定期送上世界各地最新、最地道嘅旅遊資訊!

【丹麥自由行】Hea遊哥本哈根景點之選!(連哥本哈根住宿推薦)

丹麥首都哥本哈根除左有「童話王國」之稱,仲有「北歐小巴黎」嘅名譽,市內有好多好靚嘅古老建築,但又不乏現代時尚嘅氣息。大家不妨放慢腳步Hea吓,慢慢享受呢個風光優美嘅北歐城市!

 

丹麥自由行 | 哥本哈根景點 | 新港 Nyhavn

@Flickr

新港 (Nyhavn)係一個建於17世紀嘅運河城市,係哥本哈根地標之一。岸邊一排色彩豐富嘅古老建築、小屋同餐廳、河上泊滿各種木船,可以話係最有哥本哈根feel嘅地方。如果想欣賞新港嘅日落同感受哥本哈根風土人情嘅朋友,係溫馨愜意嘅餐廳享受晚餐都係一個不錯嘅選擇。

 

新港
地址:Nyhavn, 1051 Copenhagen, Denmark (顯示地圖)
營業時間:全日開放
交通方式:乘地鐵 M1 或 M2 綫於 Kongens Nytorv 站下車,步行約 5 分鐘。

 

丹麥自由行 | 哥本哈根景點 | 小美人魚 Den Lille Havfrue


@Flickr

嚟到丹麥又點可以錯過哥本哈根最重要嘅地標之一,位於朗格利尼碼頭海濱公園旁嘅小美人魚雕像係丹麥最受歡迎嘅童話人物雕像。呢個雕像係安徒生童話中《海的女兒》嘅主角,小美人魚係15歲時因為救了跌落水嘅王子而愛上左佢,最後犧性左性命。小美人魚靠近哥本哈根市中心,步行或騎單車都可輕鬆到達。

 

小美人魚
地址:Den Lille Havfrue, 2100 Copenhagen, Denmark (顯示地圖)
營業時間:全日開放
門票價格:免費
交通方式:火車 乘 S-train 的 A、B、C 或 E 綫於 Østerport 站下車,步行約 15 分鐘

 

丹麥自由行 | 哥本哈根景點 | 羅森堡城堡 Rosenborg Castle


@Flickr

羅森堡城堡建於1606年,係皇室用來保存收藏品嘅地方。宮殿由3個尖塔組成,整個建築用紅牆建造,極具文藝復興時代嘅風格,係國王最引以為傲嘅建築之一。包圍住城堡嘅國王花園係哥本哈根人放鬆嘅熱門地方,風景優美。城堡裡面嘅展覽品更令人垂涎,位於地下室嘅丹麥皇家珍寶館,裡面有克裡斯蒂安四世嘅皇冠、克裡斯蒂安三世嘅寶劍和女王瑪格麗特二世嘅珍珠等大量皇室珍寶,包你大開眼界呀!

 

羅森堡城堡
地址:Øster Voldgade 4 A, 1350 København K (顯示地圖)
營業時間:
1月2日至4月30日:10:00-14:00(星期一關閉)
5月1日至5月31日、9月1日至10月31日、12月21至12月30日:10:00-16:00
6月1日至8月31日:10:00-17:00
11月1日至12月21日:10:00-14:00(星期一關閉,12月22-26、31日關閉)
門票價格:成人110克朗,17歲以下免費
交通方式:乘地鐵 M1 或 M2 綫在 Nørreport 下車

 

丹麥自由行 | 哥本哈根景點 | 蒂沃利公園 Tivoli Garden


@Flickr

蒂沃利公園坐落於首都哥本哈根中心,擁有約 160 年歷史,係丹麥其中一個最古老嘅主題公園,亦係世界上第二個建成嘅游樂場。蒂沃利公園唔只係一個主題公園,仲係一個現場音樂表演場地,每天都有Tivoli Boys Guard 所組成嘅隊伍,隨住音樂聲作遊行,令整個公園充滿住熱鬧歡愉嘅氣氛。最值得一提嘅係每逢夏天嘅星期五晚上,游樂場會舉行草坪搖滾音樂會,最適合親子一日遊。

 

蒂沃利公園
地址:Vesterbrogade 3,1630 Copenhagen, Denmark (顯示地圖)
營業時間:
4月至9月:星期五:11:00-00:30 ;星期六:11:00-00:00 ;星期四至日:11:00-23:00
10月至12月: 星期五、六:11:00-23:00 ;星期四至日:11:00-22:00
6月中至8月中:星期五、六:11:00-00:30 ;星期四至日:11:00-00:00
門票價格:成人85克朗 (成人125克朗,星期五 20:00 後入場),小童45克朗
交通方式:乘地鐵 M1 或 M2 綫於 Nørreport 站下車,步行 15-20 分鐘;從哥本哈根火車站 (København H) 步行約 2 分鐘

 

丹麥自由行 | 哥本哈根住宿 | 安徒生酒店 Andersen Boutique Hotel

安徒生酒店位於哥本哈根市中心,裝潢充滿時尚現代感,坐擁獨特設計風格,開幕至今廣受好評。住宿位置優越係酒店步行 5 分鐘就可以抵達哥本哈根中央火車站,附近仲有唔少市區內嘅熱門景點添!

 

安徒生酒店 Andersen Boutique Hotel
地址:DNK哥本哈根Helgolandsgade 12,3077 5737 (顯示地圖)
星級 | ★★★☆☆
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

丹麥自由行 | 哥本哈根住宿 | 哥本哈根埃德莫瑞酒店(Copenhagen Admiral Hotel)

哥本哈根埃德莫瑞酒店坐落於一棟18世紀80年代遺產建築內,兩百年曆史波美拉尼亞松木橫梁、磚牆和拱門為酒店增添了獨特色彩。住宿位置超好,一踏出門,步行幾步就可到達新港,喜歡丹麥風情嘅朋友可以不防考慮一下。

 

哥本哈根埃德莫瑞酒店(Copenhagen Admiral Hotel)
地址:DNK哥本哈根Toldbodgade 24-28,3077 5737 (顯示地圖)
星級 | ★★★★☆
位置 | ★★★★★  
設施 | ★★★★☆  
環境 | ★★★★☆  
價格 | 查看價格

 

丹麥自由行|哥本哈根住宿 | 貝德伍德青年旅舍 (Bedwood Hostel)

如果旅遊預算較低嘅朋友,可以考慮一下住青年旅舍,一晚只需大約$1,000港幣左右,價格係丹麥黎講係相對便宜。貝德伍德青年旅舍離哥本哈根埃德莫瑞酒店非常近,旁邊就是新港,風景優美。客戶滿意度超高CP值就當然好高啦!

 

貝德伍德青年旅舍 (Bedwood Hostel)
地址:DNK哥本哈根Toldbodgade 24-28,3077 5737 (顯示地圖)
星級 | ★★★★☆
位置 | ★★★★★  
設施 | ★★★★☆  
環境 | ★★★★☆  
價格 | 查看價格

 

 

Hotels.com 酒店優惠