定期送上世界各地最新、最地道嘅旅遊資訊!

【冰島自由行】冰島極光邊度有得睇?連冰島自駕遊租車攻略及住宿推薦

去冰島睇極光相信係好多人嘅人生Bucket List之一。機票優惠越出越多,去冰島自由行已經唔再係一件難事。今次小編為大家送上冰島極光攻略,仲分享埋冰島自駕遊睇極光嘅熱門地點同冰島住宿推介,一生人一定要去一次嘅地方隨時起行!

 

冰島自駕遊路線簡介

由於冰島交通唔算發達,並冇地鐵同火車等等,巴士係冰島唯一嘅公眾交通工具,所以好多人會選擇自駕遊。而冰島自駕遊有好多條路線可以選擇,以下會介紹2條最熱門嘅路線畀大家,2條路線嘅熱門景點已經bookmark咗。

 

第一次去冰島自駕遊,好多人會首選黃金圈呢條路線,因為呢條路線可以一次過遊覽哂冰島最經典必去嘅景點!而黃金圈嘅重點景點係冰島西南部嘅三大景點:黃金瀑布(Gullfoss Waterfall)、辛格韋德利國家公園(Þingvellir National Park)、蓋歇爾間歇泉(Geysir),你亦可以因應時間同個人喜好而加插沿途嘅景點。

 

建議自駕遊時間: 4-5日

 

冰島自由行| 冰島自駕遊路線|一號環島公路(Ring Road Route 1)


@Flickr

如果逗留冰島嘅時間比較長,又想慢慢玩多啲唔同嘅景點,呢條路線就啱哂你。一號環島公路係圍繞住冰島嘅主要公路,全長1,332公里,將島上大大小小嘅城鎮串連埋一齊。沿住一號環島公路有好多唔同嘅景點,建議可以先走完一轉黃金圈,由南邊一直向右走一個圈,玩盡成個冰島。不過呢條路線需時較長,你可以因應逗留嘅天數要對部分景點作出取捨。

 

建議自駕遊時間: 8-10日

 

冰島自由行| 冰島自駕遊常見問題

Q1. 幾時去冰島自駕遊最好?

-春天(4月至5月)觀鯨嘅好時機
-夏天(5月至9月)天氣比較穩定,行車安全-秋天(9月至10月)雨季,唔太建議,不過呢段時間係冰島旅遊淡季,比較少遊客-冬天(11月至3月)日短夜長,雪地駕駛,駕駛經驗不足會相對較為危險

所以小編建議夏天去冰島自駕遊會較為安全,特別喺香港好少需要長時間駕駛,駕駛經驗亦冇咁足,所以夏天去相對比較好,天氣亦都較為舒適。

 

Q2. 如何選擇租車公司?

冰島租車選擇有好多,如果想方便快捷,可以選擇國際連鎖租車公司,機場會有櫃檯,例如HertzAvisBudgetEuropcar等等,車型比較新,拎車位置亦比較方便,但就相對較為貴。如果想平啲,可以考慮Blue Car RentalGuide to Iceland(中文網站)、fairCar


Q3. 行車方向

冰島係左軚,同香港相反,所以行車方向都會調轉,係「右上左落」,所以駕駛經驗不足者,要記熟行車規則先好去冰島自駕遊,以免發生危險!

 

👉 即刻Click入嚟睇下Top 10 冰島酒店住宿優惠!

 

冰島自由行| 冰島極光觀賞地點|辛格韋德利國家公園(Thingvellir National Park)

@Flickr

位於冰島南部嘅辛格韋德利國家公園係睇極光嘅熱門地點,亦係冰島三大國家公園之一。辛格韋德利國家公園正正處於北美版塊(North American Plates)同歐亞版塊(Eurasian Plates)之間嘅接合位置,所以你可以喺度睇到有如鬼斧神工嘅自然景觀。

 

辛格韋德利國家公園

地址:Thingvellir National Park, iceland(顯示地圖

 

冰島自由行| 冰島極光觀賞地點|格羅塔燈塔(Grotta lighthouse)


@Flickr

格羅塔燈塔距離雷克雅維克(Reykjavik)市只有20分鐘車程,係去冰島睇極光嘅近距離之選!呢度亦係冰島光害比較少嘅地方,喺度睇到嘅北極光畫面更加震撼!

 

格羅塔燈塔

地址:Grótta Island Lighthouse, Iceland, Seltjarnarnes, Iceland(顯示地圖

 

冰島自由行| 冰島住宿推薦| 冰島舒適公寓酒店

冰島舒適公寓酒店, 科帕佛加

呢間酒店位於科帕佛加市中心入面,距離雷克雅維克只係10分鐘車程,交通非常方便,啱哂自駕遊嘅人士!酒店有停車場供住客免費泊車,入住呢度可以慳返出面租車場嘅費用。另外,客房有埋廚房可以煮野食,唔想出去食野都可以喺附近超市買食物自己煮!

 

冰島舒適公寓酒店
地址:200, Hamraborg 7, 200 Kópavogur, Iceland(顯示地圖
星級|★★☆☆☆
位置|★★★☆☆
設施|★★★★☆
環境|★★★☆☆
價格|查看價格


冰島自由行| 冰島住宿推薦| 聯排別墅飯店(105 – A Townhouse Hotel)

105 A 聯排別墅飯店, 雷克雅未克

呢間酒店位於雷克雅維克市中心,交通極為方便,而且酒店佈置裝潢好有家嘅感覺,畀人感覺好舒適。酒店可以免費泊車,最貼心係24小時都可以check-in,就算幾夜去到酒店都唔怕。另外,酒店設施齊全,廚房、煮食用品、微波烅等等都一應俱全!

 

聯排別墅飯店

地址:Háteigsvegur 1, Reykjavík, Iceland(顯示地圖
星級| ★★★☆☆
位置| ★★★★☆
設施| ★★★★☆
環境| ★★★★☆
價格| 查看價格


 

Hotels.com酒店優惠