車,步行3分鐘即可抵達
費用(只供參考):免費入場

 

📖延伸閱讀:【日本冬日限定美景】走進白色童話世界!日本白川鄉合掌村交通、酒店攻略

 

北海道攻略 | 北海道住宿推薦 | 冬之木酒店

冬之木酒店, 富良野

冬之木酒店係富良野最佳地理位置住宿之一,離市中心不遠,附近有唔少市區內嘅熱門景點。房間舒適,空間感十足,顧客滿意度比同區域其他住宿高。  

冬之木酒店, 富良野, 公寓, 2 間臥室, 非吸煙房, 客房設施

冬之木酒店 (Fuyunoki)
地址:JPN富良野20-30 Kitanomine, 3077 5712 (顯示地圖)
星級 | ★★★☆☆
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

北海道攻略 | 北海道住宿推薦 | 支笏湖鶴雅休閒渡假溫泉水之謌

支笏湖鶴雅休閒渡假溫泉水之謌, 千歲

支笏湖鶴雅休閒渡假溫泉水之謌位於札幌內, 交通十分方便,住宿位置優越。渡假村行日式風格,客房擁有木製陳設同榻榻米設計,部分客房仲有私人露天溫泉㖭,絕對係放鬆身心嘅理想地方!

支笏湖鶴雅休閒渡假溫泉水之謌, 千歲, 高級套房吸煙通水療客房, 浴室

支笏湖鶴雅休閒渡假溫泉水之謌
地址:JPN千歲Chitose-shi HokkaidoShikotsuko Onsen, 3077 5712 (顯示地圖)
星級 | ★★★★★
位置 | ★★★★★  
設施 | ★★★★★  
環境 | ★★★★★  
價格 | 查看價格  

 

 

Hotels.com酒店優惠