定期送上世界各地最新、最地道嘅旅遊資訊!

【九州自由行】鐵道遊九州景點全攻略 (連福岡、熊本住宿推薦)

鐵道之旅之所以吸引人,在於坐喺火車就可以穿梭大城小巷,深刻感受地方截然不同嘅景色。你可以喺中途落車,感受櫻花紛飛之下當地居民嘅親切寒暄、地方食堂特色同當地文化。春天嘅北九州集結咗自然人文同城市脈動,仲多咗份關東近畿地區搵唔到嘅慢活同人情味。快啲跟住小編嘅北九州景點全攻略,跟住鐵道探訪北九州福岡、熊本同長崎嘅迷人風光啦!

 


@Flickr  JR博多站係由JR九州、JR西日本以及福岡市地下鐵呢三大交通系統組成嘅車站。
福岡作為日本九州玄關,係九州自由行嘅最佳起點。呢度除咗購物中心林立、交通方便之外,亦都可以搵到日本傳統文化嘅蹤跡。首先先帶大家嚟到鐵道旅行必到嘅JR博多站,呢度係九州規模最大嘅車站,以同車站共構嘅JR博多城為中心,呢度有幾個大型商場,一落車就可以享受購物樂趣,一日絕對行唔哂呀!
博多口同車站共構嘅JR博多城( JR Hakata City) 喺2011年九州新幹線通車嘅時候建成,包括TokyoHands、AMU PLAZA、博多一番街、AMU EST、博多阪急、KITTE博多等多個大型商場!
@fukuoka-now.com 商場有夢幻燈飾點綴,櫻花季仲會換成季節限定嘅粉色燈飾!
2016年春天先開幕嘅「KITTE博多」內部裝修設計以原木色為主調,聚集好多日系歐美嘅設計文具、雜貨、手作工坊、書籍同音樂商品,最適合文青去!

 

JR博多站地址:博多駅中央街1−1( 顯示地圖 )
營業時間:0 7:00 – 23:00


 

九州自由行| 福岡必買手信|福太郎明太子仙貝MENBEI

@travel.jwalker.jp明太子仙貝/ 480円(2片×8包)     

福岡嘅明太子好出名,所以自然被做成好多特色商品,而明太子仙貝MENBEI博多站附近就買得到,米餅入面加入魷魚、章魚等海鮮元素,配搭辣味明太子嘅濃香蛋黃醬,香香脆脆,食過就停唔到口,絕對係福岡必買嘅手信

 

福太郎天神TERRA店地址:福岡県福岡市中央區渡辺通5-25-18天神テルラビル1F ( 顯示地圖 )
營業時間:9:30-20:00(Cafe:11:30~19:00)

網址:http://www.turuya.co.jp/index.html

 

福岡運河城華盛頓酒店位置極佳,位於博多運河城入面,行街非常方便,適合鐘意shopping嘅你。由JR博多站行過嚟只需要10分鐘。簡而言之,呢度離運河城係超近,穿過運河城就係中洲屋台,越過中洲屋台,再行一小段,就已經係天神地下街嘅入口,福岡嘅一級購物戰區,佔盡咗地利之便!
房間大又舒適,價格都唔貴,係相當實在嘅選擇!
呢度供應嘅早餐品質水準相當高㗎!

 

地址:812-0018JPNFukuoka-ken福岡Hakata-ku1-2-20 Sumiyosh i ( 顯示地圖 )
星級| ★★★☆☆
位置| ★★★★★
設施| ★★★☆☆
環境| ★★★★☆
價格| 查看價格



九州自由行| 鐵道沿線九州景點推介| 熊本城、熊本部長辦公室
熊本城、名古屋城姬路城稱為日本三大名城,因為城內有好多銀杏樹、楓樹同櫻花,唔同季節會有唔同靚景同色彩。

@Flickr

 

由福岡到熊本,搭火車唔洗一個鐘就到,新幹線更加快只要大約30分鐘。如果你想睇日本文化嘅城堡同城下町,順便把握春天嘅櫻花絕景,就千祈唔好錯過熊本城!
熊本城可以滿足鐘意歷史文化嘅你,望住城堡幻想當年日本江戶時期英雄嘅驍勇善戰;鐘意風景嘅,可以去天守閣,有一望無際嘅市景盡收眼底,因為日本城池周圍冇咩高樓阻礙。花季嘅時候,城堡周圍嘅櫻花靚景更加係打卡勝地!
@masayahonda 熊本城入面大約有800棵櫻花樹,配合雄偉嘅古城,古意盎然,雄偉壯觀
@Flickr  花季期間,熊本城開放到夜晚11點,遊客喺夜晚可以欣賞城燈同夜櫻,日頭夜晚要別有特色!

 

熊本城
地址:熊本市中央區本丸1-1 ( 顯示地圖 )
交通:JR熊本站轉搭熊本城周遊公車「SHIROMEGURIN」於「熊本城・二之丸停車場」下車
營業時間:8:30-18:00 (4月-10月)
費用(只供參考):500日元(高中生以上)、 200日元(其餘)

 


@kumamon-sq.jp

另外,熊本熊Kumamon可以話係九州最紅嘅人物,係隨九州新幹線開業誕生嘅吉祥物,2013年熊本市區仲成立咗佢嘅專屬辦公室,大家嚟到唔好唔記得去探嚇呢隻呆萌嘅熊本部長!

 

熊本部長辦公室
地址:熊本市中央區手取本町8番2號( 顯示地圖 )
交通:從JR 熊本駅乘搭市電,在「水道町」或「通町筋」電車站落車營業時間:10:00-19:00

 

 

熊本熊新飯店除咗位置方便,去車站同熊本市中心嘅距離都喺行嘅距離入面,呢度最大賣點係客房除咗有一般型簡約而舒適嘅房間,仲有熊本熊主題房揀,唔理大人細路都一定好鐘意!針對情侶,仲另有熊本熊愛心主題雙人房,如果係同男女朋友一齊嚟熊本,呢間飯店一定係你哋’嘅首選!可愛嘅熊本熊主題房客房,設備一應俱全,房內設有平面衛星電視、迷你吧同電熱水壺。
不單止所有設計都係以熊本熊為主題,連各種小用俱生活用品都係熊本熊造型!
情侶主題粉紅熊本熊客房
酒店食物一啲都唔馬虎,提供時令義大利、日本料理、鐵板燒料理同中式美食自助餐,亦有自己嘅酒吧

 

地址:860-0047JPNKumamoto-ken熊本1-13-1 Kasuga ( 顯示地圖 )
星級| ★★★☆☆
位置| ★★★★☆
設施| ★★★★★
環境| ★★★★☆
價格| 查看價格


 

九州自由行| 鐵道沿線九州景點推介| 長崎稻佐山
長崎位於北九州嘅西北部,係整趟北九州鐵道旅程中距離有啲遠嘅景點,如果由博多搭特急列車到長崎需要大約兩個鐘,但係為了新世界三大夜景之一嘅稻佐山夜景,長崎仍然係唔可以割捨嘅景點!去到展望台,可以見到被山巒所環抱嘅長崎港,入夜後好似安然沈睡喺珠寶箱入面,感覺好溫柔。
日落時間後大約15-20分鐘嘅長崎稻佐山夜景,天空開始出現深紫藍嘅漸層色彩,光線變暗嘅速度加快,呢個時候嘅夜色係小編最推薦!
呢度三面環山、臨望港灣嘅絕係地理位置,喺日落時刻可以欣賞到變幻無窮嘅燦爛夜景!另外建議大家先查好當日嘅日落時間,預好timing去到展望台,先至保證欣賞到最完整嘅夜景!

 

長崎稻佐山
地址:長崎市稲佐町364 ( 顯示地圖 )
交通:喺「JR長崎駅」前的公車等候處,乘搭3或4號公車,在「ロープウェイ前」站落車
營業時間:8:00-22:00 (展望台)
除咗鐵道外,如果你都對路面電車情有獨鍾,咁就一定要去長崎依山傍海嘅美麗市鎮,感受當地獨有嘅慢活同人情味!

 

豪斯登堡森林別墅-佐世保別墅位於歐洲主題公園內,提供客廳、私人露台同獨立浴室嘅大型套房小木屋別墅,另外客人可以喺飯店附近劃獨木舟同垂釣!房間空間寬敞,環境清幽迷人,夜晚嘅夜景、日頭嘅日出都有迷人景緻,最適合一家大細住,包你有一個完美嘅住宿體驗!
飯店位置離市區嘅各大旅遊購物地點唔遠,服務同設備都係頂級,免費咖啡、紅茶飲品、拖鞋毛巾、櫥櫃等設備也有提供,比住宿旅客稱心滿意。
飯店嘅室外花園、游泳池、Spa、按摩係你忙碌完一日放鬆身心嘅理想地方!

 

地址:859-3293JPN佐世保Huis Tenbosch 7-7 ( 顯示地圖 )
星級| ★★★★☆
位置| ★★★☆☆
設施| ★★★★☆
環境| ★★★★★
價格| 查看價格

 

九州自由行|九州鐵道車票購買Tips

九州全域面積相當之大,幾乎同等於台灣,可以去嘅景點好多,交通規劃有好多方法。想喺九州鐵道自由行,就睇睇小編為大家整理嘅車票-鐵路週遊券(JR Railway Pass) 嘅購買Tips啦!

1. 車票種類:

九州地區嘅鐵路週遊券JR Pass依使用地區分成三種票券,跟住小編今次介紹嘅景點,應該揀「北九州鐵路週遊券」,而北九州亦都係第一次去九州自由行最易上手嘅地區!

 

2.票價種類:
九州JR Pass按有效使用時間分為三日同五日券,「北九州週遊券三日券」同「北九州週遊券五日券」價錢分別為8,500円同10,000円。另外新幹線可以免費劃位,指定劃位次數分別是10次同16次。

 

3.購買方式:
旅行前事先購買:去官網查詢有賣週遊券旅行社,直接喺旅行社買「JR九州鐵路週遊券兌換券」,去到日本後去JR車站嘅綠色窗口兌換就得。
抵達日本後買:去車站入面嘅「JR九州旅行支店」或者「旅行中心」買,亦可以直接搵JR車站入面嘅綠色窗口買。

 

4.使用注意事項:
JR週遊券需要連續使用、兒童(6-11歲)票價半價、搭商務車廂需要另外收費,最後喺使用周遊券時要記得護照跟身!

 

Hotels.com酒店優惠