定期送上世界各地最新、最地道嘅旅遊資訊!

免費唾手可得:五大酒店嘅精美贈品令你眼界大開

試問有邊個人有著數唔想去攞﹖酒店提供嘅贈品同埋免費服務更加係好到不得了。

差唔多所有酒店都有為賓客免費供應梳洗用具,而有啲酒店就喺客房服務上面精益求精,悉心為賓客免費提供餐酒甚至設計師時裝。我哋以下為你介紹嘅五大酒店所提供嘅贈品,都係能夠畀你喺成日忘我暢遊返嚟之後#尋找真我。

 

中國澳門喜來登金沙城中心大酒店為入住賓客提供手機

智能手機已經成為我哋日常生活之中不可或缺嘅一部分,而喜來登大酒店就係睇準賓客對手機嘅需要,喺旗下大部分酒店,包括澳門喜來登大酒店,提供流動電話畀賓客喺入住期間免費使用。賓客毋須另外購買漫遊數據,酒店提供嘅電話已經有齊哂無限上網、免費致電本地號碼同埋精選部分海外地區咁多樣功能。世界各地嘅其他喜來登大酒店已經陸續開始提供呢種服務。

 

法國巴黎Hôtel Malte – Astotel提供下午茶糕點同埋加啡或茶

成日喺外面去到邊睇到邊,返嚟坐低抖番下,食個法式下午茶就係最理想不過。喺巴黎Hotel Malte – Astotel,賓客可以免費尊享法式下午茶,每日各式精美糕點任君選擇,咖啡同茶無限添飲。唔使嘥錢出去買零食,慳番啲錢買對靚靚耳環或者皮鞋仲好啦。

 

英國倫敦W London Leicester Square提供設計師時裝

W酒店推出佢哋獨有嘅「隨時/隨需」禮賓服務時真係一絲不苟,佢哋真係好似變魔術咁,為賓客搜羅設計師時裝,畀佢哋喺入住期間穿著。W酒店亦有提供「步出衣帽間」客房服務,為賓客搜羅設計師時裝,就算賓客唔記得帶件燕尾服過嚟,有咗呢個服務就可以即興出席任何晚會。呢項服務係免費提供畀入住套房嘅賓客,超過4,000件設計師時裝任揀。

 

美國波特蘭Kimpton Hotel Monaco推出飲酒畫油畫活動

Kimpton Hotel旗下嘅酒店每晚都有免費提供餐酒,畀賓客有機會聚埋一齊把酒談天。波特蘭Kimpton Hotel Monaco特別之處,在於佢哋免費提供餐酒之餘,同時免費提供美工用品同埋畫架,用美酒激發賓客嘅創意盡情去畫。

 

美國夏威夷維雷亞Four Seasons Resort Maui提供防曬用品同埋獨木舟短遊服務

位於維雷亞嘅四季度假村嘅豪華程度已經令人著迷,而且仲大派贈品同埋提供各種免費服務。酒店免費提供三款防曬乳液,賓客毋須另行購買,仲送埋Evian礦泉水噴霧滋潤面部肌膚。酒店同時免費為賓客安排水肺潛水診斷班或者支腿獨木舟短遊服務。

 

查看更多