定期送上世界各地最新、最地道嘅旅遊資訊!

一邊沖涼一邊飽覽美景:五個畀你欣賞夕陽嘅酒店浴室

對好多遊客嚟講,去一個新地方到制高點朝聖、飽覽城市天際線同埋周邊風景係指定動作。但係要追睇日出日落,其實可以唔使舟車勞頓;你可以選擇喺酒店浴室裡面一邊浸浴或者刷牙,一邊欣賞外面美景。我哋以下為你詳盡介紹嘅五大旅遊勝地酒店浴室,都係擁有無敵景致,畀你成日喺出面忘我暢遊、尋找真我之後,返到嚟可以放鬆心情。

 

Anantara Dhigu Maldives Resort – 馬爾代夫

馬爾代夫安納塔拉迪古渡假村, 迪古飛諾胡, 別墅, 浸泡式浴缸

喺Anantara Dhigu Maldives Resort,你完全可以足不出戶喺度假屋裡面優哉悠哉。建築喺水上嘅各個度假屋裝修豪華,坐喺浴缸可以俯瞰喺日光之下閃閃生輝嘅印度洋海水,沖完涼之後不妨跳到下面嘅汪洋盡情暢泳。

 

Calistoga Ranch – 美國加州卡利斯托加

卡莉斯托佳蘭奇酒店, 卡利斯托加, 浴室淋浴間

位於加州納帕谷內嘅Calistoga Ranch與周圍嘅綠茵景色融為一體,室內同戶外嘅界限亦變得模糊。客房內嘅浴室一樣都係室內戶外界限模糊,有天花同冇天花版本任君選擇。賓客可以一邊沖涼一邊仰望長空,呼吸戶外嘅清新空氣,欣賞戶外美景。

 

Four Seasons Hotel Sydney – 澳洲

悉尼四季酒店, 悉尼, 皇室套房, 1 張特大雙人床 (Deluxe), 浴室

去悉尼旅遊但冇去廣受歡迎嘅地標悉尼歌劇院遊覽的話,整個旅程就稱不上完美,但假若你可以安坐酒店浴室舒舒服服遠眺歌劇院又如何呢﹖Four Seasons Hotel Sydney 客戶內浴室裝有落地玻璃窗,畀賓客尊享喺窗旁特大圓形浴缸浸浴同時,鳥瞰窗外無敵海景。

 

Hotel Punta Tragara – 意大利卡普里

要欣賞卡普里島著名嘅Faraglioni石群全景,唔使坐直升機,不妨諗下租住Hotel Punta Tragara嘅「藝術套房」。套房內嘅浴缸明顯係焦點所在,因為佢正正就喺窗旁,窗外就係Faraglioni石群嘅優美景色。

 

Lion Sands Kruger National Park – 南非

獅子金沙克魯格國家公園酒店, Kruger National Park, 套房 (Narina), 浸泡式浴缸

到外地遊獵係大部分住慣石屎森林嘅城市人畢生必做嘅大事之一,而選擇喺南非Lion Sands Kruger National Park住宿嘅旅客,佢哋安坐客房內嘅浴室就可以觀賞野外動物,完全沉浸喺大自然環境之中。賓客喺浴室內就恍如親歷其景,近距離觀賞長頸鹿、獅子同埋大象等野生動物自得其樂。

 

查看更多

Hotels.com酒店優惠