定期送上世界各地最新、最地道嘅旅遊資訊!

【Grad Trip窮游歐洲】法國巴黎景點、巴黎博物館慳錢大法!

Grad Trip想遊歐洲?無問題!今次就等小編整合一個巴黎景點巴黎博物館行程攻略,教埋大家窮遊歐洲慳錢大法!就算budget唔多嘅你,都可以玩盡巴黎!

 

Grad Trip窮游歐洲 | 巴黎博物館慳錢大法|Paris Museum Pass


@Paris Museum Pass官網

去到歐洲最有歷史性嘅城市巴黎,參觀歷史建築物、藝術館同博物館絕對係行程重點!但大部分景點入場費都要€10歐羅以上,去幾個地方都已經要花費€50-€60歐羅,完全有違窮遊原則!所以小編推介大家買一張Paris Museum Pass,呢張Pass可以通行50多個景點,當中包括:羅浮宮、凡爾賽宮、巴黎聖母院,仲有奧塞美術館等等,都只係€48歐羅起!最重要係,除咗幫你慳錢,仲可以慳埋時間!因為有咗通行證唔單止慳到排隊買飛嘅時間,部分景點仲可以比你當快證用,直接越過人龍入場,爽呀!

 

Paris Museum Pass
費用 (只供參考):2日券€48歐、4日券€62歐,6日券€74歐
購買地點:

 

Grad Trip窮游歐洲 | 巴黎景點推薦 | 法國電影博物館 (La Cinémathèque Française)

通行證包含55個景點,當然無辦法一次過行哂,就等小編精選幾個必去地點比大家啦!第一個就係法國電影博物館啦!
法國電影博物館嘅建築本身已經大有來頭,由世界級建築師Frank Gehry設計,外形係由影片菲林卷取得靈感,配合電影主題。而呢度更加係全世界典藏電影資料最豐富嘅電影博物館,收藏多達2萬5千部電影、5千多部電影藏書,仲有好多古老電影器材同道具等等!就算你唔係電影狂熱者,都一定會大開眼界!

 

法國電影博物館 (La Cinémathèque Française)
地址:51 Rue de Bercy, 75012 Paris, France (顯示地圖)
開放時間:星期一、三,五至日12:00-19:00;星期四12:00-21:00;逢星期二休館
官網:http://www.cinematheque.fr/

 

Grad Trip窮游歐洲 | 巴黎博物館推薦 | 羅浮宮 (Musée du Louvre)


@Flickr

去法國自由行,冇去過聞名世界嘅羅浮宮就等於冇嚟過!羅浮宮原本係法國皇宮,足足有八個世紀歷史!現今係收藏超過三十萬件藝術品嘅藝術館!而羅浮宮正廣場外,由貝律銘設計嘅玻璃金字塔更加係巴黎一大地標!羅浮宮之所以咁厲害,因為呢度有三寶!第一寶就係達文西作品-蒙羅麗莎的微笑;第二寶就係西元190前雕塑品,勝利女神La Victoire de Samothrace;第三寶就係維納斯女神Venus de Milo。大家嚟到記得搵齊三寶呀!

 

羅浮宮 (Musée du Louvre)
地址:Rue de Rivoli, 75001 Paris, France (顯示地圖)
開放時間:星期四,六至一09:00-18:00;星期三及五09:00-22:00;逢星期二休館
官網:https://www.louvre.fr/en

 

Grad Trip窮游歐洲 | 巴黎博物館推薦 | 巴黎畢卡索美術館Musée National Picasso

Image may contain: outdoor@Facebook

畢卡索係20世紀最享負盛名,最有代表性嘅藝術家!嚟到巴黎,一定要去收藏畢卡索作品最多嘅巴黎畢卡索美術館朝聖啦!博物館位於法國年青人好鐘意去嘅瑪黑區 (Le Marais) 內,而且博物館前身係建於17世紀嘅薩雷賓館,充滿濃厚古典風味。博物館之前仲經歷長達4年翻新,為古老建築融入現代化風格!館內所收集嘅畢卡索作品更加係非常豐富,有好多作品都係來自畢卡索後人捐贈,所以有多好珍品都只有呢度先睇到㗎!

 

巴黎畢卡索美術館 (Musée National Picasso)
地址:5 Rue de Thorigny, 75003 Paris, France (顯示地圖)
開放時間:星期二至五10:30-18:00;星期六及日09:30-18:00;逢星期一休館
官網:http://www.museepicassoparis.fr/

 

Grad Trip窮游歐洲 | 巴黎景點推薦 | 聖日耳曼昂萊城堡 (Château de Saint-Germain-en-Laye)


@Flickr

聖日耳曼昂萊城堡係充滿文藝復興風格,睇起嚟好似一個不規則五角形嘅城堡。城堡始建於1122年,不過而家現存建築中最古老嘅有大概500年歷史,而家已經改建為法國國立考古博物館。呢座城堡嘅建築設計非常宏偉,氣勢可比凡爾賽宮!而城堡曾經住過29個法國國王,充滿法國貴族情懷!大家一定要嚟拜訪一下呢個世界文化遺產呀!

 

聖日耳曼昂萊城堡 (Château de Saint-Germain-en-Laye)
地址:Place Charles de Gaulle, 78100 Saint-Germain-en-Laye, France (顯示地圖)
開放時間:星期三至一10:00-17:00;逢星期二休館
官網:http://en.musee-archeologienationale.fr/

 

Grad Trip窮游歐洲 | 巴黎景點住宿推薦 | 法蘭西阿爾比恩酒店

歐洲旅遊,住宿一般都比較昂貴,而法蘭西阿爾比恩酒店就係一間地理位置極好,價錢又平嘅酒店,啱哂窮旅嘅旅客!酒店行去著名景點巴黎歌劇院都係10分鐘,而鄰近St. George地鐵站,非常方便!

平價得嚟,酒店設備整全,房間設簡潔乾淨,CP值高!

 

法蘭西阿爾比恩酒店
地址:FRA巴黎11 Rue Notre Dame De Lorette (顯示地圖)
星級 | ★★☆☆☆   
位置 | ★★★★☆  
設施 | ★★☆☆☆  
環境 | ★★★☆☆
價格 | 查看價格  

 

Grad Trip窮游歐洲 | 巴黎景點住宿推薦 | 巴黎發電機酒店


想慳盡啲?大家不妨book呢間巴黎發電機酒店!價錢超抵,但環境同位置都唔錯,最啱Grad Trip同一班朋友一齊入住!

酒店設有混合宿舍,亦有獨立房間,無論係邊一個房種,都好舒適寬敞!

酒店內餐廳同酒吧設計好有個性,最啱玩完一日,同朋友一齊喺到飲返杯,chill吓!

 

巴黎發電機酒店
地址:FRA巴黎9-11 Place du Colonel Fabien (顯示地圖)
星級 | ★★☆☆☆   
位置 | ★★★☆☆  
設施 | ★★☆☆☆  
環境 | ★★★☆☆
價格 | 查看價格  

 

Hotels.com酒店優惠